Ekesode 12:2 - MUKANDA WA MYIDI MUKULU

² “Ngondu ewu ikale wenu wa ntuadijilu wa tshidimu.

Mukanda wa Nzambi Dihungila Dikulukulu ne Dihungila Dihia-dihia 2003

² Ngondo eu neikale tshibangidilu tshia ngondo kunudi, neikale ngondo wa kumudilu kua tshidimu kunudi.

Ekesode 12:2 Marejeleo ya Msalaba

Estere 3:7

Mu ntuadijilu wa tshidimu tshia dikumi ne tshibidi tshivua Ahashaveroshe mulale mu bukalenga, ngondu wa kumpala wa Nisane, Amane kutshinkisha ne Purime, bua kumanya dituku dia ngondu divuaye ne bua kukumbaja meji avuaye muele. Ditshinka kuleja dituku dia dikumi ne dibidi dia ngondu wa Adare.

Ekesode 12:1

Pavua Moshe ne Arone mu ditunga dia Ejipitu, Maweja-Nangila kubambila ne:

Ekesode 12:18

Nanku matuku dikumi ne anayi a ngondu wa kumpala dilolu, too ne ku matuku makumi abidi ne dimue dilolu, nudie anu mampa kaayi mela buanga.

Ekesode 12:3

Nuambile bena Izrayele bonsu ne: Dituku dia dikumi dia ngondu ewu, nusungule muana wa mukoku nansha muana wa mbuji ku diku dionsu nansha ku nzubu yonsu.

Ekesode 13:3

Moshe kuambila bena Izrayele ne: — Nuvuluke dituku edi. Kanudi mampa adibu bela buanga to. Bualu ke dituku divua Maweja-Nangila muleje bukole buende, munupatule ku bupika mu Ejipitu.

Ekesode 13:4

Nuvua bapatuke lelu, mu ngondu ewu wa Abibe.

Ekesode 23:15

Tshibilu tshia kumpala tshikale tshia mampa adi kaayi mela buanga. Nutshienze mu ngondu wa Abibe matuku malondangane muanda mutekete. Nudie mampa awu, anu mushindu umvua munuambile. Bualu ngondu awu ke unuvua bapatuke mu Ejipitu. Kanufiki kundi kanuyi ne milambu to.

Ekesode 34:18

“Mu ngondu wa Abibe unuvua bapatuke mu Ejipitu, nuikale nuenza tshibilu tshia dipatuka dienu. Matuku malondangane muanda mutekete, nudie mampa kaayi mela buanga, bu mumvua mumane kunuambila.

Ekesode 40:17

Bena Izrayele bamane kupatuka mu Ejipitu tshidimu tshijima, tshidimu tshibidi, dituku dia kumpala dia ngondu wa kumpala, Moshe kuimanyika muaba wa tshijila.

Yezekiyele 45:18

Maweja-Nangila udi wamba kabidi ne: “Dituku dia kumpala dia ngondu wa kumpala, nebalambule mulume wa ngombe udi kayi ne bulema pambidi, bua kumusha mikiya idi ku muaba wa tshijila.

Yezekiyele 45:21

“Matuku dikumi ne anayi a ngondu, nenutuadije kuenza tshibilu tshia Dipita dia Maweja-Nangila. Netshinenge matuku muanda mutekete. Matuku onsu aa nenudie anu mampa kaayi mela buanga.

Lewitiki 23:5

“Dilolu dia matuku dikumi ne anayi a ngondu wa kumpala, nuikale nungenzela ku tshidimu tshionsu tshibilu tshia Dipita dianyi meme Maweja-Nangila.

Dibadika 28:16

“Matuku dikumi ne anayi a ngondu wa kumpala wa tshidimu tshionsu, nuenze tshibilu tshia Dipita dia Maweja-Nangila bua kumutumbisha.

Dielulula 16:1

Nuenu bena Izrayele, nuvuluke mua kuenzela Maweja-Nangila Mvidi Mukulu wenu tshibilu tshia Dipita diende, mu ngondu wa Abibe wa tshidimu tshionsu. Bualu Maweja-Nangila mmunupatule mu Ejipitu anu mu ngondu awu butuku.