Ekesode 12:14 - MUKANDA WA MYIDI MUKULU

¹⁴ “Nuenu ne ndelanganyi yenu yonsu nuikale nuvuluka dituku edi. Nungenzele meme Maweja-Nangila tshibilu. Mukenji ewu ushale kashidi.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Dituku edi nedikale kunudi bu tshmilukidi, nenudilame bu disanka dia Yehowa, nuenu nenuvuluke dituku edi ne tshivulukidi etshi tshiendelele.

Ekesode 12:14 Marejeleo ya Msalaba

2 Bakalenga 23:21

Mukalenga Yoshiya kutuma diyi, bua bantu bonsu benze tshibilu tshia Dipita dia Maweja-Nangila Mvidi Mukulu wabu, bu muvuabu bafunde mu mukanda wa ndondu.

Misambu 111:4

Ndi musue bua bantu bavuluke malu ende a kukema. Maweja-Nangila udi ne dinanga, udi ufuila bantu luse,

Misambu 135:13

Maweja-Nangila, lumu luebe ndua kashidi, udi Mvidi Mukulu mu nkama ne nkama ya bidimu.

Ekesode 12:17

“Misangu yonsu mwuluke tshibilu tshia kudia mampa kaayi mela buanga. Bualu tshidi tshinuvuluija dituku dimvua mupatule bantu benu mu Ejipitu. Mukenji ewu nuulame kashidi ku ndelanganyi ne ku ndelanganyi yenu yonsu.

Ekesode 12:24

Nuenu ne ndelanganyi yenu yonsu nuikale nuenza bualu ebu kashidi.

Ekesode 12:43

Maweja-Nangila kuambila Moshe ne Arone ne: — Mikenji ya tshibilu tshia Dipita dianyi idi nunku: “Muntu muenyi kena mua kudia biakudia bia Dipita dianyi to.

Ekesode 12:6

Nulame tshimuna atshi too ne ku dituku dia dikumi ne dinayi dia ngondu ewu. Pashishe bena Izrayele bonsu nebashipe nyama wabu awu dilolu.

Ekesode 23:15

Tshibilu tshia kumpala tshikale tshia mampa adi kaayi mela buanga. Nutshienze mu ngondu wa Abibe matuku malondangane muanda mutekete. Nudie mampa awu, anu mushindu umvua munuambile. Bualu ngondu awu ke unuvua bapatuke mu Ejipitu. Kanufiki kundi kanuyi ne milambu to.

Ekesode 27:21

Mu ntenta wa kusambakena amu, Arone ne bana bende ba balume, batekemu tshitekelu tshia muendu. Tshitekelu tshia muendu atshi, tshikale kumpala kua tshilamba tshidi tshilembeleja bua kujika muaba udi mushete wa ndondu. Miendu ayi, ikale itema butuku ne munya muaba undi meme Maweja-Nangila. Bena Izrayele ne ndelanganyi yabu yonsu, balame mukenji ewu kashidi.

Ekesode 5:1

Malu onsu aa mamane kupita, Moshe ne Arone kuambila mukalenga wa bena Ejipitu ne: — Maweja-Nangila Mvidi Mukulu wa bena Izrayele udi wamba ne: “Ulekele bantu banyi, baye kuenza tshibilu mu tshipela bua kuntendelela.”

Yezekiyele 46:14

Dinda dionsu, balambule kabidi Maweja-Nangila kilo itanu ya bukula misambakaja ne litre ibidi ya mafuta. Mikenji ya milambu ya ku dituku dionsu badi ne bua kuyikumbaja kashidi.

Lewitiki 23:6

“Dituku dia dikumi ne ditanu dia ngondu awu, nuikale nungenzela tshibilu tshia Mampa kaayi mela buanga. Nudie mampa awu matuku muanda mutekete malondangane.

Zekâya 6:14

“Tshifulu tshia lumu netshikale mu nzubu wa Mvidi Mukulu, bua bantu bavuluke Eldayi Tobiya ne Yedaya, ne malu mimpe avua muana wa Sefanya muenze.”

Dibadika 10:8

“Badi mua kuela mpungi anu kudi batuangaji, bantu ba ku ndelanganyi ya Arone. Ke mikenji inudi ne bua kulama nuenu, ne ndelanganyi yenu kashidi.

Dibadika 15:15

Nanku, bantu bonsu basanga ntete, nansha nuenu, nansha benyi badi munkatshi muenu, nulonde anu mikenji eyi, ku ndelanganyi ne ku ndelanganyi. Bualu meme Maweja-Nangila tshiena ne kansungansunga to.

Dibadika 18:8

Maweja-Nangila kuambila Arone ne: — Ndi mukupeshe mudimu wa kutangila milambu yonsu ya tshijila idi bena Izrayele bandambula. Milambu eyi ishale yebe wewe ne ya ndelanganyi yebe kashidi.

Matayi 26:13

Ndi nnujadikila bulelela ne: pa buloba bujima, miaba yonsu yalongeshabu Lumu lua Disanka elu, nebalondele bantu bivua mukaji ewu muenze. Nanku bantu nebamuvuluke.

Luke 22:19

Ke Yezu kuangata diampa, kuela Mvidi Mukulu tuasakidila, kudikosolola, kudiabanyina balongi bende, wamba ne: — Etshi mmubidi wanyi, [undi mufile bualu buenu. Enzayi nenku bua kumvuluka.

Dielulula 16:1

Nuenu bena Izrayele, nuvuluke mua kuenzela Maweja-Nangila Mvidi Mukulu wenu tshibilu tshia Dipita diende, mu ngondu wa Abibe wa tshidimu tshionsu. Bualu Maweja-Nangila mmunupatule mu Ejipitu anu mu ngondu awu butuku.

Dielulula 16:11

Nuye ku nzubu wikale Maweja-Nangila musungule bua nuenu kumonangana nende. Muaba wa tshijila awu, nuenu bena Izrayele, nusanke ne bana benu, bena midimu benu, bena Levi, benyi banudi nabu, bana ba nshiya, ne bakaji bakamba badi munkatshi muenu.

Dielulula 6:8

Bua nuenu kuvuluka mikenji eyi kashidi, nuyisuike ku maboku enu ne mu mpala yenu.

Yoshua 4:7

nubambile ne: “Pavua batuangaji basabuka musulu wa Yardene, bambula mushete wa ndondu wa Maweja-Nangila, mayi akimana. Eyowa, bobu basabuka Yardene ne mushete wa ndondu, mayi avua mimane. Nenku mabue aa adi ne bua kuvuluija bena Izrayele kashidi tshishima etshi.”

1 Samuele 30:25

Biangatshile dituku adi, Davide kujadika mikenji eyi. Kushalayi mikenji ivuabena Izrayele bonsu ne bua kukumbaja too ne mpindiewu.