Ekesode 12:8 - MUKANDA WA MYIDI MUKULU

⁸ Butuku abu nebakange munyinyi awu. Nebaudie ne mampa adi kaayi mela buanga, kabidi ne biseki bia buanji.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Neboshe munyinyi ku kahia butuku abu, nebaudie ne mampa adi kâyi ne luevene, nebaudie ne matamba adi ne bululu.

Ekesode 12:8 Marejeleo ya Msalaba

2 Kulondolola 35:13

Kuoshabu mukapia munyinyi wa muana wa mukoku wa tshibilu tshia Dipita dia Maweja-Nangila, bu mvua tshibidilu tshiabu. Kadi minyinyi mikuabu ya tshijila bavua bayilambila mu ngesu, mu bipanza ne mu bintu bikuabu bia kulambila. Pashishe, bavua bakadila bena Izrayele bonsu munyinyi awu lukasa.

Misambu 22:14

Idi ibutula mukana, ikeba kundia, idila bu nyama ya ntambue ya tshikisu!

Ekesode 1:14

Bena Izrayele kusopa buloba kuenza madiotu, kudimina bena Ejipitu madimi. Mu tshikosu, bena Ejipitu kubenzeja midimu ya mishindu yonsu ne tshikisu.

Ekesode 12:9

Kadi bitupa bionsu bia nyama awu, nansha mutu, bibelu ne bia munda mene, kanuena mua kubidia bibishi nansha bilamba to, anu biosha muiku.

Ekesode 13:3

Moshe kuambila bena Izrayele ne: — Nuvuluke dituku edi. Kanudi mampa adibu bela buanga to. Bualu ke dituku divua Maweja-Nangila muleje bukole buende, munupatule ku bupika mu Ejipitu.

Ekesode 13:7

Matuku muanda mutekete awu, nudie anu mampa adi kaayi mela buanga. Kanulami kabidi mampa mela buanga, nansha buanga bua mampa mene, mu ditunga dienu dijima.

Ekesode 23:18

“Kanuena mua kundambula milambu ya mashi a nyama pamue ne mampa adi mela buanga. Kabidi, mu bibilu abi, kanushiyi mafuta a nyama inudi nundambula bua kulalawu ne mu dinda to.

Ekesode 34:25

“Kanuena mua kundambula mulambu wa mashi a nyama pamue ne mampa adi mela buanga. Kabidi munyinyi wa nyama wa dituku dia Dipita dia Maweja-Nangila, nuudie ujike dituku adi.

Yeshaya 53:10

Kadi Maweja-Nangila uvua muanyishe muena mudimu wende uvuabu bakengeshe. Bu nuwuaye mufile muoyi wende pa mutu pa bantu bakuabu, muena mudimu awu neapete muoyi tshiakabidi, neikale ne ndelanganyi mivule, neashale matuku mavule pa buloba. Yeye ke wakumbaja meji adi Maweja-Nangila nawu.

Amosa 4:5

Nudi nuoshila pa tshilambuilu mampa mela buanga, bua mulambu wa kuela tuasakidila. Nudi nubikila bantu ku milambu ya budisuile inudi nulambula. Ke binudi nunanga bikole, kadi nudi amu nuntombokela. Meme Maweja-Nangila ndi njadika nanku.

Zekâya 12:10

Nempeshe ndelanganyi ya Davide, ne bena mu Yerushalayime, muoyi wa luse. Nebantendelele. Nebatangile kundi, bavuluka muntu uvuabu basompole. Nebamudile, bu mudibu badila muana wa balume umue mumane kufua. Nebase miadi mikole, bu mudibu basa miadi padi muanabute mufue.

Matayi 16:12

Ke balongi kushisha kumvua ne: kavua mubambile bua badimuke ku buanga bua mampa, kadi amu ku dilongesha dia Baparushe ne Basaduke.

Matayi 26:26

Pavuabu badia, Yezu kuangata diampa, kuela Mvidi Mukulu tuasakidila, kudikosolola, kudiabanyina balongi bende, ubambila ne: — Angatayi, nudie, etshi mmubidi wanyi.

Ngalate 5:9

Ke padibu bamba ne: “Buanga bua mampa bukese budi butuntumija tshitapitapi tshionsu.”

Dielulula 16:7

Nulambe munyinyi awu, nuudile muaba wikala Maweja-Nangila musungule. Mu dinda, nupingane ku nzubu yenu.

1 Tesalonike 1:6

Nuvua bidikije tshituvua benze, ne tshivua Mfumu wenza. Nansha banukengeshe bikole, nuvua bitabe muaku wa Mvidi Mukulu, ne disanka didi Mueyelu wa Tshijila ufila.