Efeze 3:10 - MUKANDA WA MYIDI MUKULU

¹⁰ Kadi mpindiewu, Tshisumbu tshia bena ditaba tshidi tshimanyisha mamfumu ne makole a mulu, meji a mishindu ne mishindu adi Mvidi Mukulu nawu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ bua ekelesia amanyishe bakelenge ne bakokeshi badi mu miaba ya mu diulu meshi mavula a Nzambi;

Efeze 3:10 Marejeleo ya Msalaba

Misambu 103:20

Nuenu batumibue ba Mvidi Mukulu, nuenu badi benza tshidiye wamba ne bukole buonsu, ne badi bamutumikila, elayi Maweja-Nangila tuasakidila.

Misambu 104:24

Maweja-Nangila, mudimu webe udi munene! Udi muenze bionsu ne dimanya dia kuenza bintu bia mpatshi! Buloba mbuwule ne bintu biudi mufuke.

Yezekiyele 3:12

Nanku, Mueyelu wa Mvidi Mukulu kungambula pa buloba. Meme kumvua panyima panyi tshiona tshikole tshia diyi, diamba ne: “Tutumbishe Maweja-Nangila, muaba udiye uleja butumbi buende!”

Rome 11:33

Bubanji bua Mvidi Mukulu mbunene be! Meji ende ne dimanya diende mbiondoke! Udi mua kumvuija bidiye wenza nnganyi? Udi mua kujingulula meji adiye nawu, udiku anyi?

Rome 8:38

Bualu ndi mumane kujadika ne: nansha lufu, nansha muoyi, nansha batumibue ba Mvidi Mukulu, nansha mamfumu makuabu a mulu, nansha bidi bienzeka matuku aa, nansha biavua kuenzeka matuku adi kumpala,

1 Korente 1:24

Kadi bua bonsu badi Mvidi Mukulu mubikile, nansha bena Yuda nansha bantu ba bisamba bikuabu, Kristu udi bukole bua Mvidi Mukulu, kabidi ne meji a Mvidi Mukulu.

1 Korente 2:7

Kadi ndi nnumanyisha meji masokome a Mvidi Mukulu. Mvidi Mukulu kayi muanji kufuka buloba, ukavua mupangadike bua kutusanga mu butumbi buende. Kadi uvua musokoke bantu meji awu.

Efeze 1:21

Muamua Kristu udi ku mutu kua makole onsu adi kaayi amueneka, kabidi ku mutu kua mamfumu onsu mashilangane. Nansha lelu, nansha matuku adi kumpala, kakuena bumfumu nansha bumue budi kabuyi ku diyi diende.

Efeze 1:23

Tshisumbu tshia bena ditaba, ke mubidi wa Kristu. Kristu, udi munda mua bionsu, udi ukuata kabidi mudimu munda mua Tshisumbu atshi ne bukole buende buonsu.

Efeze 1:3

Tutumbishayi Mvidi Mukulu, Tatu wa Mfumu wetu Yezu Kristu, tumuele tuasakidila! Bualu mmutuele lupemba mu Yezu Kristu, mmutupeshe kudiye mapa onsu a mu diulu.

Efeze 1:8

Uvua mutunange bikole. Ke muvuaye mutupeshe lungenyi ne meji, bua tujingulule bidiye wenza.

Efeze 6:12

Bualu katuena tuluangana mvita ne bantu, kadi amu ne makole mabi a mulu adi kaayi amueneka, kabidi ne mamfumu makuabu mashilangane, adi alama buloba mu midima.

Kolose 1:16

Bualu kudiye Mvidi Mukulu mmufuke bionsu, bidi mu diulu ne bidi pa buloba, bidi bimueneka ne bidi kabiyi bimueneka, makole a mulu, makalenga, makokeshi, ne mamfumu. Mvidi Mukulu uvua mufuke bionsu kudiye, kabidi bualu buende Yeye.

Kolose 2:10

Nuvua bapete bionsu menemene mu didisanga dienu nende. Kristu udi mfumu wa Diakalenga onsu, ne wa makole onsu a mulu.

Kolose 2:15

Ku mutshi mutshiamakane ke kuvua Kristu mudipikule ku makalenga, ne ku makole a mulu. mMuafuishe bundu ku mesu a bantu bonsu, bualu mmuye nawu bu bena lukanu, mu luendu lua ditshimuna diende.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

1 Petro 1:12

Mvidi Mukulu uvua mutanduile bambi abu ne: mukenji unudi ne bua kumanyisha bantu, kanuena nuulongesha bualu buenu to, kadi bua bantu bakuabu. Ke mudi bakobodi ba Lumu lua Disanka banumanyishelu mpindiewu ku bukole bua Mueyelu wa Tshijila udi Mvidi Mukulu mulume. Batumibue ba Mvidi Mukulu mene badi bajinga kumanya mukenji awu.

1 Petro 3:22

mubande mu diulu, musombe ku diboku dia bukole dia Mvidi Mukulu Tatu. Ke muaba udi batumibue, mamfumu makuabu, ne makole a mu diulu bitabe bumfumu buende.