Bienzedi 7:3 - MUKANDA WA MYIDI MUKULU

³ Kumuambilaye ne: “Umbuka mu ditunga dienu ne mu diku dienu, uye mu ditunga dingakuleja.”

Mukanda wa Nzambi Dihungila Dikulukulu ne Dihungila Dihia-dihia 2003

³ wakamuambila ne, Umuke mu buloba buebe ne munkatshi mua bena kuenu, ulue mu buloba bundualua kukulesha.

Bienzedi 7:3 Marejeleo ya Msalaba

Genese 12:1

Maweja-Nangila kuambila Abrame ne: — Umuke mu ditunga dienu, mu diku dienu ne ku nzubu kua batatuebe. Uye mu ditunga dindi nkuleja.

Genese 15:7

Pashishe Maweja-Nangila kuambila Abrame ne: — Meme Maweja-Nangila ke uvua mukupatule mu Ure wa bena Babilone, bua kukupesha ditunga edi, dishale diebe.

Genese 20:13

Mvidi Mukulu mmumane kungumusha mu nzubu mua baledi banyi, meme kuambila mukajanyi Sara ne: “Miaba yonsu itudi tupitshila nebe, ambila bantu ne: Abrahame udi muanetu wa balume, bua kabanshipi bualu buebe.”

Nehemya 9:8

Wewe kujadika muvuaye mukuitabe ne muoyi umue. Nanku wewe kutua nende ndondu: kumulaya bua kumupesha ditunga dia bena Kenaane, bena Iti, bena Amore, bena Perizi, bena Yebusa ne bena Ngirgashi, bua ndelanganyi yende isombemu. Wewe kukumbaja biuvua muambe, bualu wewe udi wa diyi dimue.

Matayi 10:37

— Muntu udi unanga tatuende nansha mamuende bipite mudiye munnange meme, kena mungakanyine to. Muntu udi unanga muanende wa balume nansha wa bakaji bipite mudiye munnange meme, kena mungakanyine meme to.

Luke 14:33

Nanku ndi nnuambila ne: muntu nansha umue wa kunudi, kena mua kuikala mulongi wanyi, padiye kayi mubenge bionsu bidiye nabi.

Bienzedi 7:4

Abrahame kumbuka mu ditunga dia bena Kesede, kuya kuasa mu Arane. Tatuende mumane kufua, Mvidi Mukulu kumufikisha mu ditunga dinudi basombe mpindiewu edi.

2 Korente 6:17

Ke pavua Maweja-Nangila muambe kabidi ne: “Nudi ne bua kumuka kudi bantu abu, nuye kusomba wenu muaba pa nkayenu. Kanulengi tshintu tshidi ne mikiya. Nanku Meme nennuakidile.

Ebrewu 11:8

Amu bua ditaba, Abrahame kutumikila Mvidi Mukulu uvua mumubikile. Kuyaye ku ditunga divua Mvidi Mukulu musue kumupesha bu bumpianyi. Kumukaye mu ditunga diabu, kayi mumanye kuvuaye ne bua kuya.

Yoshua 24:3

Nanku meme kumusha nkambua wenu Abrahame mu ditunga adi divua dishiya dia Perate. Meme kumuendesha mu ditunga dia Kenaane dijima. Meme kuvudija ndelanganyi yende, kumupa Izake.