Ekesode 10:25 - MUKANDA WA MYIDI MUKULU

²⁵ Moshe kumukonka ne: — Wewe neutupe bimuna bitudi mua kuya kuosha bua kulambula Maweja-Nangila Mvidi Mukulu wetu anyi?

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Mose wakamba ne, Bualu buakukukuata bua kufila nyama mu bianza bietu ya kuoshila Nzambi, tudi basue kuyishihela Yehowa Nzambi wetu.

Ekesode 10:25 Marejeleo ya Msalaba

Genese 8:20

Nowa kuashila Maweja-Nangila tshilambuilu. Kuangataye nyama umue ne nyunyi umue wa ku tshisumbu tshionsu tshia nyama idi kayiyi ne mikiya, kuyilambula Maweja-Nangila pa tshilambuilu bu milambu ya kuosha.

Ekesode 10:24

Mukalenga wa bena Ejipitu kubikila Moshe kumuambila ne: — Nuenu bantu balume, bakaji benu ne bana, nuye kutendelela Maweja-Nangila, kadi bimuna bienu, mikoku, mbuji ne ngombe, bishale munemu.

Ekesode 10:26

Tuetu katuena mua kushiya tshimuna tshietu nansha tshimue. Tuyaya nabi bionsu, bualu tuyaya kutendelela nabi Maweja-Nangila Mvidi Mukulu wetu. Kabidi netumanye bimuna bidiye musue bua tuetu kumulambula amu patuafika kutudi tuya.

Ekesode 20:24

Kadi nungenzele tshilambuilu tshibaka ne buloba. Pa mutu patshi nundambuilepu milambu ya kuosha ne ya ditua ndondu, nusungula munkatshi mua ngombe, mbuji ne mikoku yenu. Miaba yonsu indi mumuambile bua nuenu kuntendelela, nengikale munkatshi muenu bua kunuela lupemba.

Lewitiki 16:9

Padiye ujadika ne mbuji ewu ngua Maweja-Nangila, udi umulambula bua mulambu wa kukobolola nawu bantu.

Lewitiki 9:22

Arone ujikija kulambula milambu ya kukobolola bantu, milambu ya kuosha, milambu ya bobumue, kuelaye bianza mulu, wela bena Izrayele lupemba. Pashishe kumukaye ku tshilambuilu.