Bienzedi 26:1 - MUKANDA WA MYIDI MUKULU

¹ Agripa kuambila Polu ne: — Ndi nganyisha bua udilumbuluile. Ke Polu kuolola tshianza, wamba ne:

Mukanda wa Nzambi Dihungila Dikulukulu ne Dihungila Dihia-dihia 2003

¹ Agipa wakambila Paulo ne, Udi mua kudiambila bualu buebe. Paulo wakolola tshianza, wakabanga kudividila ne,

Bienzedi 26:1 Marejeleo ya Msalaba

Misambu 119:46

Nengambile bakalenga mikenji yebe, tshiyi mfua bundu.

Nsumuinu 1:24

Kadi pandi nnubikila, nudi nubenga kufika kundi. Ndi nnuoluela tshianza bua kunuambuluisha, kadi kanuena basue nansha kuntangila.

Nsumuinu 18:13

Muntu udi wandamuna lukonku kayi muanji kuteleja bimpe, udi uleja bupote buende; neafue bundu kabidi.

Nsumuinu 18:17

Muntu udi ulumbulula kumpala utu umueka bu mubinga. Kadi padi muena tshilumbu nende ufika, udi umupisha.

Yezekiyele 16:27

Ke meme kukuleja panyi bukole buanyi, kukupala biakudia, kukufila mu bianza bia baluishi bebe, bua baye nebe mu bimenga bia bena Peleshete, batua bumvua bundu bua malu mabi auvua muenze.

Yowanane 7:51

— Bilondeshile mikenji yetu, katuena mua kupisha muntu katuyi banji kumvua bidiye wamba, katuyi bamanye bivuaye muenze.

Bienzedi 22:1

— Batatu ne bana betu, ntelejayi. Bualu ndi musue kudilumbuluila mpindiewu kumpala kuenu.

Bienzedi 25:16

Mvua mubandamune ne: bena Rome kabena ne tshibidilu tshia kubindila muntu tshibawu, kayi muanji kutuilangana ne badi bamufunde, kayi mupete pa kudilumbuluila.

Bienzedi 25:27

Bualu ndi mumone ne: mbibi kutuma muena lukanu kua Kezare, tshiyi muleje malu adibu bamusonguela nawu.

Bienzedi 26:2

— Mukalenga Agripa, ndi ne disanka dia kudilumbuluila lelu kumpala kuebe, pa bionsu bidi bena Yuda bansonguela.

Bienzedi 9:15

Ke Mfumu kumuandamuna ne: — Uye. Bualu muntu awu ke tshiamu tshia mudimu tshindi musungule, bua kumanyishaye bisamba bikuabu, bakalenga ba matunga, ne bena Izrayele, dina dianyi.

Rome 10:21

Kadi bua bena Izrayele, muaba mukuabu mbafunde ne: “Dituku dijima mvua muolole bianza kudi bantu bavua bambenga, bantombokela.”