Ekesode 14:22 - MUKANDA WA MYIDI MUKULU

²² Mayi awu, kupanduluka bu tshimana ku dia balume, tshikuabu ku dia bakaji. Bena Izrayele kusabuka ku makasa kume.

Mukanda wa Nzambi Dihungila Dikulukulu ne Dihungila Dihia-dihia 2003

²² Bena Isalele bakaya mu bunene bua mai ha buloba bûme, mai akadi bu tshinunu kudibo ku tshianza tshia balume ne ku tshianza tshia bakashi.

Ekesode 14:22 Marejeleo ya Msalaba

2 Bakalenga 2:14

Kuambulaye tshinkutu atshi, kutuuta pa mayi a musulu, wamba ne: — Maweja-Nangila Mvidi Mukulu wa Eliya, udi penyi? Eyowa, udi penyi? Kutuutaye tshinkutu pa mayi a musulu. Mayi kupanduluka eku ne eku. Elisha kusabuka.

2 Bakalenga 2:8

Eliya kukopola tshinkutu tshiende tshivuaye natshi, kutshibunya, kutshituila pa mayi. Mayi kupanduluka eku ne eku. Nanku, bonsu babidi kusabuka ku makasa kume.

Nehemya 9:11

Uvua nuukosolole mayi manene, bena Izrayele batangile. Bobu kusabuka ku makasa kuume. Kadi bonsu bavua babalonda, Wewe kubela mu mayi. Bobu kudinabu bu dibue diela mu mayi mondoke.

Misambu 106:9

Kukanyinaye mayi manene a Luepu, kukamawu diakamue, kupitshishaye bantu bende mu dijimba dile bu mudibu benda mu tshipela.

Misambu 136:13

Kukosaye mayi manene bitupa bibidi, bualu dinanga diende ndia kashidi,

Misambu 136:14

bua kupitshishilamu tshisa tshia Izrayele, bualu dinanga diende ndia kashidi,

Misambu 66:6

Uvua mupandile bantu njila mu mayi manene. Bantu kusabuka musulu ku makasa. Tusanke, tukatshile malu ende a dikema.

Misambu 74:15

Uvua mupatule mayi mu mpokolu ne mu tusulu, mumishe misulu minene ivua kayiyi mua kukama.

Misambu 78:13

Uvua mupande njila mu mayi manene bua kusabukabu, uvua muimanyike mayi bu tshimana.

Ekesode 14:29

Kadi bena Izrayele bavua bapita munkatshi mua mayi manene ku makasa kume, mayi mimane bu tshimana ku dia balume, tshikuabu ku dia bakaji.

Ekesode 15:19

Pavua tubalu tua mvita, matempu ne badi babandapu bia mukalenga wa bena Ejipitu bibuele mu mayi manene, Maweja-Nangila kubibuikila ne mayi. Kadi bena Izrayele kusabuka mayi ku makasa kume.

Ekesode 15:8

Ku bukole bua tshiji tshiebe, mayi kudisanga muaba umue. Mavuala onsu kukuatakana bu tshimana, mayi menza dibue munkatshi mua mayi manene.

Yeshaya 11:15

Maweja-Nangila neakamishe musapa wa mayi manene a Ejipitu. Yeye neakanyine ne tshianza tshiende musulu wa Perate. Ku bukole bua Mueyelu wende, neaukosolole tusulu muanda mutekete, tudibu mua kusabuka ku makasa.

Yeshaya 11:16

Bu muvua bena Izrayele bavua bapatuka mu Ejipitu, benda mu njila munene, ke mudi bantu bavua bashale ne muoyi, mu ditunga dia bena Ashure, mua kuenda kabidi mu njila munene.

Yeshaya 43:16

Kale, Maweja-Nangila uvua mupande njila mu mayi manene. Uvua mupande muaba wa kupitshila mu mayi muondoke.

Yeshaya 51:10

Uvua mumishe mayi manene, bu mayi a lubuwa, ki ngwewe anyi? Uvua mupande njila munkatshi mua mayi manene, bua bantu bauvua musungidile bapitshilemu, ki ngwewe anyi?

Yeshaya 63:12

Ke yeye uvua wenda ku dia balume dia Moshe, umuambuluisha ne diboku diende dikole. Uvua mupandulule mayi, bena luendu batangile. Ke muvuaye mupete lumu kashidi.

Yeshaya 63:13

Yeye ke uvua mubafile, munkatshi mua mayi manene. Batata benda amu bimpe, kabayi nansha batetuka, amu bu mudi nyama ya tubalu yenda mu mpata.

Zekâya 2:5

Maweja-Nangila kundeja bualu bukuabu. Meme kumona muntu muikale ne nshinga wa kupima nende bimana mu bianza.

Dibadika 33:8

Bumuka mu Pi-Ahirote, kusabukabu mayi manene, kufikabu mu tshipela. Kuendabu matuku asatu mu tshipela atshi tshia Etame, kufikabu ku Mara.

1 Korente 10:1

Bana hetu, ndi musue bua nuvuluke bivua bienzekele bankambua hetu bayua baya ne Moshe. Divuba divua dibalama bonsu. Ke mutotabu basabuke mayi manene Makunze kakuyi bualu.

Ebrewu 11:29

Amu bua ditaba diabu, bena Izrayele kusabuka Mayi manene makunze bu mudibu benda mu buloba buume. Kadi pavua bena Ejipitu batete mua kusabuka, kudinabu mu mayi.

Yoshua 3:16

ke musulu kukosoloka. Mayi kuimana dibula kule ku mutu wa musulu mu tshimenga tshia Adame, tshidi pabuipi ne tshimenga tshia Sartane. Mayi avua apueka kuinshi, aya kubuela mu Mayi manene a luepu, kujiminawu onsu butubutuu. Bena Izrayele kusabuka, balulamangane ne tshimenga tshia Yeriko.

Yoshua 3:17

Batuangaji bavua bambula mushete wa tshijila, kuimana balulame mu lusenga lume, munkatshi mua musulu wa Yardene, too ne mudi bonsu basabuka bafika dia muamua ku makasa kume.

Yoshua 4:22

nubumvuije muvua bena Izrayele basabuka musulu wa Yardene ku makasa kume.

1 Samuele 25:16

Bantu aba, bavua batulame butuku ne munya, batuela munkatshi bu mudi tshimana. Matuku onsu atuvua tulama mikoku mu buloba muvuabu, bavua batulame bimpe.