Ekesode 19:10 - MUKANDA WA MYIDI MUKULU

¹⁰ Maweja-Nangila kuambila Moshe ne: — Pingana kudi bantu, ubambile ne: “Lelu ne malaba numushe mikiya, nusukule kabidi bilamba bienu.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Yehowa wakambila Mose ne, Ya biebe kudi bantu, ubajidike lelu ne makelela, bobo bauvu-we bilulu biabo,

Ekesode 19:10 Marejeleo ya Msalaba

Genese 35:2

Yakobe kuambila bena diku diende ne bantu bende ne: — Dilongololayi. Umushayi mvidie ya bisamba bikuabu idi munkatshi muenu. Dikobololayi, nuvuale bilamba bikuabu.

2 Samuele 19:24

Mukalenga Davide kuambila Shimeyi ne: — Ndi nditshipa ne: kabena mua kukushipa to.

2 Kulondolola 29:34

Batuangaji bavua muaba awu kabavua bungi bukumbane, bua kusaya nyama yonsu ya milambu ya kuosha to. Nanku, bana babu bena Levi kubambuluisha bua kusaya nyama ayi, bindila batuangaji bakuabu batshi wa bajikija mudimu wa kumusha mikiya ivuabu nayi. Bualu bena Levi bavua bumushe mikiya lukasa, bapite batuangaji ku disuminyina.

2 Kulondolola 29:5

kubambilaye ne: — Ntelejayi, nuenu ndelanganyi ya Levi. Umushayi mikiya yenu mpindiewu. Pashishe numushe mikiya idi nzubu wa Maweja-Nangila Mvidi Mukulu wa bankambua benu nayi. Nupatule mu nzubu amu bintu bionsu bidi ne mikiya.

Yobe 1:5

Pavua masanka ajika, Yobe uvua ubikidisha bana bende, ujuka patshiatshia, ulambula Mvidi Mukulu mulambu wa kosha bua kukobolola yonsu wa kudibu. Yobe uvua wela meji ne: “Bumue bana banyi mbenzele Mvidi Mukulu bibi, nansha bapenda Mvidi Mukulu mu meji abu kabayi bamanye.” Ke muvua Yobe wenza misangu yonsu nanku.

Lewitiki 11:25

Padi muntu wambula nyama ayi mimane kufua, nansha yeye musukule bilamba biende, utshidi amu ne mikiya too ne ku dilolu.

Lewitiki 15:5

Kabidi muntu yonsu udi ulenga bulalu abu, asukule bilamba biende, wowe mayi. Kadi neikale mupie mikiya too ne ku dilolu.

Dibadika 11:18

Ambila kabidi bena Izrayele ne: “Nudilongolole bua dituku dia maloba, numushe mikiya! Nebanutumine munyinyi, bualu Maweja-Nangila mumvue miadi yenu ne: Udi mua kutupesha munyinyi nnganyi? Mu Ejipitu, tuvua bimpe bitambe! Nanku, Maweja-Nangila neanupeshe munyinyi wa nuenu kudia.

Dibadika 19:19

Mayi a tshijila awu, badi baamiamina muntu udi ne mikiya dituku disatu ne dia muanda mutekete. Bamane kumiamina mayi a dituku dia muanda mutekete, muntu awu neasukule bilamba biende, wowe mayi. Nanku mikiya yende neijike ku dilolu.

Dibadika 31:24

Dituku dia muanda mutekete, nusukule bilamba bua kumusha mikiya yenu. Pashishe nenupingane mu mitanda, kanuyi kabidi ne mikiya.

Dibadika 8:21

Bena Levi kudilongolola, kumusha mikiya yabu, kusukula bilamba biabu. Pashishe, Arone kubajidila bua bikale bantu ba Maweja-Nangila. Kubakobololaye bua kumusha mikiya.

Dibadika 8:7

Newenze nunku: ubamiamine mayi bua kubakobolola nawu. Pashishe bakungule boya bonsu mubidi mujima, basukule bilamba biabu. Nanku kabakuikala kabidi ne mikiya to.

1 Korente 6:11

Ke muvua bamue ba kunudi kale. Kadi mbamane kunujimijila mibi yenu, banuenze bantu ba tshijila bua nuikale bantu ba Mvidi Mukulu. Mvidi Mukulu mmumane kunubingisha mu dina dia Mfumu Yezu Kristu, kabidi ku bukole bua Mueyelu wa Mvidi Mukulu wetu.

Ebrewu 10:22

Nenku tusemenayi kudi Mvidi Mukulu ne muoyi umue, bashindame mu ditaba dietu, bamane kulengeja muoyi wetu ku bilema bionsu bidi kondu ketu ka munda katupisha nabi, bamane kuowesha mubidi wetu ne mayi mimpe.

Yoshua 3:5

Yoshuwa kuambila bena Izrayele ne: — Nujikije mikiya inudi nayi, bualu malaba Maweja-Nangila neenze bishima munkatshi muenu.

Yoshua 7:13

Mpindiewu, ndaku, ambila bena Izrayele badilongolole bua tumonangane nabu. Kadi badikobolole, bumushe mikiya, bafike malaba tumonangane. Bualu meme Maweja-Nangila Mvidi Mukulu, ndi njadikila bena Izrayele ne: “Nudi bangate bintu bimvua munukandike ne: kanuangatshi. Kanuena mua kupita baluishi benu bukole panudi kanuyi bumushe bintu abi to.

Didimanyisha 22:14

Bantu badi basukula mintumpu yabu, mbena diakalenga. Nanku nebabanyishe bua badie tshimuma tshia mutshi wa muoyi, babuele mu tshimenga, bapitshile ku tshiibi.

Didimanyisha 7:14

Meme kumuandamuna ne: — Mfumu wanyi, tshiena mumanye. Amu wewe ke udi mua kumanya. Ke kungambilaye ne: — mBantu bavuabu bakengeshe bikole, kadi kabayi bateketa. Bavua basukule mintumpu yabu, bayitokeshe mu mashi a Muana wa mukoku.

1 Samuele 16:5

Samuwele kuandamuna ne: — Eyowa, ndi mufike bua kulambula Maweja-Nangila mulambu. Nanku, nujikije mikiya yonsu inudi nayi, bua tuye nenu. Samuwele kubikidisha kabidi ne Ishayi ne bana bende ba balume, bua bajikije mikiya yabu, badisanga nende ku mulambu.