Ekesode 2:21 - MUKANDA WA MYIDI MUKULU

²¹ Moshe kuitaba bua kusomba kua muntu awu. Yetro kuselesha muanende wa bakaji Sefora kudi Moshe.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Mose wakasua kushikama ne mulume au, ne yeye wakaha Mose Sipola, muanʼandi wa bakashi.

Ekesode 2:21 Marejeleo ya Msalaba

Ekesode 2:10

Muana mumane kukola, mamuende kumupingaja kudi muana wa mukalenga. Awu kumuangata bu muanende, kumuinyika dina ne: — Diende mMoshe, bualu ndi mumupatule mu mayi.

Ekesode 2:20

Yetro kuebeja bana bende ba bakaji ne: — Kadi muntu awu wepi? Nuamushiyi bua tshinyi? Mubikilayi bua tudie nende.

Ekesode 3:1

Moshe uvua udisha bimuna bia tatuende muenu Yetro, mutuangaji wa mu Madiyane. Dituku dikuabu kupitshilaye mu tshipela too ne ku Orebe, mukuna wa Mvidi Mukulu.

Ekesode 4:18

Moshe kuya kudi tatuende muenu Yetro, kumuambila ne: — Ndi ne bua kuya kumonangana ne bana betu badi bashala mu Ejipitu bua kujadika ne: batshidi ne muoyi. Tatuende muenu kuitaba ne: — Waya bimpe.

Dibadika 10:29

Moshe kuambila bukonde buende, Obabe, muana wa Reyuwele, muena Madiyane, ne: — Tuetu tudi tuya mu ditunga divua Maweja-Nangila mutulaye. Nanku mbimpe tuye nebe. Tshintu tshionsu tshikale Maweja-Nangila mutupeshe, neupete pebe.

Dibadika 12:1

Moshe uvua musele mukaji muena Kushe. Arone ne Miriyame kumujana bua mukaji awu.

Bienzedi 7:29

Moshe umvua miaku ayi, kunyemaye, kuya mu buloba bua Madiyane. Kulelayemu bana ba balume babidi.

1 Timote 6:6

Bulelela, kuenzela Mvidi Mukulu mudimu nekunemeshe muntu, padiye usanka ne bidiye nabi.

Ebrewu 11:25

Utata muanyishe bua banukengeshe pamue ne bantu ba Mvidi Mukulu pa mutu pa kusankaye mu malu mabi.

Ebrewu 13:5

Mu nsombelu wenu, kanuikadi ne lukuka lua biuma. Nusanke ne binudi nabi, bualu Mvidi Mukulu mmuambe ne: “Tshiena nkulekela, tshiena nkushiya nkayebe nansha kakese.”

Yakobe 1:10

Muanetu muena biuma asanke, bualu Mvidi Mukulu udi umupuekesha panshi. Bualu muena biuma neafube lukasa, bu tshilongu tshia mu mpata.