Ebrewu 2:1 - MUKANDA WA MYIDI MUKULU

¹ Ke patudi ne bua kuangata ne mushinga malu malelela atudi bumvue, bua katujiminyi.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bua bualu ebu butudi nʼabu mbua kutamba kudimuka ku malu atuakunvua bua bumue katulu kuhambuka.

Ebrewu 2:1 Marejeleo ya Msalaba

1 Kulondolola 22:13

Paudi unemeka, witaba kabidi meyi ende ne mikandu, bivuaye mupeshe Moshe bua kuambila bena Izrayele, newikale ne diakalenga mu bionsu biwenza. Wewe, kolesha muoyi, ikala ne dikima, kutshinyi, kuzakadi.

Misambu 119:9

Patshidi muntu muana, mmunyi mudiye mua kuikala ne nsombelu muimpe? — Amu padiye ulama tshiudi muambe wewe Maweja-Nangila.

Nsumuinu 3:21

Muananyi, tekemena lungenyi ne meji. Nebikuludike kashidi. Kubilekedi.

Abakuke 1:6

Ndi mbikila bena Babilone, tshisamba tshia bantu ba lonji, kabayi luse. Badi bendakana pa buloba bujima, bakeba kudia bumfumu mu matunga a bende.

Abakuke 2:16

Kadi kanuakupeta lumu ku malu a mushindu ewu. Nenuikale penu ne bundu: Nenunue, nukuatshika, nuleja butaka. Maweja-Nangila neanunuishe maluvu, mu dikopu dia tshiji tshiende: lumu luenu neluandamuke bundu bupite.

Matayi 16:9

Kanuena banji kujingulula malu anyi? Kanutshiena bavuluke mampa atanu, amvua mukosoluele bantu binunu bitanu, ne bisaka bia bisunsukila binuvua basangishe anyi?

Marke 8:18

Nudi ne mesu, kanuena numona anyi? Nudi ne matshi kanuena numvua anyi? Kanuena bavuluke anyi?

Luke 8:15

Kadi bantu bakuabu, bidi bibenzekela bu mudi ntete idi imata mu buloba buimpe. Badi bateleja muaku wa Mvidi Mukulu, bawakidila ne muoyi muimpe, baukumbaja. Bu mudibu bananukila nanku, badi bakuama bimuma.

Luke 9:44

— Nuvuluke bimpe tshindi nnuambila mpindiewu ne: nebafile Muana wa muntu mu bianza bia bantu.

Yowanane 8:59

Kuambulabu mabue bua kumuasa. Kadi Yezu kusokoma, kupatuka mu nzubu wa Mvidi Mukulu.

Dielulula 4:23

Nudimuke, kanupu ndondu muoyi, uvua Maweja-Nangila Mvidi Mukulu wenu mutue nenu. Kanusongi mpingu. Kanuenji tshimfuanyi tshia tshintu nansha tshimue tshidiye munukandike.

Dielulula 4:9

Nanku nuenu bena Izrayele, dimukayi. Nudi bamanye bionsu bidi Maweja-Nangila muenze. Kanuena mua kubipua muoyi musangu nansha umue to. Nubivuluke, nubilondele bana benu ne bikulu benu.

Ebrewu 12:5

Nukadi bapue muoyi, miaku idi Mvidi Mukulu unukolesha nuenu bana bende, nayi ku muoyi anyi? “Muananyi kupetudi dinyoka didi Maweja-Nangila ukubela nadi. Kuteketshi mu maboku padiye ukutandisha.

2 Petro 1:15

Ke mundi ngenza mpindiewu muanyi muonsu, bua numone mua kuvuluka kashidi malu aa, nansha meme mumane kufua.

2 Petro 3:1

Bana hetu basuibue, ke mukanda muibidi undi nnufundila ewu. Mu mikanda yonsu ibidi, mvua musue kunutabuluja, bua nupete meji makane ku malongesha andi nnuvuluija.