Efeze 1:3 - MUKANDA WA MYIDI MUKULU

³ Tutumbishayi Mvidi Mukulu, Tatu wa Mfumu wetu Yezu Kristu, tumuele tuasakidila! Bualu mmutuele lupemba mu Yezu Kristu, mmutupeshe kudiye mapa onsu a mu diulu.

Mukanda wa Nzambi Dihungila Dikulukulu ne Dihungila Dihia-dihia 2003

³ Nzambi, Tatu wa Mukelenge wetu Yesu Kilisto atumbishibue, wakatuvuidishila masanka onso a Nyuma mu miaba ya mu diulu mu Kilisto;

Efeze 1:3 Marejeleo ya Msalaba

Genese 14:20

Mvidi Mukulu muena kulu uvua mukuambuluishe bua wewe kutshimuna baluishi bebe atumbe! Abrame kulambula Melkisedeke tshia dikumi tshia bintu biende bionsu bivuaye munyenge mu mvita.

Genese 22:18

Bisamba bionsu bia pa buloba nebipetele diakalenga ku ndelanganyi yebe, bualu witabi mikenji yanyi.

1 Kulondolola 29:20

Davide kuambila kabidi bantu bonsu ne: — Elayi Maweja-Nangila, Mvidi Mukulu wetu tuasakidila. Bantu bonsu kuela Maweja-Nangila tuasakidila, Mvidi Mukulu wa bankambua babu. Kutuabu binu, kutua ne mpala panshi, batumbisha Maweja-Nangila, kabidi ne mukalenga Davide.

1 Kulondolola 4:10

Yabese uvua utendelela Mvidi Mukulu wamba ne: “Mvidi Mukulu wa bena Izrayele, ungele lupemba, umvudijile bindi nabi, undame. Kadi ungumbushile diakabi ne makenga!” Mvidi Mukulu kumupesha tshivuaye umulomba.

2 Kulondolola 31:8

Izkiya ne balombodi bamone bintu bia mu madimi bivua bantu bafile, kuelabu Maweja-Nangila tuasakidila, kuelabu kabidi ne bantu bende bena Izrayele kalumbandi.

Nehemya 9:5

Pashishe, bena Levi aba: Yeshuwa, Kadmiyele, Bani, Ashabneya, Sherebiya, Odya, Shebanya ne Petakiya, ba-vua bela mbila mikole ne: — Jukayi kulu! Tumbishayi Maweja-Nangila Mvidi Mukulu wenu. Numutumbishe matuku onsu! “Maweja-Nangila, bantu bonsu batumbishe dina diebe dia lumu. Miaku itudi mua kuamba bua kukutumbisha nayi idi amu mikese.

Misambu 134:3

Maweja-Nangila anuele lupemba, biangatshile ku nzubu wende mu Siyone, yeye ngudi mufuke diulu ne buloba!

Misambu 72:17

Lumu lua mukalenga lushale kashidi, bamutumbishe too ne muajimina diba tshiendelele! Bantu belangane lupemba, bamba ne: Mvidi Mukulu akusankishe, muvuaye muenzele mukalenga! Mu matunga onsu bantu bamutue makumbu!

Misambu 72:19

Tuele Mvidi Mukulu tuasakidila! Lumu luende ndunene! Butumbi buende bumueneke mu buloba bujima! Amene, eyo, bikale nanku!

Yeshaya 61:9

Nebamanye ndelanganyi yenu miaba yonsu, mu matunga onsu. Bantu bonsu badi babamona, nebamanye ne: ke bantu badi Maweja-Nangila muele lupemba.

Danyele 4:34

Ke pandi meme Nebukadnesare mpindiewu ntumbisha, nganyisha, nnemeka Mukalenga wa diulu! Tshionsu tshidiye wenza tshidi tshiakane. Malu ende onsu adi pa wowu. Yeye udi ne bukole bua kupuekesha nansha bantu bena diditambisha.”

Luke 2:28

Shimeyone kuambula muana mu maboku ende, kuela Mvidi Mukulu tuasakidila, wamba ne:

Yowanane 14:20

Dituku adi, nenujingulule ne: ndi munda mua Tatu wanyi, nuenu kabidi nudi munda muanyi, meme munda muenu.

Yowanane 17:21

Ndi ntendelela bua bonsu benze tshintu tshimue. Tatu, benze tshintu tshimue netu, muudi wewe munda muanyi, meme munda muebe. Benze tshintu tshimue bua ba pa buloba bitabe ne: wewe uvua muntume.

Yowanane 20:17

Yezu kumuamba ne: — Kundami to, bualu tshiena muanji kubanda kudi Tatu. Kadi uye kudi bana betu, ubambile ne: Ndi mbanda kudi Tatu wanyi, udi Tatu wenu kabidi, kudi Mvidi Mukulu wanyi, udi Mvidi Mukulu wenu kabidi.

Rome 12:5

Momumue kabidi, nansha tuetu bavule, tudi amu tuenza mubidi umue, patudi tudisanga ne Kristu. Tudi tulamakana bonsu pamue bu bidimba bia mubidi umue.

Rome 15:6

bua bonsu pamue, kabidi ne diyi dimue, nutumbishe Mvidi Mukulu, Tatu wa Mfumu wetu Yezu Kristu.

1 Korente 1:30

Kadi Mvidi Mukulu mmunusange ne Yezu Kristu. mMuenze Kristu meji etu. Kristu udi utubingisha kumpala kua Mvidi Mukulu, utuenza bantu bende ba tshijila, utupikula kabidi ku bubi.

1 Korente 12:12

Bualu Kristu udi bu mubidi, udi umue, kadi muikale ne bidimba bivule. Kadi bidimba bionsu, nansha biobi bivule, bidi bienza mubidi amu umue.

2 Korente 1:3

Tutumbishayi Mvidi Mukulu, Tatu wa Mfumu wetu Yezu Kristu, Tatu udi utunanga bikole. Yeye ke Mvidi Mukulu udi utuambuluisha misangu ne misangu mu makenga etu onsu.

2 Korente 11:31

Mvidi Mukulu, Tatuende wa Mfumu Yezu, mummanye ne: tshiena nshima to. Atumbe kashidi tshiendelele!

2 Korente 5:17

Padi muntu udisanga ne Kristu, ukadi muntu mupiamupia: bikulukulu mbimane kushila bipiabipia muaba.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

Ngalate 3:9

Nanku bonsu badi bitaba, nebabele lupemba, bu muvua Abrahame muitabe, bamuele lupemba.

Efeze 1:10

Neabikumbaje ku nshikidilu wa bidimu. Neasangishe bionsu bidi mu diulu ne bidi pa buloba. Neabiteke ku bukalenga bua Mfumu umue epele, Kristu.

Efeze 1:17

Ndi ndomba kudi Mvidi Mukulu wa Mfumu wetu Yezu Kristu, Tatu wa butumbi, bua anupe Mueyelu wende. Wowu neunuenze bantu ba meji, unumanyishe Mvidi Mukulu, bua numujingulule bimpe.

Efeze 1:20

pavuaye mubishe Kristu ku lufu, mumuzangike mu nkuasa wa bumfumu mu diulu ku dia bukole diende.

Efeze 2:6

mMutubishe ku lufu pamue ne Kristu, bua kutusombesha mu nkuasa wa bumfumu mu diulu pamue nende.

Efeze 3:10

Kadi mpindiewu, Tshisumbu tshia bena ditaba tshidi tshimanyisha mamfumu ne makole a mulu, meji a mishindu ne mishindu adi Mvidi Mukulu nawu.

Efeze 6:12

Bualu katuena tuluangana mvita ne bantu, kadi amu ne makole mabi a mulu adi kaayi amueneka, kabidi ne mamfumu makuabu mashilangane, adi alama buloba mu midima.

Filipe 2:11

batonde patoke ne: Yezu Kristu udi Mfumu! Ke mudibu batumbisha Mvidi Mukulu Tatu.

Ebrewu 8:5

Kadi mudimu udi batuangaji aba benza udi amu tshidikijilu ne mundidimbi bia bidi mu diulu. Bidi bifuanangana ne bivua bienzekela Moshe. Pavuaye ne bua kuasa ntenta, Mvidi Mukulu kumuambila ne: “Wenze bionsu bilondeshile tshilejilu tshimvua mukuleje pa mukuna.”

Ebrewu 9:23

Pikalabu balengeja bimfuanyi bia malu a mu diulu, ku ditendelela dia malu a mushindu ewu, kadi malu malelela mene a mu diulu awu, adi akengela milambu mipite buimpe.

1 Petro 1:3

Tutumbishayi Mvidi Mukulu, Tatu wa Mfumu wetu Yezu Kristu! Bu mudiye ne luse luvule, mmutupe muoyi mupiamupia pa kubisha Yezu Kristu ku bafue. Ke mutudi mua kutekemena bikole,