Ebrewu 1:1 - MUKANDA WA MYIDI MUKULU

¹ Ku kale, Mvidi Mukulu uvua muambile bankambua hetu malu misangu ne misangu, kabidi mishindu ne mishindu kudi bambi.

Mukanda wa Nzambi Dihungila Dikulukulu ne Dihungila Dihia-dihia 2003

¹ Nzambi, mumane kuambila batatu mei andi kudi baprofete bandi kale mu bituha bia bungi ne mu biambidi bia bungi,

Ebrewu 1:1 Marejeleo ya Msalaba

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

Genese 6:3

Kadi Maweja-Nangila kuamba ne: “Bua buenzayi bua muntu pa buloba, ndi nkepesha bidimu biende, bishale anu lukama ne makumi abidi, bualu muntu udi anu wa mubidi. Tshiena musue bua Mueyelu wa muoyi undi mumupesha ushale kashidi munda muende.”

Luke 1:55

amu muvuaye mulaye bankambua betu, Abrahame ne ndelanganyi yende kashidi.

Luke 1:72

Uvua mulaye bua kuenzela bankambua betu bimpe. Kavua mupue muoyi ndondu wa tshijila uvuaye mutue nabu.

Luke 24:27

Diba adi Yezu kubumvuija bionsu bivuabu bafunde bualu buende mu Mikanda ya tshijila, kutuadija ku mikanda ya Moshe, too ne ku ya bambi bonsu.

Luke 24:44

Pashishe kubambilaye ne: — Miaku imvua munuambile, pantshivua nenu, ivua ne: bionsu bivuabu bafunde mu mikenji ya Moshe, ne mu mikanda ya bambi, ne ya misambu, bidi ne bua kukumbana.

Yowanane 16:13

Padi Mueyelu wa bulelela ufika, neunulombole mu malu malelela onsu. Kawena wamba malu ne bumfumu buawu nkayawu to. Kadi neunuambile bionsu bivuawu mumvue. Neunumanyishe bidi ne bua kuenzeka.

Yowanane 7:22

Moshe uvua munuelele mukenji wa kuteka bana ba balume panshi. Moshe kavua mutuadije kuenza nanku to, kadi bavua batuadija mbankambua benu. Nudi nuanyisha bua bateke muntu panshi, nansha dituku dia Dikisha!

Yowanane 9:29

Tudi bamanye ne: Mvidi Mukulu uvua muakule ne Moshe. Kadi muntu ewu, katuena nansha bamanye kudiye mufume!

Bienzedi 13:32

Tuetu kabidi tudi tunumanyisha Lumu lua Disanka elu ne: bivua Mvidi Mukulu mulaye bankambua betu,

Bienzedi 2:30

Kadi yeye uvua muambi. Uvua mumanye ne: Mvidi Mukulu mmundaye uditshipa ne: nenteke umue wa ku ndelanganyi yebe mu nkuasa webe wa bumfumu.

Bienzedi 28:23

Dituku divuabu bumvuangana ne Polu, bantu bapite bungi kufika muaba uvuaye ulala. Polu kubalongesha ku dinda too ne ku dilolu, kubumvuija bimpe malu a Bukalenga bua Mvidi Mukulu. Uvua utela miaku ya mu Mikenji ya Moshe, ne ya mu mikanda ya Bambi, ukeba amu bua bitabe Yezu.

Bienzedi 3:21

Mpindiewu Yezu udi ne bua kushala mu diulu, too ne ku tshikondu tshidi Mvidi Mukulu ne bua kuakajilula bionsu, bu muvuaye muambe kale kudi bambi bende ba tshijila.

Ebrewu 11:18

nansha muvua Mvidi Mukulu mumulaye, mumuambile ne: “Neupete ndelanganyi imvua mukulaye kudi Izake.”

Ebrewu 11:2

Mvidi Mukulu uvua muanyishe bantu ba kale bualu bavua bitaba.

Ebrewu 12:25

Nanku nudimuke! Kanubengi kuteleja udi wakula nenu. Bantu bavua babenga kuteleja muntu uvua ubabela pa buloba mu dina dia Mvidi Mukulu, batata bapete dinyoka. Nanku tuetu nangananga nebatunyoke patudi tubenga udi utuambila diyi didi difume mulu.

Ebrewu 2:2

Mikenji ivua batumibue ba Mvidi Mukulu bafike nayi kutudi, ivua ne mushinga munene. Muntu yonsu uvua kayi muyilonde, mubenge kuyitumikila, mmupete dinyoka di-vuaye ne bua kupeta.

Ebrewu 2:3

Nanku, patualengulula lupandu bunene nenku, mutuapanduka dinyoka mmunyi? Maweja-Nangila nkayende uvua mudianze kutumanyisha lupandu elu. Pashishe bavua bumvue mudi lupandu elu kutujadikilabu bunene bualu.

Ebrewu 3:5

Kadi Mvidi Mukulu utata muanyishe Moshe mu nzubu wende mujima. Uvua muntu mutume bua kumanyisha bonsu malu avua Mvidi Mukulu musue kuamba.

Ebrewu 4:8

Bualu, bu Yoshuwa mupeteshe bantu muaba wa kuikisha ewu, Mvidi Mukulu kavua mua kutela kunyima kua bidimu dituku dikuabu.

Ebrewu 5:5

Mmomumue kabidi, Kristu kena mudipeshe nkayende lumu lua kuikala mutuangaji munene. Kadi Mvidi Mukulu mmumuambile ne: “Wewe udi muananyi, bituadije lelu meme ndi Tatuebe.”

Ebrewu 9:19

Diambedi, Moshe uvua muambile bantu meyi ne mikandu bionsu, mudiye mubifunde mu mukanda wa mikenji. Pashishe kuangataye mashi a bana ba ngombe, kabidi ne mayi, ditamba dia mutshi wa nsompu pamue ne buanda bukunze, kumiaminaye mashi pa mukanda wa mikenji, kabidi pa mitu ya bantu bonsu.