Ekesode 12:12 - MUKANDA WA MYIDI MUKULU

¹² “Butuku abu, meme Maweja-Nangila nempitshile mu ditunga dia Ejipitu. Nenshipe bamuanabute bonsu ba bantu ne ba nyama. Kabidi nembutule mvidie idi bena Ejipitu batendelela.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bualu bua meme nempite buloba bua Ejipitu butuku abu, nenshihe banʼa bute bonso ba mu buloba bua Ejipitu ne ba bantu ne ba nyama; nendumbuluishe nzambi yonso ya Ejipitu, meme ndi Yehowa.

Ekesode 12:12 Marejeleo ya Msalaba

1 Kulondolola 14:12

Pavua bena Peleshete banyema, bavua bashiya mpingu ya mvidie yabu muaba awu. Davide kutuma diyi bua bayoshe.

Misambu 135:8

Yeye kabidi nguvua mubutule bamuanabute ba bantu ne ba nyama mu ditunga dia Ejipitu.

Misambu 82:1

Musambu wa mu mukanda wa misambu ya Asafe. Mvidi Mukulu udipu, muela munkatshi kudi tshipangu tshiende, munkatshi mua mvidie udi ukosa nsambu pa yoyi wamba ne:

Misambu 82:6

Ndi ngamba ne: nuenu bonsu nudi mvidie, nudi bena diku dia Mvidi Mukulu Muena kulu.

Misambu 91:7

Bulelela nansha bipupu ebi bishipa bantu tshinunu pa buipi nebe, nansha bishipa binunu dikumi ku dia balume diebe, bualu nansha bumue kabuena bukuenzekela.

Misambu 95:3

Bualu Maweja-Nangila, udi Mvidi Mukulu munene. mMukalenga munene udi upita mvidie yonsu.

Ekesode 12:23

Papita Maweja-Nangila bua kushipa bena Ejipitu, neamone mashi adi kulu kua tshiibi ne ku mabaya adi ku nseke yatshi. Nanku Maweja-Nangila kakuitaba bua mushipianganyi udiye mutume abuele mu nzubu yenu bua kunushipa to.

Ekesode 18:11

Mpindiewu ndi njadika ne: Maweja-Nangila mmupite mvidie yonsu idi bantu batendelela. Mmudileje nanku diba divua bena Ejipitu bakengeshe bena Izrayele bikole.

Ekesode 21:6

nanku mfumuende nealombe Mvidi Mukulu bua ajadike bualu ebu. Nebimanyike muntu awu ku tshiibi nansha ku tshipanda tshia ku nzubu kuende. Nebamutubule ditshi muaba awu, bua ashale mupika too ne ku lulu luende.

Ekesode 22:28

“Panudi nupola bintu bia tshianyi bia mu madimi enu, nubindambule lukasa, nansha bimuma bia maluvu. “Nundambule kabidi muanenu wa balume muanabute.

Ekesode 6:2

Mvidi Mukulu kuambila Moshe kabidi ne: — Meme ndi “Maweja-Nangila.”

Ekesode 9:6

Butshia dinda, Maweja-Nangila kuenza muvuaye muambe. Bimuna bia bena Ejipitu kufua bionsu. Kadi tshimuna tshia bena Izrayele katshiena tshifua nansha tshimue.

Yeshaya 19:1

Badi bamanyisha malu adi atangila “Ejipitu”. Maweja-Nangila ukadi ufika mu Ejipitu, muimane pa divuba didi diya lukasa. Mvidie ya tshianana ya mu Ejipitu, neizakale kumpala kuende. Bena Ejipitu nebatekete mu maboku.

Yirmeya 43:12

Neoshe nzubu ya mvidie ya bena Ejipitu. Neoshe ne mpingu mene ya mvidie, nansha neaye nayi kuende. Neapawule ditunga dia Ejipitu, anu bu mudi mulami wa mikoku umusha nkusu yonsu mu tshilamba tshiende. Pashishe, neapingane kuende kakuyi udi mua kumuela diyi.

Yirmeya 43:13

Mu tshimenga tshia Eliyopolise neupule makunji a mabue, neoshe nzubu ya mvidie ya bena Ejipitu.”

Yirmeya 46:25

Maweja-Nangila wa bukole buonsu Mvidi Mukulu wa Izrayele udi wamba ne: “Nennyoke Amone, mvidie wa mu Tebe, nennyoke Ejipitu ne mvidie yende ne bakalenga bende. Nennyoke mukalenga wa bena Ejipitu ne bena diende.

Yezekiyele 12:16

Kadi nempandishe bantu bakuabu ku mvita, ku tshiyole tshia nzala, ne ku disama dia tshiambu. Bobu nebalondele bena matunga adibu basombe mu bupika muvuabu benza malu mabi. Nanku bantu ba bisamba bia bende abu nebamanye kabidi ne: meme ndi Maweja-Nangila.

Amosa 5:17

Nansha mu madimi a mvinyo, nebadile amu kudila, pandi mpitshila munkatshi muenu bua kununyoka. Meme Maweja-Nangila ndi ngamba nanku.”

Sefanya 2:11

Maweja-Nangila neabakuatshishe bowa. Neabutule nwidie yonsu ya pa buloba. Diba adi, bantu bonsu, nansha badi basomba kule kupite, nebamutendelele, muntu yonsu muaba udiye usomba.

Dibadika 33:4

Ke bena Ejipitu kushisha kujika bitalu bia bamuanabute babu, bavua Maweja-Nangila mushipe bonsu. Ke muvua Maweja-Nangila muleje bukole buende kudi mvidie ya bena Ejipitu nanku.

1 Samuele 5:3

Butshia dinda, bena mu tshimenga tshia Asdode babika, kusanganabu lupingu lua Dagone ludishinda panshi kumpala kua mushete wa Maweja-Nangila. Kujulabu lupingu, kuapingaja muaba uvualu.

1 Samuele 6:5

Nanku nuenze bintu bidi bileja disama dia mulaka. Nuenze kabidi mpingu ya mpuku idi inyangakaja ditunga dienu. Nutumbishe Mvidi Mukulu wa bena Izrayele. Misangu mikuabu nealekele kunukengesha nuenu, mvidie yenu ne ditunga dienu dijima.