Ebrewu 2:2 - MUKANDA WA MYIDI MUKULU

² Mikenji ivua batumibue ba Mvidi Mukulu bafike nayi kutudi, ivua ne mushinga munene. Muntu yonsu uvua kayi muyilonde, mubenge kuyitumikila, mmupete dinyoka di-vuaye ne bua kupeta.

Mukanda wa Nzambi Dihungila Dikulukulu ne Dihungila Dihia-dihia 2003

² Bua bikala dî diakambibua kudi banjelo diakajadikibua, ne bikala bualu buonso bua dihambuka ne buhidia buonso biakahetela benji babi difutu diakanangane ne bubi,

Ebrewu 2:2 Marejeleo ya Msalaba

Misambu 68:17

Kadi wewe mukuna udi ne nsongu mivule, udi ubaba mukuna udi Mvidi Mukulu musue kusomba, mukuna udi Maweja-Nangila muase, bua tshinyi?

Dibadika 11:33

Kadi, bena Izrayele kabayi banji kujikija kudia, munyinyi awu mutshikale mukana, Maweja-Nangila kubafikila munda. Kubatuminaye tshipupu tshikole.

Dibadika 21:6

Diba adi Maweja-Nangila kubatumina nyoka ya lulengu. Kusumayi bena Izrayele. Bavule kufua.

Dibadika 25:9

Bena Izrayele bakavua bafue ku tshipupu atshi binunu makumi abidi ne binayi.

Bienzedi 7:53

Mvidi Mukulu kunutumina mikenji yende kudi batumibue bende. Kadi kanuena bayikumbaje to!

Ngalate 3:19

Kadi mbele mikenji bua tshinyi? Bavua bayisakidile ku dilaya bua kuleja patoke malu adi Mvidi Mukulu kayi musue. Ivua ne bua kunenga too ne pafika muntu wa ku ndelanganyi ya Abrahame, uvuabu batela mu dilaya adi. Batumibue bavua bafikisha mikenji eyi kudi muntu, bua ayileje bantu bakuabu.

Dielulula 17:12

Pikala muntu musue kuditambisha, kayi ulonda tshidi balumbuluishi ne batuangaji, badi benza mudimu mu nzubu wa Maweja-Nangila Mvidi Mukulu wenu, bamba, muntu awu numushipe, bua kujikija buenzayi munkatshi mua bena Izrayele.

Dielulula 17:2

Misangu mikuabu, mu tshimue tshia ku bimenga tshidi Maweja-Nangila Mvidi Mukulu wenu mua kunupa bua nuenu kusomba, muntu mulume nansha mukaji udi mua kuenza bibi, kunyangakaja ndondu.

Dielulula 17:5

muena tshibawu awu, nansha yeye mulume nansha yeye mukaji, nuye nende ku tshibuelelu tshia tshimenga. Numuase mabue, numushipe.

Dielulula 27:26

“Muntu yonsu udi kayi witaba meyi ne mikenji bia Mvidi Mukulu, kayi ubikumbaja, asangane muena tshibawu kuenza anyi?” Bonsu ne: “Enze!”

Dielulula 32:2

Bindi ndongesha bitampakane miaba yonsu, bu mudi mvula usankisha madimi. Mibelu yanyi imuangalake, mudi lumuma lutangalaka ku bisosa.

Ebrewu 1:1

Ku kale, Mvidi Mukulu uvua muambile bankambua hetu malu misangu ne misangu, kabidi mishindu ne mishindu kudi bambi.

Ebrewu 10:28

Muntu yonsu udi ubenga kuitaba mikenji ya Moshe, pamanyabu ne: mmuenze bibi, badi bamushipa, kabayi bamufuila luse, bantu babidi nansha basatu bajadike bualu.

Ebrewu 10:35

Nenku kanujimiji muoyi mushindame unudi nawu, neunupeteshe difutu dinene.

Ebrewu 11:26

Utata muele meji ne: bobu bampetule mutotabu bapetule Kristu, ndi mpeta tshiuma tshidi tshipite biuma bia mu Ejipitu. Bualu mesu ende avua atangila amu difutu divuaye muindile kumpala.

Ebrewu 11:6

Kadi muntu kena mua kusankisha Mvidi Mukulu padiye kayi ne ditaba. Bualu muntu udi usemena pabuipi ne Mvidi Mukulu udi ne bua kuitaba ne: Mvidi Mukulu udiku, udi ufuta badi bamukeba.

Ebrewu 12:25

Nanku nudimuke! Kanubengi kuteleja udi wakula nenu. Bantu bavua babenga kuteleja muntu uvua ubabela pa buloba mu dina dia Mvidi Mukulu, batata bapete dinyoka. Nanku tuetu nangananga nebatunyoke patudi tubenga udi utuambila diyi didi difume mulu.

2 Petro 1:19

Bu mutuvua bumvue miaku eyi, tudi bajadike bimpe menemene ne: meyi avua bambi batumanyishe kale adi malelela. Nanku panudi nuavuluka ne ntema, nudi nuenza bimpe, bualu adi bu muendu udi utema muaba wa miidima, too ne padi butuku butshia, too ne padi mutotu wa nkesha ukenkesha mioyi yenu.

Yuda 1:5

Nansha nuenu bamanye bimpe bualu abu, ndi musue kunuvuluija muvua Maweja-Nangila musangu umue mupikule bena Izrayele mu ditunga dia Ejipitu. Kadi kunyima kua matuku uvua mubutule bavua babenga kumuitaba.