Ebrewu 3:5 - MUKANDA WA MYIDI MUKULU

⁵ Kadi Mvidi Mukulu utata muanyishe Moshe mu nzubu wende mujima. Uvua muntu mutume bua kumanyisha bonsu malu avua Mvidi Mukulu musue kuamba.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bulelela, Mose wakadi wa kueyemenyibua mu nsubu wa Nzambi muonso bu muena mudimu, bua kuikaleye tshimanyishilu tshia malu akadi amba kuambibua ka nyima;

Ebrewu 3:5 Marejeleo ya Msalaba

Nehemya 9:14

Wewe kubaleja mudi dituku dia Dikisha dikale dituku diebe wewe, dituku dia tshijila. Wewe kubamanyisha mikenji yebe mikuabu, mukana mua Moshe, muntu webe.

Misambu 105:26

Maweja-Nangila kutuma Moshe, muena mudimu wende, ne Arone uvuaye musungule.

Ekesode 14:31

Kujadikabu ne: Maweja-Nangila mmubasungidile mu bianza bia bena Ejipitu ku bukole buende. Bantu bonsu kutshina Maweja-Nangila, kumutekemena. Kutekemena kabidi kudi muntu wende Moshe.

Ekesode 40:16

Moshe kuitaba diyi dia Maweja-Nangila, kukumbaja bionsu bivuaye mumuambile:

Dibadika 12:7

Kadi, bua muntu wanyi Moshe kabiena nanku to. Bualu yeye ke udi ulombola bimpe bantu banyi bonsu bena Izrayele.

Matayi 24:45

— Muena mudimu muimpe, wa meji, nnganyi? Ngewu udi mfumuende mupeshe mudimu wa kukuba bena mudimu bende, ne wa kubapesha biakudia diba dimpe.

Matayi 25:21

Mfumuende kumuandamuna ne: “Bimpe, muena mudimu wanyi muimpe, muitabi wa ku diyi dianyi. Uvua mukumbaje bimpe mudimu webe ne bintu bikese bindi mukushile. Nanku nenkushile bidi ne mushinga wa bungi. Buelaku mu tshibilu tshianyi, tusanke nebe.”

Luke 12:42

Mfumu kumuandamuna ne: — Muena mudimu muimpe wa meji nnganyi? Se mmuntu udi mfumuende uteka ku mudimu wa kulama nzubu, ne wa kupesha bena mudimu biakudia diba diakane.

Luke 24:27

Diba adi Yezu kubumvuija bionsu bivuabu bafunde bualu buende mu Mikanda ya tshijila, kutuadija ku mikanda ya Moshe, too ne ku ya bambi bonsu.

Luke 24:44

Pashishe kubambilaye ne: — Miaku imvua munuambile, pantshivua nenu, ivua ne: bionsu bivuabu bafunde mu mikenji ya Moshe, ne mu mikanda ya bambi, ne ya misambu, bidi ne bua kukumbana.

Yowanane 5:39

Nudi nulonga malu a mu Mikanda ya tshijila, bualu nudi nuela meji ne: netupetelemu muoyi wa tshiendelele. Kadi mikanda ayi menemene ke idi ijadika bulelela buanyi!

Bienzedi 28:23

Dituku divuabu bumvuangana ne Polu, bantu bapite bungi kufika muaba uvuaye ulala. Polu kubalongesha ku dinda too ne ku dilolu, kubumvuija bimpe malu a Bukalenga bua Mvidi Mukulu. Uvua utela miaku ya mu Mikenji ya Moshe, ne ya mu mikanda ya Bambi, ukeba amu bua bitabe Yezu.

Bienzedi 7:37

Moshe awu kabidi ke uvua muambile bena Izrayele ne: “Mvidi Mukulu neanutumine muambi bu meme, muntu wa mu tshisamba tshienu.”

Rome 3:21

Kadi lelu, Mvidi Mukulu mmutuleje mudiye utubingisha kumpala kuende, kabiyi bua dikumbaja dia mikenji. Mikenji ne bambi bivua bimane kujadika ne:

1 Korente 4:2

Kadi tshidibu batekemena kudi muntu udibu bafundile mudimu ntshinyi? Badi bajinga amu ne: aukumbaje pa wowu!

Dielulula 3:24

“Maweja-Nangila Mvidi Mukulu wanyi, udi mudianjile kundeja butumbi ne bukole buebe. Kakuena mvidie, pa buloba nansha mu diulu, udi ne bukole bua kuenza malu a dikema, bu muudi wenza wewe.

Dielulula 34:5

Moshe, muntu wa Maweja-Nangila, kufuila mu ditunga dia Mowabe, anu bu muvua Maweja-Nangila mumane kuamba.

1 Timote 1:12

Ndi ngela Mfumu wetu Yezu Kristu tuasakidila, bualu uvua mumpeshe bukole bua meme kumukuatshila mudimu. Ndi muele tuasakidila, bualu uvua mungangate ne mushinga, muanyishe bua meme kumuenzela mudimu,

Ebrewu 1:1

Ku kale, Mvidi Mukulu uvua muambile bankambua hetu malu misangu ne misangu, kabidi mishindu ne mishindu kudi bambi.

Ebrewu 3:2

Bualu Mvidi Mukulu utata mumusungule bua mudimu ewu, utata mumuanyishe kabidi bu mutataye muanyishe Moshe “mu nzubu wende mujima.”

Ebrewu 3:4

Bualu nzubu yonsu mmuibaka kudi muntu. Kadi Mvidi Mukulu ke udi muibake bintu bionsu.

Ebrewu 8:5

Kadi mudimu udi batuangaji aba benza udi amu tshidikijilu ne mundidimbi bia bidi mu diulu. Bidi bifuanangana ne bivua bienzekela Moshe. Pavuaye ne bua kuasa ntenta, Mvidi Mukulu kumuambila ne: “Wenze bionsu bilondeshile tshilejilu tshimvua mukuleje pa mukuna.”

Ebrewu 9:24

Bualu Kristu kena mubuele muaba wa tshijila muasa kudi bantu, uvua amu tshimfuanyi tshia muaba mulelela. Kadi mmubuele mu diulu menemene, mudiye udileja kumpala kua Mvidi Mukulu bualu buetu.

Yoshua 1:15

too ne padi Maweja-Nangila Mvidi Mukulu wenu muanyishe bua bana benu bakuate ditunga, didiye mubapeshe bu muvuaye munuambuluishe nuenu bua nupete ditunga. Pashishe nenupingane bua kuasa mu ditunga divua Moshe, muntu wa Mvidi Mukulu, munuabanyine luseke ludi diba dipatukila lua musulu wa Yardene.

Yoshua 1:2

— Moshe, muntu wanyi, mmumane kufua. Mpindiewu, wewe udi ne bua kusabuka musulu wa Yardene, pamue ne bena Izrayele bonsu, bua ubafikishe mu ditunga dindi mubapeshe.

Yoshua 1:7

Wewe kolesha muoyi, kutshinyi to. Kumbaja bimpe mikenji yanyi yonsu ivua Moshe muntu wanyi mukuambile. Kulenguludi mukenji nansha umue. Nanku wewe muyikumbaje yonsu, neupete dikasa dimpe mu bionsu biudi wenza.

Yoshua 8:31

Uvua muase tshilambuilu atshi, anu mushindu uvua Moshe, muntu wa Maweja-Nangila, muambile bena Izrayele. Mushindu uvuabu base tshilambuilu bavua bamane kuufunda mu mukanda wa mikenji ya Moshe. Bavua bafunda ne: Tshilambuilu tshikale tshiasa ne mabue kaayi masonga ne tshiamu to. Nenku bavua balambuila Maweja-Nangila milambu ya kuosha ne ya bobumue pa tshilambuilu atshi.

Yoshua 8:33

Bena Izrayele ne bakulu babu, balombodi babu, bakoshi babu ba nsambu, ne benyi bavua munkatshi muabu, bavua bimane ku luseke ne ku luseke lua mushete wa ndondu wa Maweja-Nangila, balulamangane ne batuangaji ba bena Levi bavua bambula mushete wa ndondu awu. Bamue bavua bimane bela nyima ku mukuna wa Ngarizime, bakuabu bela nyima ku mukuna wa Ebale. Moshe ku kale uvua mumane kuamba bua bikale bimane mushindu ewu padibu basue kuela bena Izrayele lupemba.

Didimanyisha 15:3

Bavua bimba musambu wa Moshe, muntu wa Mvidi Mukulu, kabidi ne musambu wa Muana wa mukoku ne: “Maweja-Nangila Mvidi Mukulu wa bukole buonsu, udi muenze malu manene a dikema! Mukalenga wa bisamba bionsu, malu audi wela meji, ne audi ukumbaja, adi mimpe, aleja muudi muena diyi dimue.