Ekesode 19:16 - MUKANDA WA MYIDI MUKULU

¹⁶ Nanku, dituku disatu dinda, makubakuba ne miele ya mvula kumvuika ku mukuna. Pashishe divuba dinene kumueneka ku mukuna. Bantu bonsu bavua mu mitanda, bumvue kabidi muadi mukole wa mpungi, kuzakala bikole.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Hakalua dituku disatu ne dinda, makubakuba ne miele ya nvula ne difutu difike biakadi ha mukuna, ne di dia mpungi diakatamba bukole, bantu bonso bakadi mu tshitudilu bakazakala.

Ekesode 19:16 Marejeleo ya Msalaba

2 Samuele 22:10

Maweja-Nangila kuinyika diulu, kutuluka panshi, divuba difike muinshi mua makasa ende.

2 Kulondolola 5:14

Batuangaji kabavua ne mushindu wa kutungunuka ne mudimu wabu to, bualu bua divuba adi, bualu butumbi bua Maweja-Nangila buvua buwula mu nzubu wende.

Yobe 38:25

Udi muenzele mvula mukidi mu diulu, mupandile makubakuba ne mikenya ya mvula njila nnganyi?

Misambu 50:3

“Mvidi Mukulu wetu afike! Alekele kupuwa!” Kapia kanene kadi kamudianjidila, lupepele lua mvunde lumuela munkatshi.

Misambu 77:18

Mavuba akapatula muenji mukole, munkatshi mua mayi muvua mikungulu ya mvula, miketa yebe ivua ipitakana nseke yonsu.

Misambu 81:8

Pauvua mu dikenga, wewe kumbikila, meme kukupandisha. Meme kukuitaba mu tshipepela tshikole. Meme kukuteta ku mayi a Meriba.

Misambu 97:4

Miele ya mvula idi ikenkesha bantu, buloba budi buyimona, buzakala.

Ekesode 19:11

Bangindile, bualu dituku disatu meme nempueke ku mukuna wa Sinayi, bena Izrayele bonsu batangile.

Ekesode 19:15

Moshe kubambila kabidi ne: — Munkatshi mua matuku asatu, kanubueledi bakaji mu nzubu to.

Ekesode 19:17

Moshe kumuka ne bantu mu mitanda kusemena ku mukuna bua kumonangana ne Mvidi Mukulu. Kuimanyinabu pa bule kuinshi kua mukuna.

Ekesode 19:9

Maweja-Nangila kuambila Moshe ne: — Ndi mpueka musokome mu divuba bua kuyukila nebe, bua, padi bantu bumvue mutudi tuyukila nebe, bakuitabe. Moshe kufikisha bivua bantu bandamune kudi Maweja-Nangila.

Ekesode 20:18

Bantu bonsu bumvue makubakuba ne miadi ya mpungi, bamone kabidi miela ya mvula ne muinshi ufuima ku mukuna, kutshinabu, kuzakalabu, kuimanyinabu pa bule.

Ekesode 20:21

Bantu bonsu bavua bimanyine pa bule. Anu Moshe nkayende ke uvua musemene pabuipi ne divuba difike, muaba uvua Mvidi Mukulu.

Ekesode 40:34

Diba adi divuba divua dibuikila ntenta wa kusambakena. Butumbi bua Maweja-Nangila kuwulabu muaba wa tshijila.

Ekesode 9:23

Moshe kuela dikombu mulu. Maweja-Nangila kulokesha mvula mukole wa makubakuba ne wa mabue.

Yirmeya 5:22

Maweja-Nangila udi ukonka ne: Kanuena nuvuluka bukole buanyi anyi? Kanuena nuntshina bua tshinyi? Meme ndi muteke lusenga bua luikale mukalu wa mayi manene. Ludi bu nkila muasa bua kashidi. Mayi kaena mua kusambuka nkila awu to. Adi atuuta ku nkila, kadi nkila kena ubumbuka to. Mavuala adi atuutaku ne tshiona tshikole, kadi kaena asambuka nkila to.

Nahume 1:3

Maweja-Nangila kena ufika munda lukasa, udi ne bukole bupite. Kadi kena ubingisha muntu udi mupile. Padi Maweja-Nangila wenda, tshipepele tshikole tshidi tshijuka. Mavuba ke lupuishi ludiye ujula padiye wenda.

Matayi 24:31

Mpungi munene neadile. Muana wa muntu neafume batumibue bende ku ntengu inayi ya buloba. Nebasangishe badiye musungule, bafume ku ntengu ne ntengu ya buloba ayi.

Dielulula 5:5

Musangu awu, meme Moshe mvua muimane pankatshi penu ne Maweja-Nangila, bua kunumanyisha bionsu bivuaye wamba. Kanuvua basue kubanda ku mukuna to, bualu nuvua nutshina kapia aku. Ke Maweja-Nangila kunuambila ne:

Ebrewu 12:21

Bualu buvuabu bamone buvua bubakuatshisha bowa bikole bipite. Ke mutua Moshe muambe ne: “Ndi nzakala, bualu ndi ne bowa bua bungi.”

Didimanyisha 1:10

Dituku di Mfumu, Mueyelu wa Tshijila kumvulula. Meme kumvua panyima panyi diyi dikole, bu muadi wa mpungi,

Didimanyisha 11:19

Ke nzubu wa Mvidi Mukulu udi mu diulu, kunzuluka. Mushete wa ndondu kumuenekamu. Mikenya, mikungulu, makubakuba, tshikumina kuenzeka, kabidi mvula mukole wa mabue kuloka.

Didimanyisha 4:1

Pashishe Mvidi Mukulu kundeja malu makuabu. Meme kumona tshiibi tshiunzuluka mu diulu. Diyi dimvua mumvue diela tshiona bu mpungi, dingambila bualu bangabanga adi, kumvuika, kungambila ne: — Banda apa. Nenkuleje malu adi ne bua kuenzeka pashishe.

Didimanyisha 4:5

Mikenya, bibingu, ne makubakuba, bivua bipatuka ku nkuasa awu wa butumbi. Bimunyi muanda mutekete bia kapia bivua bitema kumpala kua nkuasa: ke mieyelu muanda mutekete ya Mvidi Mukulu.

Didimanyisha 8:5

Pashishe mutumibue kuangata mbabula, kuelamu kapia ka ku tshilambuilu, kuwuja. Pashishe kuitshikijaye kapia pa buloba. Ke makubakuba kuakulawu, mikenya kupenya, tshikumina kuenzeka pa buloba.