Ekesode 16:4 - MUKANDA WA MYIDI MUKULU

⁴ Maweja Nangila kuambila Moshe ne: — Ndi musue kukutumina biakudia bia mu diulu. Dituku dionsu, bena Izrayele nebaboye biakudia bikumbane, kadi anu bua dituku adi. Ke mundi nnuteta, bua meme kujadika ne: bena Izrayele nebitabe mikenji yanyi anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yehowa wakambila Mose ne, Mona, nennulokeshile bidia bia mu diulu, bantu nebaye, nebabisangishe ku dituku bikumbane ku dituku bikumbane. Nembatete ne badi benda mu di dianyi, anyi?

Ekesode 16:4 Marejeleo ya Msalaba

Nehemya 11:23

Bena misambu bavua balonda mikenji ya mukalenga, ivua ibafundila mudimu wa kuenza ku dituku ne ku dituku.

Nehemya 9:15

Pavuabu ne nzala, Wewe kubapesha biakudia bia mu diulu. Pavuabu ne nyota, wewe kubapesha mayi a mu lubuebue. Wewe kubatuma bua baye kukuata ditunga, diuvua mubalaye, mutshidipe.

Nehemya 9:20

Wewe kubapesha Mueyelu webe, bua bapete meji mempe. Wewe kubapesha kabidi biakudia ne mayi, bua kutuyisha nzala ne nyota yabu.

Misambu 105:40

Kubapeshaye nkuadi pakamulombabu, kubukutshishaye ne mampa a mu diulu.

Misambu 78:23

Kutuminaye mavuba a kulu diyi. Kunzululaye biibi bia diulu.

Ekesode 15:25

Moshe kusengelela Maweja-Nangila. Maweja-Nangila kumuleja tshitupa tshia mutshi. Moshe kutshiela mu mayi. Bululu mu mayi kujika. Ke muaba uvua Maweja-Nangila mupeshe bena Izrayele meyi ne mikenji biende, mubatete kabidi.

Ekesode 16:15

Kadi, bu muvua bena Izrayele kabayi bamanye bintu abi, kukonkanganabu ne: — Etshi ntshinyi? Moshe kubambila ne: — Bintu ebi mmampa adi Maweja-Nangila munutumine bua nuenu kudia.

Nsumuinu 30:8

Ungambuluishe bua tshishimi bantu bakuabu. Kabidi tshikadi mubanji munene, tshikadi mupele menemene. Kadi umpe amu bindi nkengela panu.

Matayi 6:11

Utupe tshiakudia tshietu ku dituku ku dituku.

Luke 11:3

Utupe ku dituku ku dituku tshiakudia tshitudi tukengela.

1 Korente 10:3

Bayua badia bonsu biakudia bia momumue bidi kabiyi bimueneka.

Dielulula 8:16

Amu mu tshipela amu, Maweja-Nangila kunupa mana, biakudia bivua bankambua benu kabayi banji kumanya. Uvua munukengeshe, kadi amu bua kunuteta, kabidi bua kunulongoluela diakalenga matuku adi kumpala.

Dielulula 8:2

Nuvuluke luendu lule luvua Maweja-Nangila Mvidi Mukulu munuendeshe mu tshipela bidimu makumi anayi. Uvua munukengeshe bua kunuteta, bua ajadike meji adi munda muenu, ne mushindu unudi basue kukumbaja mikenji yende.

Yoshua 24:15

Panuikala nubenga bua kuenzela Maweja-Nangila mudimu, lelu nusungule mvidie inudi basue kutendelela. Tshilejilu: mvidie ivua bankambua benu batendelela, patshivuabu dishiya dia musulu wa Perate, nansha mvidie ya bena Amore, idi mu ditunga dinudi basombe edi. Kadi meme ne bena diku dianyi, netuenzele Maweja-Nangila mudimu.