Ekesode 2:16 - MUKANDA WA MYIDI MUKULU

¹⁶ Mu Madiyane muvua mutuangaji Yetro ne bana bende ba bakaji muanda mutekete. Dituku adi bana ba bakaji abu kupueka bua kusuna mayi a kuela mu luvu bua kunuisha bimuna bia tatuabu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Mubuki wa Midiyana wakadi ne bana ba bakashi muanda mute kete bobo bakaha kusuna mai, bakûsha luvu lua mai tente bua kunuisha mikoko ya tatuʼabo mai.

Ekesode 2:16 Marejeleo ya Msalaba

Genese 14:18

Nanku Melkisedeke uvua mukalenga wa bena Saleme, muikale kabidi mutuangaji wa bantu ne Mvidi Mukulu muena kulu. Kutuadilaye Abrame mampa ne maluvu.

Genese 24:11

Muena mudimu awu kufika pabuipi ne tshiina tshivua ku mpenga kua tshimenga dilolu, diba didi bakaji baya bua kusuna mayi. Kufuishaye tumelu binu panshi.

Genese 24:13

Mpindiewu ndi muimane ku mpokolu wa mayi. Bana ba bakaji ba bantu badi mu tshimenga nebafike bua kusuna mayi.

Genese 29:2

Mu luendu alu, dituku dikuabu kumonaye tshiina tshia mayi mu mpata, tshibuikila dibue dia bujitu. Mayi awu ke avuabu banuisha mikoku. Bisumbu bia mikoku ne bia mbuji bisatu bivua muaba awu, bikishe.

Genese 41:45

Kuinyikaye Yozefe dina dia bena Ejipitu dia Safnate-Paneya. Kumuseleshaye ne mukaji, dina diende Asnate, muana wa mutuangaji Potifera wa mu tshimenga tshia One. Kutuadija mu tshikondu atshi, Yozefe uvua mua kuendakana mu ditunga dijima dia Ejipitu.

Ekesode 18:1

Yetro, mutuangaji wa mu Madiyane, tatuende muenu wa Moshe, kumvua-ye lumu lua bionsu bivua Maweja-Nangila Mvidi Mukulu muenzele Moshe ne bena Izrayele pawaye mubapatule mu Ejipitu.

Ekesode 18:12

Pashishe Yetro, tatuende muenu wa Moshe, kuoshila Maweja-Nangila nyama ya milambu. Kumulambulaye kabidi milambu ya ditua ndondu. Arone ne bakulu bonsu ba bena Izrayele, pamue ne Yetro, kudia biakudia bia tshijila abi.

Ekesode 3:1

Moshe uvua udisha bimuna bia tatuende muenu Yetro, mutuangaji wa mu Madiyane. Dituku dikuabu kupitshilaye mu tshipela too ne ku Orebe, mukuna wa Mvidi Mukulu.