Ebrewu 5:12 - MUKANDA WA MYIDI MUKULU

¹² Matuku a bungi mmamane kupita, nukavua mua kuikala balongeshi. Kadi nutshidi nukengela banulongeshe malu a kumpala a miaku ya Mvidi Mukulu. Pa mutu pa kudia biakudia bikole, nutshidi nukengela kunua mabele.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bualu bua musangu wakamana kuleha unuakadi kuikala bayishi, kadi nudi ne bualu kabidi bua bakuabo banuyishe nuenu mayisha a kumudilu a tshibangidilu tshia mei mamba kudi Nzambi; ne nuakulua bu badi ne mabele bualu, kanuena bu badi ne bia kudia bikole bualu.

Ebrewu 5:12 Marejeleo ya Msalaba

2 Samuele 16:23

Tshikondu atshi, mubelu onsu uvua Akitofele ubela muntu, bavua bauteleja amu bu diyi dia Mvidi Mukulu mene. Nansha Davide nansha Absalome bavua bateleja ngenyi ayi, bayikumbaja.

Ezela 7:10

Bualu Ezra uvua mudifile ne muoyi wende mujima bua kulonga mikenji ya Maweja-Nangila, kuyikumbaja, kuyilongesha bena Izrayele, bua balonde anu meyi ne mikandu bidibu bafunde mu mikenji.

Misambu 34:11

Baneme kabena pa kusokoma, bua tshiyole ne bua nzala. Kadi badi batekemena Maweja-Nangila, nebapete bionsu bidibu bakengela.

Yeshaya 28:13

Ke mudi Maweja-Nangila musue kunuambila amu ne: “B-A-BA, B-A-BA, B-E-BE, B-E-BE, ku dileta ku dileta, ku muaku ku muaku.” Nenku nenunyeme, nudishinda, nutshibuka nyima. Nenubuele mu nzubu wa lukanu, nupanga mua kupatukamu.

Yeshaya 55:1

Luayi, nuenu bonsu badi ne nyota. Ndi nnupa mayi a kunua. Nansha nuenu kanuyi ne makuta. Luayi, nuangate biakudia. Kanuena ne bua kubisumba to! Angatayi mvinyo nansha mabele anu tshianana, kanuyi nufuta!

Matayi 17:17

Yezu kuandamuna ne: — Nuenu nudi bantu babi, badi kabayi bitaba Mvidi Mukulu! Nenshale nenu kabidi matuku bungi munyi? Nengikale amu ndengulula malu enu too ne ku diba kaayi? Semenayi ne muana kundi apa.

Marke 9:19

Yezu kubambila ne: — Nuenu bantu kanuena ne ditaba! Ndi ne bua kushala kabidi nenu matuku bungi munyi? Ndi mua kulengulula malu enu too ne ku diba kaayi? Luaku ne muana.

Bienzedi 7:38

Moshe ke uvua pamue ne bena Izrayele mu tshipela: uvua pankatshi pa bankambua betu ne mutumibue wa Mvidi Mukulu, uvua wakula nende pa mukuna wa Sinayi. Mvidi Mukulu kumumanyisha miaku idi mua kumpetesha muoyi. Moshe kuyifikisha kutudi.

Rome 3:2

Mushinga wa bionsu abi mmunene. Bangabanga bualu Mvidi Mukulu uvua mudianze kumanyisha bena Yuda miaku yende.

1 Korente 14:19

Kadi padi bena ditaba badisanga pamue, ndi musue kuakula miaku itanu idi yumvuika, bua kulongesha bakuabu, pamutu pa kuakula miaku binunu ne binunu mu miakulu idi bantu kabayi mua kumvua.

1 Korente 14:20

Bana hetu, kanuikadi bu bana mu ngelelu wenu wa meji; nuikale bana bua bidi bitangila bubi. Kadi nuikale bantu bakole mu ngelelu wenu wa meji.

Ngalate 4:3

Ke mutuvua bapika ba makole a mulu, bualu tutshivua bana.

Filipe 3:1

Nanku bana hetu, nusanke bua panudi badisange ne Mfumu. Kabiena bintonda bua kunufundila amu malu a momumue. Bualu malu awu adi anulengelela.

Kolose 3:16

Muaku wa Kristu wase miji munda muenu muawu muonsu mudiwu. Longeshanganayi, belanganayi, ne meji onsu anudi nawu. Ne muoyi wenu mujima, imbilayi Mvidi Mukulu misambu, mitendu ne tusala, mudi Mueyelu wa Tshijila unusaka, kabidi ne muoyi wa dianyisha.

Ebrewu 10:32

Nuvuluke munuvua kale. Amu nuenu bamane kupeta butoke bua Mvidi Mukulu, nuvua bakenga bikole, nuvua balame muoyi mushindame mu mvita.

Ebrewu 5:11

Tudi ne malu a bungi a kulongesha pa bualu ebu. Kadi mbikole bua tuetu kunujinguluilawu, bualu nudi ne lujoku ku diumvua.

Ebrewu 5:13

Utshidi unua mabele mmuana. Kena mua kujingulula bualu budi buimpe nansha budi bubi.

Ebrewu 6:1

Nenku, tutungunukayi ne malongesha a bantu bakole. Tulekele malongesha a kumpala adi atangila malu a bena Kristu. Katu-nuvuluiji malu manene anukadi balonge: munudi ne bua kubenga midimu mibi yonsu, kabidi kuitaba Mvidi Mukulu,

1 Petro 2:2

Nufuane bana batekete badibu balela mpindiewu. Bu mudibu bajinga mabele, adibu kabayi basambakaja ne tshintu tshikuabu, nuenu kabidi nujinge kumanya muaku wa Mvidi Mukulu amu pa wowu, bua numone mua kukola nawu mu ditaba, kupeta lupandu.

1 Petro 4:11

Muntu udi ulongesha Lumu lua Disanka, amanyishe bantu miaku ya Mvidi Mukulu. Udi wambuluisha bantu, enze mudimu awu ne bukole budi Mvidi Mukulu umupesha. Nanku Mvidi Mukulu neatumbe, mu malu onsu anudi nuenza, kudi Yezu Kristu, udi ne butumbi, kabidi ne bukole tshiendelele! Amene.