Ebrewu 10:25 - MUKANDA WA MYIDI MUKULU

²⁵ Katulekedi bisangilu bietu bu bakuabu bakadi ne tshibidilu tshia kubenga kubuelamu. Kadi tukoleshangane ku muoyi, tuenze nanku nangananga lelu unudi numona mudi dituku dia Mfumu disemena pabuipi.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ katui tulekela bietu disangisha dietu bamue, bu mudi tshilele tshia bakuabo, kadi tukoleshangana mitshima, tutamba kuenza nunku bualu bua nudi numona dituku dia Mukelenge disemena ha buihi.

Ebrewu 10:25 Marejeleo ya Msalaba

Matayi 10:15

Ndi nnuambila bulelela ne: dituku dia tshilumbuluilu, Mvidi Mukulu neanyoke bena tshimenga etshi bipite dinyoka dia bena Sodome ne bena Ngomore.

Matayi 18:20

Bualu, muaba udi bantu babidi nansha basatu badisangisha mu dina dianyi, meme ndi munkatshi muabu.

Yowanane 12:48

Muntu udi umbenga, kayi wanyisha miaku yanyi, udi ne mumuluishi: muaku undi mulongeshe neumupishe dituku dia nshikidilu.

Bienzedi 16:16

Dituku dikuabu tuvua tuya muaba uvua bantu batendelela. Tuetu kusambakena ne mukaji mupika, muikale ne mukishi mubi uvua umusaka bua kuambila bantu malu adi ne bua kuenzeka. Uvua upetesha bamfumu bende lupetu lua bungi ku mudimu awu.

Bienzedi 2:1

Dituku dia Pentekostese bena ditaba bonsu bavua basangile muaba umue.

Bienzedi 2:42

Matuku onsu bantu abu bavua basombe kaba kamue: bavua bateleja ne ntema bivua bapostolu babalongesha, badisanga mu buena muntu, badila kaba kamue batendelela bonsu pamue.

Bienzedi 20:7

Disambombu dilolu, tuvua basangile bua Didia dia Mfumu Polu uvua uyukila ne bantu bavua basangile netu. Kutungunukaye ne dilongesha too ne mundankulu mua butuku, bualu uvua ne bua kubashiya patshiabu.

Rome 12:8

Udi ne dipa dia kukolesha bakuabu ku muoyi, abakoleshe. Udi ne dipa dia kupa bakuabu bilenga bidiye nabi, abipeshangane ne kalolu konsu. Udi ulombola, alombole ne muoyi muimpe. Udi wambuluisha bakengi, abambuluishe ne musangelu.

1 Korente 11:20

Panudi nudisangisha, kanutshiena nudia didia dia Mfumu.

1 Korente 14:23

Padi Tshisumbu tshijima tshia bena ditaba mu ditendelela, bonsu bakula miakulu idi bantu kabayi bumvua, bantu ba patupu, nansha badi kabayi bena ditaba, babuela muaba awu, kabena mua kunuamba ne: nudi bapale anyi?

1 Korente 14:3

Kadi muambi udi wambila bantu malu adi Mvidi Mukulu mumuambile, udi uyukila ne bantu, bua kubakolesha mu ditaba, kubatua nyama ku mikolu, ne kubasamba.

1 Korente 3:13

Kadi mushinga wa mudimu wa muntu yonsu neumueneke dituku dia Tshilumbuluilu, bualu dituku adi kapia nekateme. Kapia aka nekatete mudimu wa muntu yonsu, bua kuleja mushinga wawu.

1 Korente 5:4

Ke mudi dikosa dia tshilumbu tshiende nenku: nusangile muaba umue. Meme nengikale nenu ku bukole bua Mueyelu mu dina dia Yezu Mfumu wetu.

Filipe 4:5

Lejayi bantu bonsu muoyi wa kalolu. Mfumu ukadi pa kufika.

1 Tesalonike 4:18

Nusambangane nanku ne miaku eyi.

1 Tesalonike 5:11

Nanku nukoleshangane ku muoyi, nuambuluishangane, anu munukadi nuenza amu.

Ebrewu 10:24

Tuambuluishanganayi bua tumone mua kukoleshangana ku muoyi, tunangangane, tuenze malu mimpe.

Ebrewu 10:37

Bualu Mukanda wa tshijila udi wamba ne: “Indilayi, katupa kipi, kipi menemene, nenku udi ne bua kufika neafike. Kena ujingakana nansha.

Ebrewu 13:22

Bana hetu, ndi nnulomba ne: nuteleje ne lutulu miaku eyi ya kunukolesha nayi ku muoyi, bualu malu andi munufundile mu mukanda ewu kaena matambe bule.

Ebrewu 3:13

Kadi nukoleshangane ku muoyi dituku dionsu. Bidi Mikanda ya tshijila yamba bitshidi bilelela buetu tuetu “lelu.” Nenku muntu wa kunudi, kapapiji muoyi wende, kanyishi bua mibi imudinge.

Yakobe 5:8

Nuenu kabidi nulame lutuulu, nukoleshe muoyi, bualu dituku didi Mfumu ufika dikadi pabuipi.

1 Petro 4:7

Nshikidilu wa bionsu ukadi pabuipi. Nusombe ne meji, batabale, bua numone mua kutendelela.

2 Petro 3:11

Bu mudi bionsu ne bua kubutuka nanku, nudi bumvue munudi ne bua kusomba panu. Nudi ne bua kuikala bantu ba tshijila, badi benza bidi Mvidi Mukulu musue.

2 Petro 3:14

Bana hetu basuibue, panutshidi bindile dituku edi, enzayi muenu muonsu bua nuikale kanuyi katoba, kanuyi ne bubi, ku mesu kua Mvidi Mukulu. Nusombe kabidi nende mu ditalala.

2 Petro 3:9

Bamue bantu badi bela meji ne: Mfumu udi ujingakana bua kukumbaja bivuaye mulaye. Kadi kabiena nanku nansha. Udi ne lutuulu lua bungi bualu buenu. Bualu udi musue bua muntu nansha umue kajiminyi, kadi bua bonsu bapete diba dia kubenga malu mabi.

Yuda 1:19

Bantu abu nebapandulule bantu. Nebalonde bia panu, kabayi bitaba Mueyelu wa Mvidi Mukulu.