Dielulula 3:11 - MUKANDA WA MYIDI MUKULU

¹¹ (Ku ndelanganyi ya bena Refayime bonsu, Oge, mukalenga wa Bashane, ke wa ndekelu udi mushale ne muoyi. Lukita luende bavua baluenze mu dibue. Batshidi mua kulumona mu Raba, tshimenga tshinene tshia bena Amone. Ludi ne bule bua metre anayi ne tshitupa, butshiama bua metre abidi.)

Mukanda wa Nzambi Dihungila Dikulukulu ne Dihungila Dihia-dihia 2003

¹¹ (Anu Oga, mukelenge wa Bashana, wakadi mushale wa Bena Lefa; monai, bulalu buandi buakadi bua biamu; budi mu Laba wa Bena Amona: bule buabu buakadi coudées tshitema ne butshiama buabu buakadi coudées mai.)

Dielulula 3:11 Marejeleo ya Msalaba

Genese 14:5

Mu tshidimu tshia dikumi ne tshinayi, Kedorlayomere ne bakalenga bavuaye mudie nabu bulunda, kuluisha bena Refayime mu Ashetarote-Kamayime, bena Zuzime mu Ame, ne bena Emi mu mpata ya Kiriyatayime, kupitabu bakalenga bonsu abu bukole.

Yirmeya 49:2

Ke padi Maweja-Nangila wamba ne: “Dituku diadia bantu badi basomba mu Raba, tshimenga tshinene tshia bena Amone, nebumvue mutoyi wa mvita. Tshimenga etshi netshishale tshipela. Misoku idi natshi mutumba nebayibutule ne kapia. Diba adi, Izrayele neangate tshiakabidi buloba buvua buende.” Ke mudi Maweja-Nangila wamba nanku.

2 Samuele 12:26

Tshikondu atshi, Yowabe mfumu wa bena mvita, kuluisha Raba, tshimenga tshinene tshia bena Amone. Kukuataye tshitupa tshinene tshia tshimenga, muaba uvua mukalenga musombe.

Amosa 2:9

Kadi meme mvua munubutuile bena Amore. Bavua bantu bale, bu mitshi ya sedre, bakole bu mitshi ya nsanga. Ke meme kukosa nsongu yayi, kuyijula ne miji yayi.

Amosa 1:14

Nengoshe tshimenga tshiabu tshia Raba. Kapia nekashidishe nzubu yatshi mimpe. Dituku adi, nebele mbila ya mvita, mikole bu tshiona tshia lupepele lua mvunde.

Yezekiyele 21:20

Muele udi utekesha mu maboku, uzakaja bantu bonsu. Kumpala kua tshiibi tshionsu, ndi muteke muele wa kushipa nawu bantu. Udi ukenka bu ndimi ya kapia, ukeba anu kushipa bantu.

2 Samuele 11:1

Ku ntuadijilu wa tshidimu bakalenga bavua ne tshibidilu tshia kuya mu mvita. Nanku mukalenga Davide, uvua mutume pende Yowabe, mfumu wa bena mvita ba bena Izrayele, ne balombodi babu, bua baye kuluisha bena Amone. Bena Izrayele kunyangakaja ditunga dia bena Amone, kuluisha bena tshimenga tshia Raba. Davide uvua mushale mu Yerushalayime.

1 Samuele 17:4

Muena mvita mukuabu wa bena Peleshete kupatuka mu mulongu bua kufuna bulobu. Uvua wa mu tshimenga tshia Ngate, dina diende Ngoliyate. Uvua bule bu bua metre isatu.

Dielulula 2:20

(Bantu bavua bamba ne: muaba ewu ngua bena Refayime, bualu bobu ke bavua basemu bangabanga. Kadi bena Amone bavua babikila bena Refayime ne: mbena Zamzumi.

Dielulula 2:11

Bantu bakuabu badi babikila bena Emi ne: mbena Refayime, bu mudibu babikila kabidi bena Anake. Kadi bena Mowabe badi bababikila anu ne: mbena Emi.

Didimanyisha 21:17

Kupimaye kabidi tshimana, kupeta metre makumi asambombu ne atanu mulu, bilondeshile tshipimu tshia tshibidilu tshivuaye natshi.

Yoshua 12:4

Mukalenga mukuabu uvua Oge. Udi umue wa ku bantu ba ndekelu ba bena Refayime. Uvua ulombola bantu bavua mu Bashane. Uvua usombela mu Ashetarote nansha mu Edreyi.

Yoshua 13:12

Muvua kabidi ditunga dia Oge, umue wa ku bakalenga ba ndekelu ba bena Refayime, uvua mukalenga mu Ashetarote ne mu Edreyi mu buloba bua Bashane. Moshe kutshimuna bisamba bia mu matunga aa, kubinyenga maloba abi.

Yezekiyele 25:5

Nennyangakaje tshimenga tshienu tshinene tshia Raba, tshishale muaba wa kudishila nyama ya tumelu. Ditunga dijima dia bena Amone nedishale muaba wa kudishila mikoku. Diba adi, nenujadike ne: meme ndi Maweja-Nangila.

Genese 6:15

Buatu abu buikale bule bua metre lukama makumi atanu, butshiama bua metre makumi atanu, butumbuke bua metre dikumi ne atanu.