Ekesode 15:16 - MUKANDA WA MYIDI MUKULU

¹⁶ Bowa ne dipampakana kubakuata bonsu. Baluishi kumona bukole buebe. Kuimanabu bu mabue, kabayi banyunga. Bantu baudi musungule, mubenze bebe, kupita talalaa, kamuyi bualu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Buowa ne ditshina biakubakuata, bualu bua bukole bua diboko diebe bobo badi bashikama holâ bu mabue, to ne hasabuka bantu bebe, Yehowa, tô ne hasabuka bantu bawakahikula.

Ekesode 15:16 Marejeleo ya Msalaba

Genese 35:5

Yakobe ne bonsu bavuaye nabu, kumukabu muaba awu. Mvidi Mukulu kukuatshisha bantu bonsu ba mu bimenga bivua nabu mutumba bowa bukole. Kupangabu mua kulondakaja Yakobe ne bana bende.

2 Samuele 7:23

Kakuena tshisamba tshikuabu pa buloba tshidi tshifuanangane ne tshia bena Izrayele. Wewe Maweja-Nangila uvua mufike bua kupikula amu bena Izrayele ku bupika bua bena Ejipitu, ne mu bianza bia mvidie yabu, bua bikale tshisamba tshiebe wewe. Nanku udi mupeteshe bena Izrayele lumu, bualu udi mubenzele malu a dikema, nansha adi akuatshisha bowa mu ditunga diebe.

Misambu 105:38

Bena Ejipitu kusanka bua dipatuka diabu, bualu bowa bukavua bumane kubakuata.

Misambu 74:2

Uvuluke bantu bebe bauvua mudisunguile ku kale. Kupu muoyi bisamba biuvua mupikule, mubienze biebe. Kuvulaminyi mukuna wa Siyone, muaba uuvua musue kusomba.

Misambu 89:14

Wewe ke udi ne diboku didi ne bukole, dinkomu diebe didi ne bukole, tshianza tshia balume tshidi tshiolola.

Ekesode 11:7

Kadi bena Izrayele bonsu too ne bimuna biabu, nansha mbua mene kena mua kubabuikila to. Nanku nenumanye ne: Meme ndi Maweja-Nangila, ndi nsunguluja bena Ejipitu ne bena Izrayele.”

Ekesode 15:13

Wewe kupikula bantu bebe! Wewe kubananga, kubalombola ne bukole! Wewe kubafikisha mu ditunga dia tshijila!

Ekesode 15:5

Mayi kubabuikila. Kudinabu too ne panshi pa mayi, bu mudi dibue dia bujitu.

Ekesode 15:6

Maweja-Nangila, tshianza tshiebe tshia balume tshidi ne bukole, tshidi tshibutula baluishi bebe.

Ekesode 18:8

Moshe kulondela tatuende muenu muvua Maweja-Nangila mukengeshe bena Ejipitu ne mukalenga wabu mu tshimuangi tshia bena Izrayele. Kumulondelaye kabidi muvua Maweja-Nangila mubapandishe mu makenga onsu avuabu nawu mu njila.

Ekesode 20:2

— Meme ndi Maweja-Nangila, Mvidi Mukulu webe, uvua mukupatule mu ditunga dia Ejipitu, muvuabu bakukuate ku bupika.

Ekesode 23:20

“Mutumibue wanyi neafike kunudi bua kunulama mu njila ne kunufikisha ku muaba undi munulongoluela.

Ekesode 23:22

Kadi, nuenu bitabe diyi diende, bakumbaje bionsu bindi ngamba, meme Maweja-Nangila nenduishe bantu bonsu badi banuelela meji mabi.

Ekesode 23:27

“Kadi bonsu badi basue kunuluisha, meme nembakuatshishe bowa, banutshine, bapange mua kunuluisha, banunyeme.

Ekesode 6:7

Nenuikale bantu banyi, nengikale Mvidi Mukulu wenu. Nenujadike ne: meme Maweja-Nangila ndi Mvidi Mukulu wenu. Ndi munumushe ku midimu mikole inuvua nuenzela bena Ejipitu.

Yeshaya 51:10

Uvua mumishe mayi manene, bu mayi a lubuwa, ki ngwewe anyi? Uvua mupande njila munkatshi mua mayi manene, bua bantu bauvua musungidile bapitshilemu, ki ngwewe anyi?

Yeshaya 63:12

Ke yeye uvua wenda ku dia balume dia Moshe, umuambuluisha ne diboku diende dikole. Uvua mupandulule mayi, bena luendu batangile. Ke muvuaye mupete lumu kashidi.

Yirmeya 31:11

Bualu Maweja-Nangila mmupikule bena Izrayele, mubapatule mu bianza bia muluishi wabu, uvua mubapite bukole.

Yezekiyele 16:8

Meme kupitshila pabuipi nebe tshiakabidi. Mvua mumone ne: ukavua mukumbaje bidimu bia kukubangila. Nanku, meme kukubikila ne tshinkutu tshianyi bua kujika butaka buebe. Meme kukulaya ne: nenshale webe ne muoyi umue. Meme kutua nebe ndondu. Ke mumua mushale wanyi meme. Meme Maweja-Nangila Mvidi Mukulu, ndi njadika bualu ebu.

Bienzedi 20:28

Dimukayi! Nudilame bimpe, nulame Tshisumbu tshia mikoku, tshidi Mueyelu wa Tshijila munupe. Nukube Tshisumbu tshia bena ditaba, tshidi Mvidi Mukulu mupete ku lufu lua muanende mulela.

Dielulula 11:25

Muntu nansha umue kakukandamana to. Bantu bonsu nebanutshine, bakuatshike bowa miaba yonsu inudi nupitshila, bu muvua Maweja-Nangila munulaye.

Dielulula 2:25

Kutuadija lelu, nenkuatshishe bisamba bionsu bia pa buloba bowa. Bobu bumvue lumu luenu, nebazakale, banutshina.”

Dielulula 2:4

Maweja-Nangila kuntuma bua kunumanyisha ne: “Nupitshile ku mikuna ya Seyire, muaba udibu basombe kudi bana benu, ndelanganyi ya Esawu. Nebanutshine. Kadi nuikale badimuke.

Dielulula 32:6

Nudi bantu ba tshianana, kanuyi lungenyi! Munudi nuenzela Maweja-Nangila nanku mbishi? Kena Tatuenu, kena mufuki wenu anyi? Kena munusungule, bua nuikale bantu bende anyi?

Dielulula 32:9

Udi mudisunguile bena Izrayele, muenze ndelanganyi ya Yakobe bantu bende.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Yoshua 2:9

Kubambilaye ne: — Ndi mumanye ne: Maweja-Nangila mmumane kunupa ditunga dietu edi. Nudi nutukuatshisha bowa bukole. Bantu bonsu badi anu banutshina.

Yoshua 4:24

Maweja-Nangila uvua muenze nanku, bua bantu bonsu ba pa buloba bamanye bukole buende. Kabidi bua nutumikile Maweja-Nangila Mvidi Mukulu wenu kashidi.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

2 Petro 2:1

Ku kale bambi ba dishima bavua bapatuke munkatshi mua bantu. Ke muapatuka kabidi balongeshi ba dishima munkatshi muenu. Nebatangalaje malongesha a dishima adi atukebela bipupu. Nebabenge Mfumu uvua mubasungidile. Nanku nebadikebele diakamue kabutu.

1 Samuele 2:9

Maweja-Nangila udi mulame bantu badi bamunemeka. Kadi badi bamubenga nebafue mu midima. Bualu muntu kena mua kutshimuna ku bukole buende nkayende to.

1 Samuele 25:37

Abiyayile uvua muindile bua maluvu atenduke Nabale, pashishe amuambile malu onsu awu dinda. Nabale umvua malu awu, kumutondawu bikole. Kushalaye katshiyi ne bukole.