Ekesode 14:10 - MUKANDA WA MYIDI MUKULU

¹⁰ Bena Izrayele bamone muvua bena Ejipitu babalonda ne mvita, kabidi muvua mukalenga wabu ufika, kutshinabu bikole. Kuelabu Maweja-Nangila mbila mikole bua abambuluishe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Hakalua Palo ha buihi, Bena Isalele bakabandisha mesu abo, bakamona Bena Ejipitu babalonda ku nyima, bakatamba kutshina, Bena Isalele bakadila kudi Yehowa.

Ekesode 14:10 Marejeleo ya Msalaba

2 Kulondolola 18:31

Nanku, bamfumu bavua ne matempu a mvita bamone Yosafate, kuambilanganabu ne: ke Akabe, mukalenga wa Izrayele ewu. Kumuelabu munkatshi bua kumuluisha. Kadi, Yosafate kulomba diambuluisha kudi Maweja-Nangila Mvidi Mukulu. Awu kumuambuluisha, kuipata baluishi bende.

Nehemya 9:9

Wewe kutangila bankambua betu, kumona muvuabu babakengesha mu Ejipitu. Wewe kumvua muvuabu bela mbila ku muelelu wa Mayi manene makunze, bakusengelela bua ubambuluishe.

Misambu 106:44

Maweja-Nangila kumvua miadi yabu, kumonaye dikenga diabu.

Misambu 107:13

Nenku mu dikenga diabu, kubikilabu Maweja-Nangila, yeye kubasungidila mu dikenga.

Misambu 107:19

Nenku mu dikenga diabu, kubikilabu Maweja-Nangila ne mbila mikole, yeye kubasungidila ku dikenga diabu.

Misambu 107:28

Nenku mu dikenga diabu kubikilabu Maweja-Nangila, yeye kubasungidila ku dikenga.

Misambu 107:6

Nenku mu dikenga diabu, kubikilabu Maweja-Nangila yeye kubapandisha ku dikenga.

Misambu 34:17

Maweja-Nangila udi ukina benji ba bibi, ukupula mena abu pa buloba.

Misambu 53:5

Mvidi Mukulu udi wamba ne: “Bonsu badi bakengeshangana aba, kabena bumvue bualu nansha bumue. Badi badia bantu banyi bu mampa, babenga kuntendelela.”

Misambu 81:7

Ndi mukumbushe bujitu buvua pa makaya ebe, bianza biebe mbilekela tshisaka tshia bujitu.

Ekesode 13:17

Mukalenga wa bena Ejipitu mumane kulekela bena Izrayele, Mvidi Mukulu kena mubaleje njila wa tshikosu wa mu ditunga dia Peleshete to. Bualu Mvidi Mukulu uvua mumanye ne: pikale mvita mijuke, nebatshine, bapingane kabidi mu Ejipitu.

Ekesode 15:25

Moshe kusengelela Maweja-Nangila. Maweja-Nangila kumuleja tshitupa tshia mutshi. Moshe kutshiela mu mayi. Bululu mu mayi kujika. Ke muaba uvua Maweja-Nangila mupeshe bena Izrayele meyi ne mikenji biende, mubatete kabidi.

Yeshaya 26:16

Maweja-Nangila, patuvua mu dikenga, tuvua bakujinge. Pauvua mutunyoke, tuvua bakusengelela.

Yeshaya 7:2

Bantu kumanyisha Akaze, mukalenga waku ndelanganyi ya Davide, ne bena lubanza luende ne: bena Arame mbase mitanda yabu mu buloba bua bena Efrayime. Bualu abu kutonda Akaze ne bantu bende. Kutuadijabu kunyungakana, bu mitshi ya muitu idi lupepele lunyungisha.

Yirmeya 22:23

Wewe uvua musombe talalaa pa mukuna wa Lebanone. Uvua muenze disua diebe mu mutshi wa sedre. Kadi neudinyenge bu mukaji udi ukeba kulela. Neutue mikemu bikole, padi makenga akukuata.

Dielulula 9:7

Nuvuluke ne: mu tshipela nuvua bafikishe Maweja-Nangila Mvidi Mukulu wenu munda. Kanupu bualu ebu muoyi diba nansha dimue! Katshia numuka mu Ejipitu too ne munudi bafike muaba ewu, nutshidi amu numutombokela.

Yoshua 24:6

Bankambua bamane kupatuka mu Ejipitu, kufikabu ku Mayi manene makunze. Kadi bena Ejipitu kulondakaja bankambua benu ne matempu a mvita, ne nyama ya tubalu, too ne ku Mayi manene makunze.

Yoshua 24:7

Bankambua benu kumbikila bua meme kubambuluisha. Meme kuteka divuba dia muinshi pankatshi pa tshisamba tshia bena Izrayele, ne tshia bena Ejipitu. Pashishe meme kubutula bena Ejipitu bonsu, mayi manene kubabuikilawu. Nuenu nudi bamanye mumvua mukengeshe bena Ejipitu! Malu onsu awu mamane kujika, tshisamba tshienu tshia bena Izrayele kushala mu tshipela matuku mapite bungi.

1 Yone 4:18

Mu dinanga kamuena bowa. Dinanga dia menemene didi diumusha bowa. Nanku muntu udi ne bowa, kena ne dinanga dia menemene. Bualu udi ne bowa, udi utshina dinyoka.