Ekesode 18:16 - MUKANDA WA MYIDI MUKULU

¹⁶ Padibu ne tshilumbu, badi bafika kundi. Ndi njikija matandu abu. Pashishe ndi mbamanyisha meyi ne mikandu bia Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bikalabo ne tshilumbu, badi balue kundi, ne meme ndi ndumbulula hankatshi ha muntu ne mmena mutumba nʼandi, ndi mbamanyisha mei a Nzambi ne mikenji yandi.

Ekesode 18:16 Marejeleo ya Msalaba

2 Samuele 15:3

Nanku Absalome uvua umuandamuna ne: — Mbimpe, tshilumbu tshiebe ntshimpe kabidi, udi mubinge. Kadi kakuena muntu udi mukalenga Davide musungule bua kumvuaye tshilumbu tshiebe.

2 Kulondolola 19:10

Padi bana benu bandumbulula bafuma mu bimenga bidibu basombe, banulomba meji bua bualu bua dishipangana, nansha bua malu makuabu adi atangila meyi, mikenji ne mikandu, nubumvuije mushindu udibi. Nanku bantu abu, kabakuenzela Maweja-Nangila bibi to. Nuenze mundi munuambile emu bua kanuikadi bena tshibawu.

Yobe 31:13

Pavua muena mudimu wanyi mulume, nansha muena mudimu mukaji ne bualu, mvua mmuteleja, mmulongoluela tshilumbu anu mu buakane.

Ekesode 18:17

Tatuende muenu wa Moshe kumuambila ne: — Mushindu uudi wenza mudimu kawena mukumbane to.

Ekesode 2:13

Butshia dinda, Moshe kumona kabidi bena Ebrewu baluangana. Kukonkaye uvua muenze bibi ne: — Udi utuuta mukuebe nanku bua tshinyi?

Ekesode 23:7

Kanuteleji muena biakulakula. Kanushipi udi kayi ne bualu nansha muntu muakane, bualu meme nempishe bena buenzayi bua nanku.

Ekesode 24:14

“Nushale batuindile muaba ewu too ne pawapingana. Padi muntu ne bualu, aye kudi Arone ne Ure, banudi nushala nabu.”

Lewitiki 24:15

Nenku wambila bena Izrayele mikenji eyi ne: “Padi muntu usendeka Mvidi Mukulu wende, udi udikebela tshilumbu.

Dibadika 15:35

Maweja-Nangila kuambila Moshe ne: — Muntu awu tshiende ndufu! Bena Izrayele bonsu bumuke ne muena tshibawu awu muaba udi mitanda, bamuase mabue, bamushipe.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

1 Korente 6:1

Padi umue wa kunudi tshilumbu ne muanabu, mudiye ukimina kufunda muanabu kudi bakoshi ba nsambu badi kabayi bitaba Mvidi Mukulu mmunyi? Bena ditaba nabu kabena mua kubalumbuluisha anyi?

Dielulula 4:5

Panuafika mu ditunga dia Kenaane dinukuata, nukumbaje meyi ne mikenji bimvua munulongeshe, bu muvua Maweja-Nangila Mvidi Mukulu wanyi mungambile.

Dielulula 5:1

Moshe kubikila bena Izrayele bonsu, kubambila ne: — Bena Izrayele, telejayi meyi ne mikenji, bindi nnuambila lelu. Nubilonge, nubikumbaje.

Dielulula 6:1

Telejayi meyi ne mikenji, bidi Maweja-Nangila Mvidi Mukulu wenu mungambile bua kunulongesha, bua nubikumbaje mu ditunga dinukadi pa kubuela bua kudikuata mpindiewu.

1 Samuele 12:23

Meme Samuwele, tshiena musue kuenzela Maweja-Nangila bibi to. Misangu yonsu nengikale ndomba Maweja-Nangila bualu buenu. Ndi anu nnuleja njila muimpe, mululame.