Ebrewu 6:8 - MUKANDA WA MYIDI MUKULU

⁸ Kadi padibu bumenesha meba ne mingonga, budi bua tshianana. Mvidi Mukulu neabuele mulawu, ku nshikidilu neabuoshe.

Mukanda wa Nzambi Dihungila Dikulukulu ne Dihungila Dihia-dihia 2003

⁸ kadi bikala buloba bumenesha meba ne nyinyʼa tshisonga, budi buhidibua ne budi hehi ne mulau; kunshikidilu kuabu nkuhia.

Ebrewu 6:8 Marejeleo ya Msalaba

Genese 4:11

Mpindiewu udi ne mulawu pa buloba buvua bumatshile mashi a muanenu uuvua mushipe.

Genese 5:29

Kumuinyikaye ne Nowa, wamba ne: — Muana ewu neatusambe ku mudimu mukole wetu wa bianza utudi tukuata, bualu Maweja-Nangila uvua mutshipe buloba.

2 Samuele 23:7

Udi musue kualenga, udi utuika ndami wa tshiamu, nansha musongolu wa mutshi, wosha bionsu muaba awu.

Yobe 31:40

Eyi, padibi nanku, mitshi ya meba ne bisosa bia tshianana, bimene mu madimi anyi, pa muaba wa ntete ya kuenza bukula ya mishindu mishilangane. Ke muvua miaku ya ndekelu ya Yobe nanku.

Misambu 107:34

buloba bua bufuke buenza bua lusenga, pikala badi basombapu benza malu mabi.

Yeshaya 27:4

Tshiena nabu kabidi tshiji to. Kadi pandi nsanganamu meba ne mingonga, nembiluishe kashidi. Nembikose, mbioshe mu kapia.

Yirmeya 17:6

Muntu awu kena mua kupeta diakalenga to. Udi anu bu mutshi udi uma mu mpata, bu mutshi udi munkatshi mua mabue adi mu tshipela, mu buloba buatuke, budi muntu nansha umue kayi wasa.

Yirmeya 44:22

Nansha kakese! Maweja-Nangila kavua mua kuanyisha kabidi malu mabi enu. Ke pavuaye mubutule ditunga dienu, mudinyangakaje, bantu kabayi base kabidi mu ditunga edi. Dikadi dikuatshisha bowa. Dikadi bu tshilejilu tshia kutshipa natshi bantu. Nuenu bonsu nudi mua kujadika tshidiye wamba.

Matayi 25:41

Pashishe mukalenga neambile bantu badi ku diende dia bakaji ne: “Umbukayi pandi, nuenu badi Mvidi Mukulu muele mulawu! Nuye mu kapia ka tshiendelele, kavuabu balongoluele diabolu ne batumibue bende!

Matayi 3:10

Mbamane kulongolola kasuyi bua kukosela mutshi ku miji. Mutshi onsu udi kauyi ukuama tshimuma tshimpe, nebaukose, bawela mu kapia.

Matayi 7:19

Mutshi onsu udi kauyi ukuama bimuma bimpe, nebaukose, bawele muiku.

Marke 11:14

Yezu kutshipa mutshi awu ne: — Kashidi muntu nansha umue kena mua kudia bimuma biebe! Balongi bende bavua bamuteleja.

Marke 11:21

Petro kuvuluka bivua bienzeka, kuambilaye Yezu ne: — Mulongeshi, tangila mutshi wa mfiku uuvua mutshipe, mmumane kuuma onsu.

Yowanane 15:6

Muntu udi kayi ushala mudisange nanyi, nebamuimanshe pa mbelu bu ditamba. Neume. Matamba mume badi baangula, baela muiku, baosha.

Dielulula 29:28

Maweja-Nangila Mvidi Mukulu wetu nkayende mmumanye malu masokome. Kadi tuetu ne ndelanganyi yetu, tudi bamanye anu malu adi Maweja-Nangila mutumanyishe bua kashidi, mmomumue ne: tudi bamanye mikenji yende itudi ne bua kukumbaja tshiendelele.

Ebrewu 10:27

Diba adi tshitudi mua kuenza kabidi ntshinyi? Amu kuindila ne bowa malu atshidi kumpala, momumue ne: Dikosa dia nsambu, ne kapia kakole kadi ne bua kubutula baluishi ba Mvidi Mukulu.

Ebrewu 12:17

Nudi bamanye ne: kunyima kua matuku, pavuaye musue bua tatuende amuele lupemba, bakamubenga. Bualu kavua mupete mushindu wa kukudimuna malu avuaye muenze, nansha muvuaye ulomba ne binsonji ku mesu.

Didimanyisha 20:15

Muntu yonsu uvua kayi ne dina diende mu mukanda wa muoyi, bavua bamuela mu mayi manene atema kapia.