Ebrewu 11:8 - MUKANDA WA MYIDI MUKULU

⁸ Amu bua ditaba, Abrahame kutumikila Mvidi Mukulu uvua mumubikile. Kuyaye ku ditunga divua Mvidi Mukulu musue kumupesha bu bumpianyi. Kumukaye mu ditunga diabu, kayi mumanye kuvuaye ne bua kuya.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bua ditabusha Abalahama, hakabikidibueye wakatumikila bua kuyeye ku muaba wakadiye wamba kuangata bu buhianyi; wakaluhuka, kai mumanye kuakadiye uya.

Ebrewu 11:8 Marejeleo ya Msalaba

Genese 11:31

Tera kuangata muanende Abrame, Lote muana wa muanende Arane ne Sarayi mukaji wa Abrame. Kumuangalaye nabu mu ditunga dia Ure wa bena Babilone, kuya kuasa mu ditunga dia Kenaane. Kusombabu mu tshimenga tshia Arane.

Genese 12:5

Kuyaye ne mukajende Sarayi, ne Lote muana wa muanabu, kabidi ne bapika bavuaye musumbe mu Arane ne bintu bionsu. Kuyabu mu ditunga dia Kenaane. Bobu bamane kufika mu ditunga dia Kenaane,

Genese 12:7

Maweja-Nangila kumuenekela kabidi Abrame, umuambila ne: “Ditunga edi nendipeshe ndelanganyi yebe.” Abrame kuashila Maweja-Nangila tshilambuilu muaba mene uvua Maweja-Nangila mumumuenekele.

Genese 15:5

Maweja-Nangila kupatuka ne Abrame mu ntenta wende, umuambila ne: — Tangila mulu ne udi mua kubala mitotu idimu. Ke muikale bungi bua ndelanganyi yebe.

Genese 17:8

Ditunga edi dijima dia Kenaane diudi upitshila mpindiewu bu muenyi, nenkupeshadi kashidi. Nedishale bupianyi buebe ne bua ndelanganyi yebe. Meme nengikale Mvidi Mukulu wenu.

Genese 20:13

Mvidi Mukulu mmumane kungumusha mu nzubu mua baledi banyi, meme kuambila mukajanyi Sara ne: “Miaba yonsu itudi tupitshila nebe, ambila bantu ne: Abrahame udi muanetu wa balume, bua kabanshipi bualu buebe.”

Genese 22:18

Bisamba bionsu bia pa buloba nebipetele diakalenga ku ndelanganyi yebe, bualu witabi mikenji yanyi.

Genese 26:3

Pawasomba mu ditunga edi, meme nengikale nebe, nkuela lupemba. Ditunga dijima edi nedishale diebe ne dia ndelanganyi yebe. Ke mundi nkumbaja bionsu bimvua mulaye tatuebe Abrahame.

Yeshaya 41:2

Meme kubikila muntu luseke ludi diba dipatukila, kumutuma mu njila. Muntu awu kutshimuna baluishi bende, kuonsu kuyayaye. Udi utshimuna matunga onsu adi kumpala kuende, udiatakaja bakalenga. Muele wende wa mvita udi ubatangalaja bu lupuishi. Mikete yende idi ibipata nduu, bu bisosa bidi lupepele lutangalaja.

Yeshaya 51:2

Vulukayi Abrahame tatuenu, ne Sara uvua munulele. Abrahame kavua ne muana, pamvua mumubikile. Kadi meme kumuela lupemba, ndelanganyi yende kuvulangana pa buloba.

Yezekiyele 36:24

“Pandi mumane kunumusha munkatshi mua matunga a bantu munuvua, nennusangishe, nnupingaja mu ditunga dienu.

Dibadika 10:30

Obabe kubenga, wamba ne: — Tshiena mua kuya nenu to. Ndi mpingana kuetu kudi baledi banyi.

Matayi 2:21

Nanku Yozefe kujuka, kuangata muana ne mamuende, kupingana nabu mu ditunga dia bena Izrayele.

Rome 1:5

Kudiye ke kudi Mvidi Mukulu mumpeshe dipa dia kuikala mupostolu, bua meme kusaka bantu ba bisamba bionsu, bua bitabe Lumu lua Disanka, batumikile Mvidi Mukulu, bua dina dia Yezu dipete lumu.

Rome 10:16

Kadi kabavua banyishe bonsu Lumu lua Disanka to. Ke padi Yeshaya wamba ne: “Maweja-Nangila, uvua muitabe bituvua bambe nnganyi?”

Rome 6:17

Kadi tutumbishayi Mvidi Mukulu: nuenu bavua kale bapika ba malu mabi, mpindiewu nudi bitabe ne muoyi wenu mujima malu malelela avuabu banulongeshe.

2 Korente 10:5

Tudi tubumbula nabi ditambisha dionsu didi dijikila njila wa kumanya Mvidi Mukulu. Tudi tuela meji onsu mu nkanu, bua itabe Kristu.

Dielulula 9:5

Nanku Maweja-Nangila kena unupa ditunga edi bua buakane buenu to. Neipate bantu aba, bualu mbena buenzayi. Udi musue kabidi kukumbaja bionsu bivuaye mulaye bankambua benu, Abrahame, Izake ne Yakobe.

Ebrewu 11:33

Bua ditaba diabu, kukuatabu matunga, kuenzabu malu makane, kupetabu tshivua Mvidi Mukulu mulaye. Kubuikilabu mukana mua ntambue,

Ebrewu 5:9

Bamane kumufikisha ku bujima buende, ukadi mpokolu wa lupandu lua tshiendelele bua bantu bonsu badi bamutumikila.

Yoshua 24:3

Nanku meme kumusha nkambua wenu Abrahame mu ditunga adi divua dishiya dia Perate. Meme kumuendesha mu ditunga dia Kenaane dijima. Meme kuvudija ndelanganyi yende, kumupa Izake.

1 Petro 1:22

Panuvua bitabe bulelela, nuvua badilengeje, bua numone mua kunanga ne muoyi umue bena ditaba nenu. Nanku nunangangane bikole, kabidi ne muoyi wenu mujima.

1 Petro 3:1

Nuenu kabidi bakaji, nutumikile babayenu. Nanku bamue ba kudibu badi kabayi bitaba muaku wa Mvidi Mukulu, badi mua kufika ku ditaba, pamonabu binudi nuenza. Nansha kanuyi nuamba bualu,

1 Petro 4:17

Tshikondu ntshifike tshidi Mvidi Mukulu utuadija kulumbuluisha bantu. Neadianze kulumbuluisha bantu bende. Kadi padiye ubanga kutulumbuluisha tuetu nanku, ku ndekelu badi babenga kuitaba Lumu lua Disanka neabenzele tshinyi?