Ekesode 12:11 - MUKANDA WA MYIDI MUKULU

¹¹ Nudie munyinyi awu mushindu ewu: nusuike mukaba mu tshimonu, dikombu ku bianza, bisabata ku makasa. Nudie anu lukasa lukasa, bualu ntshibilu tshia Dipita dia Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nenudie munyinyi nunku ne bilulu bienu biela mikaya, ne bisabata ku makasa ne mulangala ku bianza bienu nenudie munyinyi lubilu, bualu ebu budi kuhita kua Yehowa.

Ekesode 12:11 Marejeleo ya Msalaba

2 Bakalenga 23:21

Mukalenga Yoshiya kutuma diyi, bua bantu bonsu benze tshibilu tshia Dipita dia Maweja-Nangila Mvidi Mukulu wabu, bu muvuabu bafunde mu mukanda wa ndondu.

Ekesode 12:13

Mashi adi ku muelelu wa biibi bia nzubu inudi nusomba awu, neikale tshimanyinu tshidi mua kunupandisha. Pambamona mashi awu, nempite mu njila tshiyi imubutula to. Nanku nembutule anu bena Ejipitu.

Ekesode 12:21

Moshe kubikila bakulu bonsu ba bena Izrayele kubambila ne: — Muntu yonsu asungule muana wa mukoku nansha muana wa mbuji bua meku enu. Numushipe bua kuenza tshibilu tshia Dipita dia Maweja-Nangila.

Ekesode 12:27

Nubandamune ne: “Mmulambu wa tshivulukilu tshia Dipita dia Maweja-Nangila. Pavua bena Izrayele mu Ejipitu, Maweja-Nangila uvua mushipe bena Ejipitu. Kadi uvua mupitshile patupu ku nzubu ya bana betu, kayi muimane bua kubashipa. Uvua mutufuile luse ne bena meku etu bonsu.” Ke bena Izrayele kudiela panshi bua kukuila Maweja-Nangila.

Ekesode 12:43

Maweja-Nangila kuambila Moshe ne Arone ne: — Mikenji ya tshibilu tshia Dipita dianyi idi nunku: “Muntu muenyi kena mua kudia biakudia bia Dipita dianyi to.

Yeshaya 52:12

Musangu ewu, kanuena ne bua kupatuka mu tshiputuku to. Kanuena ne bua kunyema ne bowa, bualu Maweja-Nangila ke udi wenda kumpala kuenu. Yeye Mvidi Mukulu wa bena Izrayele, neanulame kabidi luanyima.

Yezekiyele 45:21

“Matuku dikumi ne anayi a ngondu, nenutuadije kuenza tshibilu tshia Dipita dia Maweja-Nangila. Netshinenge matuku muanda mutekete. Matuku onsu aa nenudie anu mampa kaayi mela buanga.

Lewitiki 23:5

“Dilolu dia matuku dikumi ne anayi a ngondu wa kumpala, nuikale nungenzela ku tshidimu tshionsu tshibilu tshia Dipita dianyi meme Maweja-Nangila.

Dibadika 28:16

“Matuku dikumi ne anayi a ngondu wa kumpala wa tshidimu tshionsu, nuenze tshibilu tshia Dipita dia Maweja-Nangila bua kumutumbisha.

Dibadika 9:1

Mu ngondu wa kumpala wa tshidimu tshivua tshilonda tshidimu tshivua bena Izrayele bapatuka mu Ejipitu Maweja-Nangila kuambila Moshe mu tshipela tshia Sinayi ne:

Luke 12:35

— Shalayi balongame. Nudisuike mikaba mu tshimonu. Ambulayi miendu yenu mitemesha.

Luke 15:22

Kadi tatu kuambila bena mudimu bende ne: “Ambulujayi, tualayi tshilamba tshimpe; numuvuadiketshi. Numuele kakanu ku munu. Numutuadile bisabata, numuelebi.

Luke 2:41

Ku tshidimu ku tshidimu baledi ba Yezu bavua baya mu Yerushalayime ku tshibilu tshia Dipita dia Maweja-Nangila.

Luke 7:38

Kuimanaye panyima pa Yezu, ku makasa ende. Uvua udila, ubolesha makasa a Yezu ne binsonji. Uvua wakupula ne nsuki yende, watua mishiku, walaba manananshi.

1 Korente 5:7

Umushayi buanga bua mampa bukulukulu bua mibi ebu, bua nuikale kanuyi ne kalema nansha kamue. Nanku nenuikale bu tshitapitapi tshipiatshipia katshiyi tshiela buanga. Ke munukadi bulelela. Bualu bakadi bamane kulambula Kristu, muana wa mukoku wetu, bua kubanga tshibilu tshietu tshia Dipita dia Maweja-Nangila.

Efeze 6:15

Bu muntu udi uvuala bisabata bua kuya ku luendu, ikalayi ne disuminyina bua kuya kulongesha Lumu lua Disanka, ludi lufila bupole.

Dielulula 16:1

Nuenu bena Izrayele, nuvuluke mua kuenzela Maweja-Nangila Mvidi Mukulu wenu tshibilu tshia Dipita diende, mu ngondu wa Abibe wa tshidimu tshionsu. Bualu Maweja-Nangila mmunupatule mu Ejipitu anu mu ngondu awu butuku.

Yoshua 5:10

Bena Izrayele kuasa mitanda mu Ngilgale. Matuku dikumi ne anayi a ngondu, dilolu, mu mpata udi pabuipi ne tshimenga tshia Yeriko, kuenzabu tshibilu tshia Dipita dia Maweja-Nangila.

1 Petro 1:13

Nanku nudilongolole bua numone mua kukuata mudimu. Nutabale muenu muonsu, batekemene bikole dipa dianupeshabu dituku diamueneka Yezu Kristu.