Ekesode 19:22 - MUKANDA WA MYIDI MUKULU

²² Batuangaji badi mua kufika pabuipi nanyi, kadi bumushe mikiya. Tshianana ndi mua kubashipa.

Mukanda wa Nzambi Dihungila Dikulukulu ne Dihungila Dihia-dihia 2003

²² Bakuidi bonso badi balue hehi ne Yehowa badijidile, bua Yehowa kabashihi.

Ekesode 19:22 Marejeleo ya Msalaba

1 Kulondolola 15:13

Musangu wa kumpala kanuvuapu. Ke pavua Maweja-Nangila Mvidi Mukulu wetu mutunyoke ne dinyoka dia lufu. Bualu katuvua balonde bulongolodi budiye musue.

2 Kulondolola 30:15

Dituku dia dikumi ne dinayi dia ngondu awu, kushipabu nyama ya tshibilu tshia Dipita dia Maweja-Nangila. Batuangaji ne bena Levi bavua bumvue bundu, bualu bavua ne mikiya. Nanku kumushabu mikiya ayi, bua bamone mua kubuela ne milambu ya kuosha mu nzubu wa Mvidi Mukulu.

Ekesode 19:24

Nanku, Maweja-Nangila kuandamuna ne: — Tuluka, uye kukeba muanenu Arone mu mitanda. Nubande nende. Kadi batuangaji ne bantu bonsu kababandi ku mukuna kundi to. Tshianana ndi mua kubashipa.

Ekesode 19:5

Mpindiewu, nuenu bitabe tshindi nnuambila, balame ndondu wanyi, nenuikale tshisamba tshianyi tshindi musungule munkatshi mua bisamba bionsu bidi pa buloba. Bualu buloba bujima mbuanyi meme.

Ekesode 24:5

Pashishe, Moshe kutuma nsongalume ya bena Izrayele, bua kuoshila Maweja-Nangila nyama mijima, ne bua kumulambula ngombe milume, bua mulambu wa ditua ndondu.

Yeshaya 52:11

Nuenu badi bambula malongu, ngesu ne makopu, bua kutendelela nabi Maweja-Nangila, umukayi, umukayi lukasa. Patukayi mu Babilone. Kanulengi tshintu tshibi. Patukayi kanuyi nupia mikiya.

Lewitiki 21:6

Batuangaji badi ne bua kungenzela mudimu. Kabena ne bua kufuisha dina dianyi bundu. Badi ne bua kundambula meme Maweja-Nangila Mvidi Mukulu wabu milambu. Ke mundi musue ne: bikale bantu ba tshijila matuku onsu.

Dibadika 11:18

Ambila kabidi bena Izrayele ne: “Nudilongolole bua dituku dia maloba, numushe mikiya! Nebanutumine munyinyi, bualu Maweja-Nangila mumvue miadi yenu ne: Udi mua kutupesha munyinyi nnganyi? Mu Ejipitu, tuvua bimpe bitambe! Nanku, Maweja-Nangila neanupeshe munyinyi wa nuenu kudia.

Bienzedi 5:10

Safira kudishinda diakamue ku makasa a Petro, kukula muoyi. Bansongalume kubuela, kumusangana mufue. Kumuambulabu, kuya kumujika pabuipi ne bayende.

Bienzedi 5:5

Ananiyase umvua miaku eyi, kuponaye panshi, kufila. Bowa kukuata bantu bonsu bavua bumvua bualu ebu.