Ekesode 16:15 - MUKANDA WA MYIDI MUKULU

¹⁵ Kadi, bu muvua bena Izrayele kabayi bamanye bintu abi, kukonkanganabu ne: — Etshi ntshinyi? Moshe kubambila ne: — Bintu ebi mmampa adi Maweja-Nangila munutumine bua nuenu kudia.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Hakatshimonabo, Bena Isalele bakakemangana ne, Etshi ntshinyi? bua bobo kabakatshumanya Mose wakabambila ne, Tshidi bidia biakunuha Yehowa bua kudia.

Ekesode 16:15 Marejeleo ya Msalaba

Nehemya 9:15

Pavuabu ne nzala, Wewe kubapesha biakudia bia mu diulu. Pavuabu ne nyota, wewe kubapesha mayi a mu lubuebue. Wewe kubatuma bua baye kukuata ditunga, diuvua mubalaye, mutshidipe.

Nehemya 9:20

Wewe kubapesha Mueyelu webe, bua bapete meji mempe. Wewe kubapesha kabidi biakudia ne mayi, bua kutuyisha nzala ne nyota yabu.

Misambu 105:40

Kubapeshaye nkuadi pakamulombabu, kubukutshishaye ne mampa a mu diulu.

Misambu 78:24

Kubalokeshilaye mana bua kudiabu, kupeshaye bantu bende diampa dia mu diulu.

Ekesode 16:31

Bena Izrayele kuinyika biakudia abi ne: mmana. Bivua bitoke bifuanangane ne ntete ya koriandre. Kabidi bivua bisheme bu mikata mienza ne buitshi.

Ekesode 16:33

Moshe kuambila Arone ne: — Angata litre ya mana inayi, wela mu dibungu. Uteke dibungu adi kumpala kua Maweja-Nangila bua kulamina ndelanganyi yenu.

Ekesode 16:4

Maweja Nangila kuambila Moshe ne: — Ndi musue kukutumina biakudia bia mu diulu. Dituku dionsu, bena Izrayele nebaboye biakudia bikumbane, kadi anu bua dituku adi. Ke mundi nnuteta, bua meme kujadika ne: bena Izrayele nebitabe mikenji yanyi anyi?

Nsumuinu 9:5

“Luakunuayi, nudie ku mesa anyi, nunue maluvu andi munuenzele.

Dibadika 21:5

Kujanabu Mvidi Mukulu ne Moshe, bamba ne: — Nuvua batumushe mu Ejipitu bua tshinyi? Bua tuetu kufuila nzala mu tshipela! Apa katuena ne mampa, katuena ne mayi a kunua! Tudi tudia anu mana bua dikenga. Kadi akadi matutonde.

Luke 12:30

Bualu bantu badi kabayi bamanye Mvidi Mukulu bimpe, ke badi bapite kukeba bia nanku. Kadi nuenu, nudi ne Tatu wenu udi mumanye munudi nubijinga.

Yowanane 6:49

Bankambua benu bavua badie mana mu tshipela, kadi kufilabu.

Yowanane 6:58

Edi ke diampa difume mu diulu. Kadiena bu divuabu badie kudi bankambua benu bakadi bamane kufua. Muntu udi udia diampa edi neikale ne muoyi tshiendelele.

1 Korente 10:3

Bayua badia bonsu biakudia bia momumue bidi kabiyi bimueneka.

Dielulula 8:16

Amu mu tshipela amu, Maweja-Nangila kunupa mana, biakudia bivua bankambua benu kabayi banji kumanya. Uvua munukengeshe, kadi amu bua kunuteta, kabidi bua kunulongoluela diakalenga matuku adi kumpala.

Dielulula 8:3

Yeye mumane kunukengesha ne nzala, kumupeshaye mana, biakudia binuvua kanuyi banji kumanya, nansha nuenu nansha bankambua benu. Bionsu ebi, anu bua kunulongesha ne: muntu kena ne muoyi anu bua biakudia nkayabi to, kadi bua meyi onsu adi apatuka mukana mua Mvidi Mukulu.

Ebrewu 9:4

Muaba awu uvua tshilambuilu tshienza ne tshiamu tshia mpawungi tshivuabu boshela musenga wa manananshi. Muvua kabidi mushete wa ndondu mulamika mpawungi mubidi mujima. Munda mua mushete muvua dibungu dia mpawungi dikale ne mana, dikombu dia Arone disase bilongu, ne mabue avuabu bafundile mikenji ya ndondu.

Yoshua 5:12

Biangatshile tshikondu atshi, bena Izrayele kabavua bapeta kabidi mana to. Amu tshidimu atshi, kutuadijabu kudia biakudia bivua bimena mu ditunga dia Kenaane.

Didimanyisha 2:17

“Bidi Mueyelu wa Tshijila wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nembapeshe mana masokome. Nempeshe kabidi yonsu wa kudibu lusoka lutoke lufunda dina dipiadipia, didi muntu kayi mumanye, amu udi udipeta.”