Ekesode 18:26 - MUKANDA WA MYIDI MUKULU

²⁶ Bakulu abu, bavua balumbuluisha bilumbu bikese matuku onsu. Kadi bilumbu binene bavua baye nabi kudi Moshe.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Bobo bakalumbuluila bantu bilumbu matuku onso, bakalua ne bilumbu bikole kudi Mose, ne bobo bakakosa bilumbu bikese.

Ekesode 18:26 Marejeleo ya Msalaba

1 Bakalenga 10:1

Mukalenga mukaji wa mu ditunga dia Saba, kumvuaye lumu lua Shelomu. Kuyaye bua kumonangana nende, kumukonka malu makole bua kujadika muvua lungenyi luende.

Yobe 29:16

Meme kushala tatu wa bakengi. Meme kuambuluisha benyi mu ntatu yabu yonsu.

Ekesode 18:22

Bakulu abu, nebalumbuluishe bantu matuku onsu bua kukuambuluisha. Nebakutuadile wewe anu bilumbu binene. Kadi bobu nebajikije tulumbu tukese. Nanku, mudimu webe neukepele.

Lewitiki 24:11

Dina dia mamuende divua Shelomite, muana wa Dibri, wa mu tshisamba tshia Dane. Nsongalume awu kuluangana ne muena Izrayele mukuabu. Kutuadijaye kupenda Mvidi Mukulu, usendeka dina diende. Diakamue bena Izrayele kumufunda kudi Moshe.

Dielulula 1:17

Nukose tshilumbu anu muditshi. Nuteleje muntu yonsu, mubanji ne mupele, kakuyi kansungansunga. Kanutshinyi muntu pa kukosa tshilumbu, bualu nudi nulumbuluisha mu dina dia Mvidi Mukulu. Pikala tshilumbu tshinupita, nufike natshi kundi bua meme kutshiumvua!”

Dielulula 17:8

Pikala balumbuluishi ba muaba unudi basombe, bapangile tshilumbu tshia bantu, bavua bashipangane, batutangane, batapangane mputa, nansha benze tshilema tshikuabu kampande, nuye ne tshilumbu atshi muaba wikala Maweja-Nangila musungule.