Ebrewu 4:6 - MUKANDA WA MYIDI MUKULU

⁶ Bantu bavua badianjila kumvua Lumu lua Disanka, kabavua babuele muaba wa kuikisha ewu, bualu kabavua bitabe. Nanku bakuabu batshidi ne mushindu wa kubuelamu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nunku kutshidi kushala bua bakuabo babuelemu, ne bua bantu bakadi ne lumu luimpe luambibua kudibo diambedi kabakabuelamu bua buhidia buabo,

Ebrewu 4:6 Marejeleo ya Msalaba

Yeshaya 65:15

Bantu banyi nebangate dina dienu, bua kutshipa nadi bantu bakuabu. Nebambe ne: “Maweja-Nangila Mvidi Mukulu akushipe, bu mudiye mushipe kampande nansha kansanga.” Kadi, bantu banyi badi bandamate, nebapete dina dikuabu.

Dibadika 14:12

Nanku nembatumine disama dia tshiambu, mbabutula. Pashishe nengenze nebe tshisamba tshikuabu, tshidi tshipite bena Izrayele ku bungi ne ku bukole.

Dibadika 14:31

Kadi bana benu batekete banuvua nuelela meji ne: nebashale bapika, nembafikishe mu ditunga dia Kenaane, dinudi nubenga. Bobu nebadimanye.

Matayi 21:43

— Ke Yezu kuamba kabidi ne: ke pandi nnujadikila ne: nebanunyenge Bukalenga bua Mvidi Mukulu, bua kubupesha tshisamba tshidi mua kukuama bimuma bilenga. [

Bienzedi 28:28

Ndi nnuambila ne: Mvidi Mukulu mmutumine bantu ba bisamba bikuabu mukenji wa lupandu, bualu bobu nebauteleje! [

1 Korente 7:29

Bana hetu, ndi musue kuamba nunku: matuku mmashale makese. Kutuadijila mpindiewu, bantu badi basele, basombe bu badi kabayi ne bakaji;

Ngalate 3:8

Mikanda ya tshijila ivua midianze kumanyisha muvua Mvidi Mukulu ne bua kuhingisha bantu ba bisamba bikuabu, anu bua ditaba diabu. Ke mutudi tubalamu Lumu lua Disanka elu luwabu bambile Abrahame ne: “Mvidi Mukulu neele bisamba bionsu bia pa buloba lupemba bualu buebe.”

Ebrewu 4:11

Nenku, tuenzayi muetu muonsu bua tupete muaba wa dikisha ewu. Tukuate mudimu bua muntu nansha umue wa Mvidi Mukulu kapangi kutumikila, muvua bantu ba mu tshipeta bapange. Bualu diba adi kakupeta muaba wa dikisha ewu.

Ebrewu 4:2

Bualu bavua batumanyisha Lumu lua Disanka bu muvuabu batumanyishe bavua mu tshipeta. Bavua bumvua Lumu elu kabavua baluitabe.

Ebrewu 4:9

Nenku, dikisha difuanangane ne divua Mvidi Mukulu muikishe dituku dia muanda mutekete, ditshidi dindila bantu ba Mvidi Mukulu.