Efeze 6:16 - MUKANDA WA MYIDI MUKULU

¹⁶ Ikalayi ne ditaba, bu mudi muena mvita ne ngabu mu bianza, bua kuakidila mikete misuika kapia ya kudi diabolu, kuyela panshi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Ha mutu ha bintu bionso nuambule ngabu wa ditabusha, unudi mua kuehela nʼandi miketa yonso ya Satana idi ne kahia kasuikaku.

Efeze 6:16 Marejeleo ya Msalaba

Genese 15:1

Malu onsu mamane kupita, Maweja-Nangila kumuenekela Abrame, umuambila ne: — Abrame, kutshinyi to! Ndi nebe, nenkulame ku njiwu yonsu, kabidi difutu diebe nedikale dinene.

2 Samuele 22:36

Maweja-Nangila, udi bu ngabu udi mundame, munsungidile. Udi witaba pandi ndila, umpe bukole buebe.

Misambu 120:4

Neanukengeshe ne mikete mitue ya mvita, misakisha mu kapia ka makala.

Misambu 7:13

Padi muluishi kayi udilengeja, udi unona muele wende wa mvita. unana buta buende, uludikila.

Nsumuinu 18:10

Maweja-Nangila udi bu nzubu udibu bakolesha ne bimana. Muntu muakane udi unyemena kudiye, udi upanduka.

Matayi 5:37

Nuikale nuitaba amu ne: “eyowa”, nansha nubenga ne: “to.” Bionsu binudi nusakidila bidi bifuma kudi Muena bubi.

2 Korente 1:24

Katuena basue kunufundila tshinudi ne bua kuitaba, bualu nukadi bashindame mu ditaba. Kadi tudi tujinga kukuata nenu mudimu, bua nupete diakalenga.

1 Tesalonike 5:19

Kanupumbishi Mueyelu wa Tshijila bua kuenzawu mudimu.

1 Tesalonike 5:8

Kadi tuetu badi benda mu munya, tudilame ku bunuavi ne ku budiavi. Tudi ne bua kuvuala ditaba ne dinanga, mudibu bavuala kazaku ka tshiamu mu mvita. Tuvuale kabidi ditekemena dia tuetu kupanda, mudibu basa tshifulu tshia tshiamu ku mutu.