Ekesode 13:14 - MUKANDA WA MYIDI MUKULU

¹⁴ Dituku dikuabu pikala bana benu banukonka tshinudi nuenzela nanku, nubambile ne: “Tudi tuvuluka bukole bua Maweja-Nangila, uvua mutupatule ku bupika mu Ejipitu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Hanukonka muanʼenu wa balume ne, Bualu ebu ntshinyi? nemmuambile ne, Yehowa wakatuhatula mu buloba bua Ejipitu ne mu nsubu wa lukanu ku bukole bua tshianza tshiandi.

Ekesode 13:14 Marejeleo ya Msalaba

Genese 30:33

Pashishe neujadike ne: ndi muntu muakane, anu pawafika bua kutangila bimuna bingikala muangate bua difutu dianyi. Wewe musangane mbuji udi kayi ne matoba anyi udi kayi ne mipolu pambidi, nansha mukoku udi kauyi mufike, nengikale muivi.

1 Kulondolola 16:12

Nuenu, ndelanganyi ya muntu wende Izrayele, nuenu, bana ba Yakobe, bavuaye musungule, vulukayi bishima bivuaye mukumbaje, vulukayi malu a kukema avuaye muenze, vulukayi nsambu ivuaye mukose.

Nehemya 1:10

Maweja-Nangila, tudi bena mudimu bebe. Tudi bantu bebe! Uvua mutusungidile ku bukole buebe, bualu wewe udi muena bukole buonsu.

Misambu 136:11

Kupatulaye tshisa tshiende tshia Izrayele mu Ejipitu, bualu dinanga diende ndia kashidi.

Misambu 145:4

Ndelanganyi yonsu imanyishangane biudi muenze, yambilangane bukole buebe.

Misambu 78:4

Katuena basue kuasokoka bana betu, kadi netuambile ndelanganyi yetu, mudibu mua kutumbisha Maweja-Nangila, bukole buende ne malu a kukema adiye muenze.

Ekesode 10:2

Nanku wewe Moshe neumone mua kumanyisha muanebe wa balume ne muikuluebe mundi mulembakaje bena Ejipitu, muenze bishima bionsu ebi mu ditunga diabu. Ke munudi mua kujadika ne: meme ndi Maweja-Nangila.

Ekesode 12:41

Bidimu abi nkama inayi ne makumi asatu bikumbana, dituku dia tshivulukilu, bisamba bionsu bia bena Izrayele kupatuka mu Ejipitu balondangane bimpe mu milongu.

Ekesode 13:3

Moshe kuambila bena Izrayele ne: — Nuvuluke dituku edi. Kanudi mampa adibu bela buanga to. Bualu ke dituku divua Maweja-Nangila muleje bukole buende, munupatule ku bupika mu Ejipitu.

Ekesode 13:8

Pa kuenza tshibilu etshi, mmianyishe bana benu ba balume ne: Tudi tuenza nunku, bua kuvuluka muvua Maweja-Nangila mutupatule mu Ejipitu.

Ekesode 13:9

Tshibilu etshi netshikale bu tshimanyinu ku diboku nansha pa mpala yenu, bua kunuvuluija dipatuka dienu mu Ejipitu. Nanku, netshinuvuluije munudi ne bua kumanyisha bantu mikenji ya Maweja-Nangila, uvua munupatule mu ditunga dia Ejipitu.

Ekesode 20:2

— Meme ndi Maweja-Nangila, Mvidi Mukulu webe, uvua mukupatule mu ditunga dia Ejipitu, muvuabu bakukuate ku bupika.

Ekesode 6:1

Maweja-Nangila kuambila Moshe ne: — Neudimuene nkayebe mundi ngenzeja mukalenga wa bena Ejipitu ku bukole bua kulekelaye bena Izrayele baye. Nemmuenzeje kabidi ku bukole bua abipate mu ditunga diende.

Ekesode 6:6

Nanku ambila bena Izrayele mu dina dianyi ne: “Ndi Maweja-Nangila! Nennumushe ku midimu mikole inudi nuenzela bena Ejipitu. Nennupatule ku bupika budibu banukuate. Nengenzeje bena Ejipitu ku bukole, mbanyoke bikole bua kunusungidila.

Ekesode 6:7

Nenuikale bantu banyi, nengikale Mvidi Mukulu wenu. Nenujadike ne: meme Maweja-Nangila ndi Mvidi Mukulu wenu. Ndi munumushe ku midimu mikole inuvua nuenzela bena Ejipitu.

Yirmeya 34:13

— Maweja-Nangila Mvidi Mukulu wa Izrayele udi unuambila ne: “Meme kabidi mvua mutue ndondu ne bankambua benu pavuabu mu Ejipitu. Meme kubapatulamu.

Danyele 9:15

“Maweja-Nangila Mvidi Mukulu wetu, pauvua mupatule bantu bebe mu ditunga dia Ejipitu ku bukole buebe, uvua mupete lumu lunene, luutshidi nalu too ne lelu. Kadi tuetu tuvua babenge diyi diebe. Nanku tudi bena tshibawu.

Bienzedi 13:17

Mvidi Mukulu wa tshisamba etshi, Mvidi Mukulu wa Izrayele, mmusungule bankambua betu. Uvua muvu-dije tshisamba etshi, pavuatshi kua bende mu ditunga dia Ejipitu. Pashishe kubapatulaye mu Ejipitu ku bukole buende.

Dielulula 5:15

Nuenu bena Izrayele mwuluke ne: nuvua ku bupika mu ditunga dia Ejipitu. Meme Maweja-Nangila Mvidi Mukulu wenu kunupatula ku bukole buanyi. Ke pandi nnukandika, bua kanuenji midimu dituku dia Dikisha.

Dielulula 5:6

“Ndi Maweja-Nangila, Mvidi Mukulu wenu, udi munupatule ku bupika mu Ejipitu.

Dielulula 6:12

Diba adi, mwuluke Maweja-Nangila, Mvidi Mukulu wenu, uvua munupatule mu Ejipitu mumwuamu bupika. Kanuena mua kumupua muoyi to.

Yoshua 22:24

Kadi katuvua ne meji awu to. Tshilambuilu etshi, katuvua batshiase tshianana to. Tudi batshiase, bualu tuvua ne bowa, tuela meji ne: matuku adi kumpala, ndelanganyi yenu neyikonke yetu ne: “Tshidi tshileja ne: nudi numvuangana ne Maweja-Nangila Mvidi Mukulu wa bena Izrayele, ntshinyi?

Yoshua 24:17

Bualu Maweja-Nangila Mvidi Mukulu wetu, ke uvua mutupatule mu bupika mu Ejipitu, ne batatuetu. Kabidi tuvua bamone bishima bionsu bivuaye muenze diba adi. Amu Yeye ke uvua mutalame mu njila, munkatshi mua bisamba bionsu, miaba yonsu ituvua tupitshila.

Yoshua 4:6

Mabue aa neanu-vuluije bionsu bivua binuenzekela muaba ewu. Nanku mu matuku adi kumpala, padi bana benu banukonka ne: Mabue aa avua a tshinyi,

Balombodi 2:12

Kubengabu Maweja-Nangila Mvidi Mukulu wa bankambua babu, uvua mubapatule mu Ejipitu. Kutendelelabu mvidie ya bantu ba bisamba bikuabu bavua basomba munkatshi muabu. Kudielabu panshi kumpala kua mvidie ayi. Ke muvuabu bafikishe Maweja-Nangila munda.

Balombodi 6:8

Maweja-Nangila kubatumina muambi. Awu kubambila ne: — Maweja-Nangila Mvidi Mukulu wa bena Izrayele udi wamba ne: “Mvua munupatule mu ditunga dia Ejipitu munuvua mu bupika.