Ebrewu 9:8 - MUKANDA WA MYIDI MUKULU

⁸ Nenku, Mueyelu wa Tshijila udi uleja ne: patshidi ntenta wa tshijila muikaleku, kabena banji kunzulula njila wa kubuela muaba wa tshijila menemene.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nyuma Muimpe udi ulesha bualu ebu hatoke ne, Nshila wa ku muaba mutambe wa tshijila kena muanze kuleshibua hatshidi tshitendelelu tshia kumudilu ne mudimu.

Ebrewu 9:8 Marejeleo ya Msalaba

Yeshaya 63:11

Amu diba adi, bantu bende kuvuluka Moshe, ne malu avua menzeke kale. “Mvidi Mukulu uvua musambuishe kale bantu bende ne balombodi babu mu mayi manene, mpindiewu udi penyi? Mvidi Mukulu uvua mutume Mueyelu wende munkatshi muabu, udi muaba kaayi?

Luke 1:80

Muana uvua utantamana. Lungenyi luende luvua lukola. Uvua usomba mu tshipela too ne ku dituku divuaye mudileje patoke kudi bena Izrayele.

Yowanane 10:7

Yezu kuamba kabidi ne: — Ndi nnujadikila ne: meme ndi tshiibi tshia lupangu lua mikoku.

Yowanane 10:9

Ndi tshiibi. Muntu udi ubuelela kundi neapande. Neabuele, neapatuke, neapete kabidi tshiakudia tshiende.

Yowanane 14:6

Yezu kumuandamuna ne: — Ndi njila, ndi bulelela, ndi muoyi. Muntu nansha umue kena mua kuya kudi Tatu kayi mupitshile kundi.

Bienzedi 28:25

Bu muvuabu kabayi basue kumyuangana, bakavua bakeba kutangalaka. Ke Polu kubambila amu ne: — Miaku ivua Mueyelu wa Tshijila muambile bankambua benu mukana mua muambi Yeshaya, ivua pa bualu!

Ngalate 3:8

Mikanda ya tshijila ivua midianze kumanyisha muvua Mvidi Mukulu ne bua kuhingisha bantu ba bisamba bikuabu, anu bua ditaba diabu. Ke mutudi tubalamu Lumu lua Disanka elu luwabu bambile Abrahame ne: “Mvidi Mukulu neele bisamba bionsu bia pa buloba lupemba bualu buebe.”

Efeze 2:18

Bualu bua Kristu, tuetu bonsu, bena Yuda ne bantu ba bisamba bikuabu, bonsu basanga kudi Mueyelu wa Tshijila, tudi mua kusemena pabuipi ne Mvidi Mukulu.

Ebrewu 10:15

Mueyelu wa Tshijila udi utujadikila kabidi bualu ebu. Bualu udi wamba bangabanga ne:

Ebrewu 3:7

Ke mudi Mueyelu wa Tshijila wamba ne: “Nuenu bumvue diyi dia Mvidi Mukulu lelu,

Ebrewu 9:3

Pashishe kunyima kua tshilamba tshibidi tshivua tshilembeleja, kuvua ntenta mukuabu uvuabu babikila ne: mmuaba wa tshijila menemene.

2 Petro 1:21

Bualu bivua bambi batumanyishe kabivua bifuma ku disua nkayadi dia muntu. Kadi bambi bavua bakula mu dina dia Mvidi Mukulu, bualu Mueyelu wa Tshijila uvua ubaludika.