Ebrewu 3:8 - MUKANDA WA MYIDI MUKULU

⁸ kanupapiji mioyi yenu bu tshikondu tshinuvua bamutombokele, dituku dinuvua bamutete mu tshipela.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Kanukoleshi mitshima yenu, bu muakenzabo mu dinfikisha dia munda, Bu muakadi dituku dia ditetshibua diabo mu tshihela,

Ebrewu 3:8 Marejeleo ya Msalaba

2 Bakalenga 17:14

Kadi bantu abu, kabena bitabe bivuabu babambila abi to. Bavua batomboka, anu bu muvuabu benza kudi bankambua babu, bavua babenga mua kuitaba Maweja-Nangila Mvidi Mukulu wabu.

2 Kulondolola 30:8

Kanuenji buenzayi bua bankambua benu to. Itabayi Maweja-Nangila, pinganayi muaba wende wa tshijila uvuaye mujidile bua kashidi. Nushale bantu ba Maweja-Nangila Mvidi Mukulu wenu. Nanku bu muvuaye munufikile munda bikole, tshiji tshiende netshituye.

2 Kulondolola 36:13

Mukalenga Nebukadnesare uvua mulombe mukalenga Sedekiya bua amuitabe, aditshipe, atele dina dia Maweja-Nangila. Kadi, nansha Nebukadnesare muenze nanku, Sedekiya uvua amu mumutombokele. Uvua ne tshitunu, mubenge mushidishe, kayi musue kupingana kudi Maweja-Nangila Mvidi Mukulu wa bena Izrayele.

Nehemya 9:16

Kadi bankambua betu bavua bantomboji. Bavua baditambisha bikole, babenga kuitaba mikenji yebe.

Yobe 9:4

Mvidi Mukulu udi mutupite ku bukole ne ku lungenyi. Udi mua kumutonuena mesu kabayi bamunyoka, nnganyi?

Misambu 106:14

Kujingabu bikole bintu bivuabu kabayi nabi, kutetabu Mvidi Mukulu mu tshipela.

Misambu 78:18

Kutetabu Mvidi Mukulu, kumulomba biakudia.

Misambu 78:56

Kadi bobu kubenga Mvidi Mukulu Muena kulu, kumutombokela, kushipa mikenji yende.

Misambu 95:8

“Kanubengi mua kumvua, bu muakenza bankambua benu ku Meriba, diba dia bualu buvua buenzeka ku Masa mu tshipela.

Ekesode 17:7

Bantu kuinyika muaba awu dina ne: Massa (mmumue ne: Diteta) ne Meriba (mmumue ne: Matandu), bualu bena Izrayele bavua batandisha Moshe. Kabidi bavua bateta Maweja-Nangila, badikonka ne: “Maweja-Nangila udi munkatshi muetu anyi kenamu?”

Ekesode 8:15

Benji ba bilengulengu bamone nanku, kuambilabu mukalenga wa bena Ejipitu ne: — Ebi bidi bienzeka ku bukole bua Mvidi Mukulu. Kadi mukalenga wa bena Ejipitu uvua anu ne tshitunu. Kubengaye diyi dia Moshe ne Arone bu muvua Maweja-Nangila mudianjile kuamba.

Nsumuinu 28:14

Muntu udi utshina kuenza bibi udi ne diakalenga. Muntu udi upapisha muoyi wende neapete dikenga.

Nsumuinu 29:1

Muntu udi uteka mutu mukole padibu bamubela, dimue neabutuke kakuyi tshidi tshikandika.

Yirmeya 7:26

Kadi kanuena banteleje, kanuena bangitabe. Nuvua amu bantombokele. Nuenu kuenza bibi kupita bankambua benu.”

Danyele 5:20

Kadi tatuebe kuditambisha, kuwula tente ne kapetu. Nanku bakamumbusha mu nkuasa wende wa bukalenga, kumunyenga ne lumu luvuaye nalu.

Dibadika 14:11

Maweja-Nangila kuambila Moshe ne: — Ndi muenzele bantu aba bishima bia bungi bua kubaleja bukole buanyi. Kadi nebambenge too ne ku diba kaayi? Nebabenge kashidi bua kungitaba anyi?

Matayi 13:15

Bualu bena tshisamba etshi mbapapishe muoyi wabu, mbadijike matshi, mbabuikile mesu. Bu bobu kabayi benza nanku, mesu abu avua mua kumona, matshi abu avua mua kumvua, lungenyi luabu luvua mua kujingulula malu. Nanku bavua mua kupingana kundi, Meme kujikija masama abu.”

Bienzedi 19:9

Kadi bamue ba kudibu bavua ne muoyi mupape, babenga kuitaba, bakula ne kapeja bua njila wa Mfumu, bantu bonsu bumvue. Nanku Polu kubashiya, kupatuka mu nzubu amu pamue ne bena ditaba. Kutuadija dituku adi, uvua ubalongesha mu tshilongelu tshia Tiranuse ku dituku ku dituku.

Bienzedi 7:36

Moshe kupatula bena Izrayele mu Ejipitu, kuenza bishima ne malu a dikema mu ditunga dia bena Ejipitu, mu mayi manene Makunze, ne mu tshipela, bidimu makumi anayi.

1 Korente 10:9

Katuena mua kuteta Mfumu, muvua bamue ba kudibu benze. Ke nyoka kubasuma, bobu kufua.

Dielulula 6:16

Kanutetshi Maweja-Nangila Mvidi Mukulu wenu, bu munuvua bamuenzele ku Masa.

1 Samuele 6:6

Kanuenji tshitunu bu muvuabu benza kudi mukalenga wa bena Ejipitu ne bantu bende. Nuvuluke muvua Mvidi Mukulu ewu mukengeshe bena Ejipitu, too ne muavubu kuanyisha bua bena Izrayele bapatuke ku bupika.