Ekesode 12:16 - MUKANDA WA MYIDI MUKULU

¹⁶ Dituku dia kumpala ne dituku dia muanda mutekete, ikale matuku a kuenza masangisha a tshijila. Matuku awu kanuenji midimu mikuabu to, anu ya kulamba biakudia.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Dituku dia kumudilu nedikale dituku dia disangisha dia tshijila, ne dituku dia muanda mutekete nedikale dituku dia disangisha dia tshijila, kabenji mudimu mu matuku â, anu mudimu wa kudikebela bia kudia.

Ekesode 12:16 Marejeleo ya Msalaba

Ekesode 16:23

Moshe kubandamuna ne: — Maweja-Nangila mmumane kuamba ne: malaba ndituku dia kuikisha, dia tshijila dia Maweja-Nangila. Nanku nulambe biakudia munudi basue. Pikalabi bishale, nubilame bua kudia malaba.

Ekesode 16:29

Nuvuluke ne: ndi munupeshe dituku dia muanda mutekete bua dikale dia dikisha. Ke pandi munupeshe muladilu wa dituku adi, biakudia bikumbane bua nuenu kudia matuku abidi. Nanku, lekelayi kuendakana dituku dia muanda mutekete. Muntu yonsu asombe ku mbelu kuende.

Ekesode 16:5

Muladilu wa Dituku dia Dikisha, pikala bena Izrayele balamba biakudia bivuabu baboya bua kudia dituku dimue, nebituntumuke bienze bia matuku abidi.

Ekesode 20:10

Dituku dia muanda mutekete ndia Dikisha, dia kunnemeka anu meme Maweja-Nangila. Kuenji mudimu dituku adi, nansha wewe, nansha bana bebe ba balume nansha ba bakaji, too ne bapika ne benyi badi basombe mu ditunga dienu. Kabidi bimuna bienu kabienji mudimu to.

Ekesode 34:18

“Mu ngondu wa Abibe unuvua bapatuke mu Ejipitu, nuikale nuenza tshibilu tshia dipatuka dienu. Matuku malondangane muanda mutekete, nudie mampa kaayi mela buanga, bu mumvua mumane kunuambila.

Yeshaya 1:13

Kanuena mua kundambula kabidi milambu. Kayena indengelela to. Muinshi wa milambu yenu, ndi muubenge kashidi. Lekelayi masanka enu a ngondu mipiamipia, a matuku a Dikisha ne a bibilu binene. Tshiena muanyishe ditendelela didi ne buenzayi, dinudi nuntendelela, nuenza kabidi bubi.

Lewitiki 23:21

Dituku mene adi, kanuenji mudimu to. Nudisangishe bua kuntendelela. Nulame mikenji eyi kashidi, miaba yonsu inudi nusomba.

Lewitiki 23:27

“Dituku dia dikumi dia ngondu wa muanda mutekete, ndituku dinene dia kukobolola bantu. Dituku adi, nudisangishe, nuntendelele. Nujile biakudia, nundambule mulambu wa kuosha.

Lewitiki 23:35

Dituku dia kumpala, kanuenji mudimu wenu wa tshibidilu to. Nudisange bua kuntendelela.

Dibadika 28:18

Dituku dia kumpala dia tshibilu atshi, kanuenji mudimu to. Nudisangishe bua kuntendelela meme Maweja-Nangila.

Dibadika 28:25

Kadi dituku dia muanda mutekete kabidi, kanuenji mudimu to. Nudisangishe bua kuntendelela.

Dibadika 28:26

“Dituku dia tshibilu tshia kunowa Biatshianyi, panudi nundambula meme Maweja-Nangila biakudia bia tshianyi bia mu madimi enu, kanuenji mudimu to. Nudisangishe bua kuntendelela.

Dibadika 29:1

“Dituku dia kumpala dia ngondu wa muanda mutekete, kanuenji mudimu to. Nudisangishe bua kuntendelela meme Maweja-Nangila, bualu ndituku dia kuntumbisha.

Dibadika 29:12

“Matuku dikumi ne atanu a ngondu wa muanda mutekete, kanuenji mudimu to. Nungenzele tshibilu matuku muanda mutekete, nudisangishe bua kuntendelela meme Maweja-Nangila.

Yowanane 19:31

Dituku adi divua dia ditanu. Bena Yuda kabavua basue bua bitalu bishale pa mitshi mitshiamakane too ne dituku diabu dia Dikisha. Bualu dituku dia Dikisha adi divua dinene. Kulombabu Pilate bua kutshibulabu mikolu ya bavuabu bele ku mitshi mitshiamakane, ne bua kumusha bitalu ku mitshi.

Dielulula 16:8

Nuenu bena Izrayele, matuku malondangane asambombu kanuena mua kudia mampa mela buanga. Dituku dia muanda mutekete, nudisangishe bua kutendelela Maweja-Nangila Mvidi Mukulu wenu. Kanuena mua kuenza mudimu dituku adi to.