Ebrewu 2:10 - MUKANDA WA MYIDI MUKULU

¹⁰ Bualu Mvidi Mukulu — udi mufuke bionsu, kabidi udibu bafukila bionsu — uvua ne bua kupitshisha Yezu mu makenga bua kumufikisha ku bujima buende, bua amone mua kubueja bana bende bavule mu butumbi buende. Bualu Yezu ke udi ubafikisha ku lupandu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bua bualu buakadi buakane kudiye, bua bualu buandi bintu bionso bidiku, ne bintu bionso bidi bifukibua ku bukole buandi, hakalomboleye bana ba bungi ku butumbi, bua kuvuisha kapitene ka luhandu luabo mu buakane buonso ku makenga.

Ebrewu 2:10 Marejeleo ya Msalaba

Genese 18:25

Wewe kuena mua kuenza nanku, kuena mua kushipa muntu muakane pamue ne muena tshibawu. Abu bualu buyile kule. Bonsu babidi nebamueneke anu bu bena tshibawu. Wewe mukoshi wa nsambu munene wa buloba bujima, kuena mua kukosa nsambu bibi to.

Nsumuinu 16:4

Tshintu tshionsu tshidi Maweja-Nangila muenze, tshidi ne kipatshila katshi; nanku wakalongoluela muntu mubi dituku dia dimunyoka.

Yeshaya 43:21

Nenku bantu bandi muenze, nebumvuije bakuabu malu manene andi muenze.”

Yeshaya 55:4

Meme kumuteka, bua ikale mukalenga wa bukua matunga. Ke nuwuaye ne bua kushindika bumfumu buanyi munkatshi mua bisamba.

Osheya 8:10

Nansha bena Efrayime bapeshe bisamba bikuabu mabuejila a bungi, tshikondu tshiakumbanyi, tshia meme kubakunguja muaba umue. Nanku, matuku makese aa, nebapete dinyoka kudi mukalenga wa bena Ashure.

Mika 2:13

Mvidi Mukulu udi upanda njila. Neende kumpala kuenu. Mbamane kunupikula. Nudi nudipandila njila, nupatuka, nuya! Maweja-Nangila mukalenga wenu, ke udi unulombola.”

Luke 13:32

Yezu kubandamuna ne: — Nuye, nuambile nyama wa kabundi awu ne: “Ndi ngipata mikishi mibi, njikija masama lelu ne maloba. Dituku disatu nenjikije mudimu wanyi.”

Luke 2:14

“Butumbi buonsu budi kudi Mvidi Mukulu mulu mu diulu, bupole buende budi pa buloba, kudi bantu badiye munange!”

Luke 24:26

Kristu kavua ne bua kudianza kukenga nanku, bua kubuela mu butumbi buende anyi?

Luke 24:46

Kubambilaye ne: — Bavua bafunde ne: Kristu udi ne bua kufua, pashishe kubiika ku lufu dituku disatu.

Yowanane 11:52

kadi kavua ne bua kutuila amu tshisamba etshi nkayatshi, kadi mmufue kabidi bua kusangisha mu bobumue bantu bonsu ba Mvidi Mukulu bavuabu batangalaje.)

Yowanane 19:30

Yezu mumane kunua maluvu awu, kuambaye ne: — Bionsu mbimane kukumbana! Pashishe kuinyikaye mutu, kukula muoyi.

Bienzedi 3:15

Nanku nuenu kushipesha mfumu wa muoyi. Kadi Mvidi Mukulu mmumubishe ku lufu. Tuetu tudi bajadiki ba bualu ebu.

Bienzedi 5:31

Mvidi Mukulu mmumuzanjike ku dia bukole diende; mmumuteke Mfumu ne Mupandishi, bua bena Izrayele badilengeje. Nanku Mvidi Mukulu neabajimijile mibi yabu.

Rome 11:36

Bualu bionsu bidi bifuma kudiye. Bionsu bidiku ku bukole buende, kabidi bualu buende. Mvidi Mukulu atumbe kashidi tshiendelele! Amene.

Rome 9:23

Butumbi buende bunene uvua musue kuteleja kabidi tuetu bantu badiye ufuila luse, badiye mudianze kulongolola bua tubuele mu butumbi buende.

1 Korente 2:7

Kadi ndi nnumanyisha meji masokome a Mvidi Mukulu. Mvidi Mukulu kayi muanji kufuka buloba, ukavua mupangadike bua kutusanga mu butumbi buende. Kadi uvua musokoke bantu meji awu.

1 Korente 8:6

Kadi buetu tuetu kudi Mvidi Mukulu amu umuepele, Tatu, Mufuki wa bionsu. Tudi ne muoyi panu, bua kuya kudiye. Kudi kabidi Mfumu umuepele, Yezu Kristu. Bionsu bidiku ku bukole buende. Tudi bapete muoyi amu kudiye.

2 Korente 3:18

Tuetu bonsu tudi tumuenesha butumbi bua Mfumu, bualu ki mbabuikile mpala wetu ne tshilamba. Ke mutudi bandamuke, bua difuanangane ne Mfumu, bua tumuke mu butumbi, tubuele mu bukuabu budi bupita bua kumpala. Ke bidi Mfumu muenze ku bukole bua Mueyelu wende.

2 Korente 4:17

Makenga atudi tumvua matuku aa adi amu makese, adi apita kabidi lubilu. Kadi neatupeteshe lumu luvule ludi lushala kashidi, ludi ne mushinga mupite wa makenga aa.

2 Korente 5:18

Bionsu abi Mvidi Mukulu ke udi ubienza. Udi mututuangaje nende kudi Kristu, mutupeshe kabidi mudimu wa kufikisha bantu bakuabu bua badilengeje nende.

2 Korente 6:18

Meme nengikale Tatu wenu, nuenu nenuikale bana banyi ba balume ne ba bakaji. Ke mundi ngamba Meme Maweja-Nangila wa bukole buonsu.”

Ngalate 3:26

Bualu nudi bana ba Mvidi Mukulu, panudi nuitaba, nudisanga ne Yezu Kristu.

Efeze 2:7

Bionsu abi nebimueneke patoke mu matuku adi kumpala. Diba adi dinanga diende dinene dipite nedidileje patoke, bualu bua bidiye mutuenzele munda mua Yezu Kristu.

Efeze 3:10

Kadi mpindiewu, Tshisumbu tshia bena ditaba tshidi tshimanyisha mamfumu ne makole a mulu, meji a mishindu ne mishindu adi Mvidi Mukulu nawu.

Kolose 3:4

Muoyi wenu mulelela ke Kristu. Nanku diba diamuenekaye, nenumueneke kabidi pamue nende. Nenudisange nende mu butumbi buende.

2 Timote 2:10

Ke pandi ngumvua bionsu ne lutuulu, bua diakalenga dia bantu badi Mvidi Mukulu musungule. Ke mudibu bapeta bobu kabidi lupandu kudi Yezu Kristu, ne butumbi bua kashidi.

Ebrewu 12:2

Tutangile Yezu, mfuki wa ditaba dietu, udi mua kudifikisha kabidi ku bujima buadi. Bua kupeta disanka divuabu bamulamine, kuitabaye bua bamushipe ku mutshi mutshiamakane, kayi umvua bundu bua lufu lua mushindu ewu. Mpindiewu udi musombe ku dia balume dia nkuasa wa butumbi wa Mvidi Mukulu.

Ebrewu 6:20

Ke muaba uvua Yezu mubuele kumpala kuetu bua kutuleja njila. Udi mutuangaji munene bua kashidi mushindu wa Melkisedeke.

Ebrewu 7:26

Nenku Yezu udi mutuangaji munene utuvua tukengela. Udi wa tshijila. Munda muende kamuena bualu bubi nansha bumue. Kena muenze tshilema nansha tshimue. Uvua mutapuluke ne benji ba malu mabi. Kumubandishabu ku mutu kua diulu.

Ebrewu 7:28

Mikenji ya Moshe idi iteka bantu badi ne bilema mulongu wa batuangaji banene. Kadi miaku ya mutshipu wa Mvidi Mukulu ivuaye muambe kunyima kua mikenji, mmiteke Muana udi mufike ku bujima buende bua kashidi bu mutuangaji munene.

1 Petro 1:12

Mvidi Mukulu uvua mutanduile bambi abu ne: mukenji unudi ne bua kumanyisha bantu, kanuena nuulongesha bualu buenu to, kadi bua bantu bakuabu. Ke mudi bakobodi ba Lumu lua Disanka banumanyishelu mpindiewu ku bukole bua Mueyelu wa Tshijila udi Mvidi Mukulu mulume. Batumibue ba Mvidi Mukulu mene badi bajinga kumanya mukenji awu.

1 Petro 5:1

Bindi ngakula mpindiewu, bidi bitangila bantu ba munkatshi muenu badi bakulu ba Tshisumbu tshia bena ditaba. Meme kabidi ndi mukulu. Mvua mumone ne anyi abidi makenga a Kristu. Nendisange kabidi nende mu butumbi buende bukadi pa kumueneka. Nanku ndi ngambila bakulu ne:

1 Petro 5:10

Mvidi Mukulu mmunubikile bua nudisange nende mu butumbi buende bua kashidi, panudi nudisanga ne Kristu. Nanku nuenu bamane kukenga tshitupa tshikese, Mvidi Mukulu, mpokolu wa dinanga dionsu, neanuenze bantu ba tshijila. Neanushindike, anukoleshe bua kanutenkakanyi.

Didimanyisha 4:11

“Wewe udi Maweja-Nangila wetu, kabidi ne Mvidi Mukulu wetu. mBimpe bantu bonsu bakutumbishe, bakunemeke, bitabe bumfumu buebe. Bualu udi mufuke bintu bionsu. Bionsu bidiku, bidi kabidi ne muoyi, bualu wewe udi musue nanku.”

Didimanyisha 7:9

Malu aa mamane kupita, meme kutangila kabidi, kumona bantu bapite bungi, kabayi kubala. Bavua ba mu matunga onsu, ba meku onsu, ba bisamba bionsu, ne ba miakulu yonsu. Bavua bimane kumpala kua nkuasa wa butumbi, ne kumpala kua Muana wa mukoku, bavuale mintumpu mitoke, bakuate malala mu tshianza.