Ekesode 12:15 - MUKANDA WA MYIDI MUKULU

¹⁵ Maweja-Nangila kuamba ne: “Matuku malondangane muanda mutekete, nudie anu mampa kaayi mela buanga. Dituku dia kumpala, numushe manga a mampa onsu adi mu nzubu yenu. Biangatshile ku dituku dia kumpala too ne ku dituku dia muanda mutekete, muntu yonsu udi udia mampa mela buanga, nebamumushe munkatshi mua bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Nenudie mampa adi kayi ne luevene to matuku muanda mutekete, dituku dia kumudilu nenumushe luevene mu nsubu yenu, muntu yonso udi udia mampa adi neluevene ku dituku dia kumudilu to matuku muanda mutekete, nebamumushe munkatshi mua Bena Isalele.

Ekesode 12:15 Marejeleo ya Msalaba

Genese 17:14

Kadi muntu mulume udibu kabayi bateke panshi, nebamuipate munkatshi mua bantu banyi, bualu kena munemeka ndondu wanyi to.

2 Kulondolola 30:21

Bena Izrayele bavua mu Yerushalayime kuenza tshibilu matuku muanda mutekete tshia Mampa kaayi mela buanga. Dituku dionsu bena Levi ne batuangaji bavua batumbisha Maweja-Nangila ne biombelu bia muadi mukole. Biombelu abi bavua babilongolola anu bua kutumbisha nabi Maweja-Nangila.

Ezela 6:22

Pashishe kuenzabu ne disanka tshibilu tshia mampa kaayi mela buanga matuku muanda mutekete malondangane. Disanka adi bavua badipeta kudi Maweja-Nangila, bualu ke yeye uvua mupeshe mukalenga munene wa bena Ashure muoyi wa kalolu, wa kuenzela bena Izrayele bidibu bajinga. Ke bivua bibakolesha ku muoyi, bua batungunuka ne mudimu wa kuenzulula nzubu wa Mvidi Mukulu wa bena Izrayele.

Ekesode 12:8

Butuku abu nebakange munyinyi awu. Nebaudie ne mampa adi kaayi mela buanga, kabidi ne biseki bia buanji.

Ekesode 13:3

Moshe kuambila bena Izrayele ne: — Nuvuluke dituku edi. Kanudi mampa adibu bela buanga to. Bualu ke dituku divua Maweja-Nangila muleje bukole buende, munupatule ku bupika mu Ejipitu.

Ekesode 23:15

Tshibilu tshia kumpala tshikale tshia mampa adi kaayi mela buanga. Nutshienze mu ngondu wa Abibe matuku malondangane muanda mutekete. Nudie mampa awu, anu mushindu umvua munuambile. Bualu ngondu awu ke unuvua bapatuke mu Ejipitu. Kanufiki kundi kanuyi ne milambu to.

Ekesode 30:33

Muntu yonsu udi wenza mafuta a mushindu ewu, bua kulaba bantu badi kabayi batuangaji, numumushe munkatshi mua bantu banyi.’ ”

Ekesode 30:38

Pikala muntu mudienzele manananshi a mushindu ewu, numumushe munkatshi mua bantu banyi.

Ekesode 31:14

Nunemeke dituku dia Dikisha, bualu ndienu dia tshijila. Muntu yonsu udi wenza mudimu dituku adi, ne bamumushe munkatshi mua tshisamba tshianyi, bamushipe.

Ekesode 34:18

“Mu ngondu wa Abibe unuvua bapatuke mu Ejipitu, nuikale nuenza tshibilu tshia dipatuka dienu. Matuku malondangane muanda mutekete, nudie mampa kaayi mela buanga, bu mumvua mumane kunuambila.

Ekesode 34:25

“Kanuena mua kundambula mulambu wa mashi a nyama pamue ne mampa adi mela buanga. Kabidi munyinyi wa nyama wa dituku dia Dipita dia Maweja-Nangila, nuudie ujike dituku adi.

Lewitiki 17:10

“Padi muena Izrayele nansha muenyi udi munkatshi mua bena Izrayele, udia mashi a mushindu onsu, nanku Maweja-Nangila neamunyoke, amuipate munkatshi mua bena Izrayele.

Lewitiki 17:14

Nenku, padi tshintu ne muoyi, muoyi udi mu mashi. Ke pavua Maweja-Nangila mukandike bena Izrayele bua kabadi mashi, bualu muoyi wa tshintu tshionsu udi mu mashi. Muntu udi udia mashi nebamuipate mu bena Izrayele.

Malaki 2:12

Maweja-Nangila umushe muntu yonsu udi wenza malu mabi a nanku munkatshi mua ndelanganyi ya Yakobe, nansha yeye ulambula Maweja-Nangila wa bukole buonsu milambu!

Dibadika 28:17

Matuku dikumi ne atanu a ngondu awu, nutuadije tshibilu tshia matuku muanda mutekete, anudi nudia mampa adi kaayi mela buanga.

Dibadika 9:13

Kadi pikala muntu kayi muye ku luendu, nansha kayi ne mikiya bua tshitalu tshivuaye mulenge, ulengulula tshibilu tshia Dipita dia Maweja-Nangila dituku dimufundile ku bukole, muntu awu mmuena tshibawu. Numumushe munkatshi mua bena Izrayele, bualu kavua musue kulambula Maweja-Nangila milambu pa diba diayi.

Matayi 16:12

Ke balongi kushisha kumvua ne: kavua mubambile bua badimuke ku buanga bua mampa, kadi amu ku dilongesha dia Baparushe ne Basaduke.

Luke 12:1

Diba adi bantu bavua bunguile binunu ne binunu, badiatangana pa makasa. Ke Yezu kudianza kuambila balongi bende ne: — Dimukayi bua buanga bua mampa budi Baparushe nabu; momumue ne: bua budingidingi buabu.

Luke 2:43

Tshibilu tshimane kujika, baledi bende kupingana kuabu. Kadi Yezu muana kushala mu Yerushalayime, baledi bende kabayi bamanye.

Bienzedi 12:3

Bu muvuaye mumone ne: bimvua ngenza ebi bidi bisankisha bena Yuda, kukuatshishaye kabidi ne Petro. (Bivua mu tshikondu tshia tshibilu tshia Mampa kaayi mela buanga.)

Ngalate 5:12

Ndi njinga se: badi bakeba kunupambula bayile kule: badipakule!

Dielulula 16:3

Matuku malondangane muanda mutekete mu didia dia tshibilu, kanuena mua kudia mampa mela buanga. Panudi nudia mampa kaayi mela buanga nanku, nenuvuluke dituku dinuvua bapatuke ne lubilu mu Ejipitu.

Dielulula 16:5

Kanuena mua kuenzela tshibilu tshia Dipita dia Maweja-Nangila Mvidi Mukulu wenu, mu bimenga bionsu bikalaye munupa bua kusomba to.

Dielulula 16:8

Nuenu bena Izrayele, matuku malondangane asambombu kanuena mua kudia mampa mela buanga. Dituku dia muanda mutekete, nudisangishe bua kutendelela Maweja-Nangila Mvidi Mukulu wenu. Kanuena mua kuenza mudimu dituku adi to.