Ebrewu 11:6 - MUKANDA WA MYIDI MUKULU

⁶ Kadi muntu kena mua kusankisha Mvidi Mukulu padiye kayi ne ditaba. Bualu muntu udi usemena pabuipi ne Mvidi Mukulu udi ne bua kuitaba ne: Mvidi Mukulu udiku, udi ufuta badi bamukeba.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Ne bikalaku kakui ditabusha, muntu kena mua kumusankisha; bualu bua muntu udi ulua kudi Nzambi budiye nʼabu mbua kuitabusha ne, Yeye udiku, ne udi mufutshi wa badi bamukeba.

Ebrewu 11:6 Marejeleo ya Msalaba

Genese 15:1

Malu onsu mamane kupita, Maweja-Nangila kumuenekela Abrame, umuambila ne: — Abrame, kutshinyi to! Ndi nebe, nenkulame ku njiwu yonsu, kabidi difutu diebe nedikale dinene.

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

Yobe 21:14

Kadi abu bantu bavua bambila Mvidi Mukulu ne: “Katuena nebe ne bualu. Katuena basue kumanya tshiudi musue.

Misambu 106:24

Pashishe kupetulabu ditunga divuabu bajinga, kubengabu kuitaba dilaya dia Mvidi Mukulu.

Misambu 119:10

Wewe ngundi nkeba bua kuitaba ne muoyi wanji mujima, kundekedi bua nsesuke ku meyi ebe.

Misambu 58:11

Padi Mvidi Mukulu usombuela bantu babi aba, bantu bende nebasanke, badiate mu mashi a baluishi babu.

Misambu 73:28

Kuikala nebe pabuipi ndiakalenga dianyi. Maweja-Nangila, ndi ntekemena kuudi, mmanyisha bantu bionsu biudi muenze.

Misambu 78:22

Bualu bantu bende kabavua bamuitabe, kabavua bangata diambuluisha diende ne mushinga.

Misambu 78:32

Nansha mubashipe nanku, bena Izrayele kuenzabu kabidi malu mabi, kabena bitabe malu avua Mvidi Mukulu muenze a kukema nansha.

Nsumuinu 11:18

Difutu didi muntu mubi wangata didi dimudinga. Kadi udi wenza bidi Mvidi Mukulu musue kakupanga difutu diende.

Nsumuinu 8:17

Ndi munange badi bannanga. Badi bankebelamu nebampete.

Yeshaya 55:3

Ntelejayi meme. Luayi kundi. Umvuayi diyi dianyi, nenuikale ne muoyi. Maweja-Nangila udi wamba ne: “Ndi ntua nenu ndondu wa kashidi. Ndi musue kunuenzela bilenga bimvua mulaye Davide.

Yirmeya 2:31

(Bantu badi babala bualu ebu mpindiewu, bateleje bimpe tshidi Maweja-Nangila wamba!) Bena Izrayele, meme Maweja-Nangila ndi nnukuatshisha bowa mudi tshipela nansha mudi ditunga didi ne miidima bikuatshisha bantu bowa anyi? Eyi, bantu banyi bena Izrayele, mmunyi munudi nuamba ne: “Tudi tuenza mutudi basue, katuena tupingana kuudi!”

Dibadika 14:11

Maweja-Nangila kuambila Moshe ne: — Ndi muenzele bantu aba bishima bia bungi bua kubaleja bukole buanyi. Kadi nebambenge too ne ku diba kaayi? Nebabenge kashidi bua kungitaba anyi?

Dibadika 20:12

Maweja-Nangila kuambila Moshe ne Arone ne: — Kanuena bitabe mumvua munuambile. Kanuvua basue bua ndeje bena Izrayele tshijila tshianyi. Nanku kanuakufikisha bena Izrayele mu ditunga dingabapesha to.

Matayi 11:26

Eyowa, Tatu, ke muuvua musue ne: bienzeke nanku.

Matayi 5:12

Sankayi, sangalayi, bualu Mvidi Mukulu neanusankishe bikole mu diulu. Bambi bavua banudianjidile, bavua babakengesha amu mushindu ewu.

Matayi 6:16

— Panudi nujila biakudia, kanushadi babungame bu mudi bena mpala ibidi benza. Badi banyenga mpala, bua bantu bonsu babamone ne: mbajile biakudia. Ndi nnujadikila bulelela ne: mbamane kupeta difutu diabu.

Matayi 6:33

Nuenu bangabanga nuditatshishe bua Bukalenga bua Mvidi Mukulu; nukumbaje tshidi Mvidi Mukulu musue. Nanku Yeye neanusakidile bikuabu bionsu abi.

Matayi 6:5

— Panudi nutendelela, kanuenji bu bena mpala ibidi to. Mbasue kutendelela, bimane mu nzubu ya kutendelela, ne mu masangu a njila, bua bantu bonsu babamone. Ndi nnujadikila bulelela ne: mbamane kupeta difutu diabu.

Marke 16:17

Umvua yi bishima bidibu mua kumanyina bantu badi bitaba mbiebi: nebipate mikishi mibi mu dina dianyi, nebakule miakulu mipiamipia,

Luke 12:31

Kebayi nangananga Bukalenga bua Mvidi Mukulu. Nanku Yeye neanupeshe bikuabu abi.

Luke 6:35

Kadi nangayi bena lukuna benu, benzelayi bimpe. Sombeshayi bantu bintu, kanuyi nutekemena ne: nebatupingajilebi. Nanku nenupete difutu dinene. Nenuikale bana ba Mvidi Mukulu Muena kulu. Bualu Yeye udi wenzela bena kadiwu, ne bantu babi, bimpe.

Yowanane 14:6

Yezu kumuandamuna ne: — Ndi njila, ndi bulelela, ndi muoyi. Muntu nansha umue kena mua kuya kudi Tatu kayi mupitshile kundi.

Yowanane 8:24

Ke pandi munuambile ne: nenufuile mu malu enu mabi. Bualu panuikala kanuyi nuitaba ne: “Meme ndi mundi,” nenufue mu malu enu mabi.

Rome 10:14

Kadi mudibu mua kumubikila kabayi banji kumuitaba mmunyi? Mudibu mua kumuitaba kabayi banji kumvua bamutela mbishi? Mudibu mua kumvua bamutela, muntu kayi umumanyisha, mmunyi?

Ngalate 5:6

Patudi badisange ne Kristu, nansha batuteke panshi, nansha kabayi batuteke, kabiena ne bualu. Tshikole tuitabe, tuleje ditaba dietu mu nsombelu wetu mujima pa kunangangana.

Ebrewu 11:26

Utata muele meji ne: bobu bampetule mutotabu bapetule Kristu, ndi mpeta tshiuma tshidi tshipite biuma bia mu Ejipitu. Bualu mesu ende avua atangila amu difutu divuaye muindile kumpala.

Ebrewu 3:12

Bana hetu, dimukayi! Muntu wa kunudi nansha umue kikadi ne muoyi mubi, wa kuvila ditaba, mufuane kulamuka kudi Mvidi Mukulu wa muoyi.

Ebrewu 4:2

Bualu bavua batumanyisha Lumu lua Disanka bu muvuabu batumanyishe bavua mu tshipeta. Bavua bumvua Lumu elu kabavua baluitabe.

Ebrewu 4:6

Bantu bavua badianjila kumvua Lumu lua Disanka, kabavua babuele muaba wa kuikisha ewu, bualu kabavua bitabe. Nanku bakuabu batshidi ne mushindu wa kubuelamu.

Ebrewu 7:19

Bualu mikenji ya Moshe kayivua ifikisha bualu nansha bumue ku bujima buabu. Kadi ditekemena dipite buimpe difikile kutudi. Diodi ke didi ditusemeja pabuipi ne Mvidi Mukulu.

Ebrewu 7:25

Ke padiye mua kusungidila, mpindiewu ne matuku onsu, bonsu badi bapitshila kudiye bua kusemena pabuipi ne Mvidi Mukulu. Bualu yeye udi ne muoyi kashidi bua kubakuila kudi Mvidi Mukulu.

2 Petro 1:10

Bana hetu, Mvidi Mukulu mmunubikile, mmusungule. Nanku enzayi muenu muonsu bua makanyine dibikila edi. Nuenu benze nanku, kanuakupambuka mu njila mululame.

2 Petro 1:5

Ke munudi mua kuenza muenu muonsu, bua nusakidile ku ditaba dienu nsombelu mulenga, ku nsombelu wenu mulenga dimanya,

2 Petro 3:14

Bana hetu basuibue, panutshidi bindile dituku edi, enzayi muenu muonsu bua nuikale kanuyi katoba, kanuyi ne bubi, ku mesu kua Mvidi Mukulu. Nusombe kabidi nende mu ditalala.

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.

Rute 2:12

Maweja-Nangila akuvudijile disanka pa bionsu biudi muenze. Maweja-Nangila, Mvidi Mukulu wa Izrayele, akuele lupemba, bualu udi muvue kusokoma kudiye.