Bienzedi 1:2 - MUKANDA WA MYIDI MUKULU

² too ne ku dituku divuabu bamuambule mu diulu. Bangabanga ne kubandamu, uvua mumanyishe bapostolu, bavuaye musungule ku bukole bua Mueyelu wa Tshijila, bivuabu ne bua kuenza.

Mukanda wa Nzambi Dihungila Dikulukulu ne Dihungila Dihia-dihia 2003

² tô ne ku dituku diakangatshibueye mu diulu, hakamaneye kuambika bapostolo bakasunguleye mikenshi yandi kudi Nyuma Muimpe.

Bienzedi 1:2 Marejeleo ya Msalaba

Yeshaya 42:1

Maweja-Nangila udi wamba ne: Tangila muntu wanyi. Ndi mumukoleshe. Ndi mumunange, mumusungule. Ndi mumuwuje ne Mueyelu wanyi, bua kumanyishaye bukua bisamba bilenga bindi mulongoluele bantu.

Yeshaya 48:16

Semenayi pabuipi nanyi, bua nuteleje bualu ebu: mvua ngamba malu onsu patoke, bituadijile ku tshibangidilu. Kabidi katshia malu aa abanga, udi wakumbaja ke meme. (Kadi mpindiewu, Maweja-Nangila Mvidi Mukulu ke udi untuma, umpesha Mueyelu wende).

Yeshaya 61:1

Maweja-Nangila Mvidi Mukulu, mmunguwuje ne Mueyelu wende, bualu mmundabe manyi a tshijila, mmutume bua kumanyisha bapele lumu lua disanka, bua kukolesha ku muoyi badi benda batekete mu maboku, bua kuambila bavuabu baye nabu mu matunga a bende ne: nudi mua kuya kuonsu kunudi basue, ne bua kuambila bena lukanu ne: mbamane kunupatula mu lukanu.

Matayi 12:28

Bulelela, ndi ngipata mikishi mibi ku bukole bua Mueyelu wa Mvidi Mukulu. Ke bidi bileja ne: Bukalenga bua Mvidi Mukulu bukadi bufike kunudi.

Matayi 3:16

Yowanane mumane kutua Yezu mu mayi, Yezu kupatukamu diakamue. Diulu kubululuka. Yezu kumona Mueyelu wa Mvidi Mukulu upueka bu nyunyu wa nkudimba, umuikila.

Marke 6:30

Bapostolu kupingana kuvua Yezu, kumulondela bionsu bivuabu benze kabidi balongeshe.

Luke 24:51

Patshivuaye ubela lupemba, kumukaye pavuabu bimane, kumuambulabu mu diulu.

Luke 9:51

Matuku avuabu ne bua kuya ne Yezu mu diulu akavua pabuipi. Ke Yezu kushindika bua kuya ku Yerushalayime.

Yowanane 1:16

Muntu yonsu wa kutudi mmupete tshiende tshitupa tshia bubanji bua dinanga diende. Uvua mudiele lupemba misangu ne misangu.

Yowanane 13:1

Dituku dimue kumpala kua tshibilu tshia Dipita dia Maweja-Nangila, Yezu mumanye muvua diba dimane kufika dia kumuka panu bua kupingana kua Tatu, bu muvuaye munange bantu bende ba pa buloba matuku onsu, kubanangaye too ne ku ndekelu.

Yowanane 13:18

Tshiena ngamba buenu bonsu to. Ndi mumanye bandi musungule. Kadi mbimpe ikumbane miaku ivuabu bafunde mu Mukanda wa tshijila ne: “Muntu utuvua tudia nende diampa, ukadi unduisha.”

Yowanane 13:3

Yezu uvua mumanye muvuaye mutumine kudi Mvidi Mukulu, kabidi muvuaye ne bua kupingana kudi Mvidi Mukulu. Uvua mumanye kabidi nunua Mvidi Mukulu muteke bionsu ku bumfumu buende.

Yowanane 16:28

Ndi mufume kudi Tatu, mufike pa buloba. Mpindiewu ndi ngumuka pa buloba, mpingana kudi Tatu.

Yowanane 17:13

Kadi mpindiewu ndi mfika kuudi. Ndi ngakula nanku pantshidi pa buloba bua bikale ne disanka dianyi, disanka dijima munda muabu.

Yowanane 20:17

Yezu kumuamba ne: — Kundami to, bualu tshiena muanji kubanda kudi Tatu. Kadi uye kudi bana betu, ubambile ne: Ndi mbanda kudi Tatu wanyi, udi Tatu wenu kabidi, kudi Mvidi Mukulu wanyi, udi Mvidi Mukulu wenu kabidi.

Yowanane 20:21

Yezu kubela muoyi tshiakabidi ne: — Bupole buikale nenu. Mudi Tatu muntume, meme kabidi ndi nnutuma.

Yowanane 3:34

Uvua Mvidi Mukulu mutume udi wamba miaku ya Mvidi Mukulu. Bualu Mvidi Mukulu udi mumupeshe Mueyelu wende wa Tshijila kayi upima.

Yowanane 6:62

Kadi nenuenze tshinyi panuamona Muana wa muntu upingana kuvuaye bangabanga?

Yowanane 6:70

Yezu kubandamuna ne: — Tshivua munusungule bonsu buenu dikumi ne babidi anyi? Kadi umue wenu ndiabolu!

Bienzedi 1:11

kubakonka ne: — Bena Ngalileya, munudi bimane apa batangile mulu nanku mbishi? Yezu ewu, udibu bumushe kunudi, bambule mu diulu, neapingane kabidi, mushindu unudi bamumone ubandamu.

Bienzedi 1:13

Bamane kufika ku Yerushalayime, kubandabu mu tshibambalu tshia nzubu tshia kulu, muaba muabu basomba misangu mivule. Bobu abu ke Petro, Yowanane, Yakobe ne Andre, Filipe ne Tomase, Bartolmayi ne Matayi, Yakobe muana wa Alfayi, Simone muluidi wa ditunga, ne Yuda muana wa Yakobe.

Bienzedi 1:9

Yezu mumane kuamba nanku, kubandaye mu diulu, bobu batangile. Ke divuba kujika Yezu, kabayi bamumone kabidi to.

Bienzedi 10:38

Nudi bamanye Yezu wa muNazarete, uvua Mvidi Mukulu musungule. Uvua mumuwuje ne Mueyelu wende wa Tshijila, kabidi ne bukole buende. Nanku Yezu kuendakana mu ditunga dijima, wenza bilenga, ujikija masama a bantu bonsu, bavuabu bakuate kudi mukishi mubi. Bualu Mvidi Mukulu uvua nende.

Ngalate 1:1

Meme Polu, udi unufundila mukanda ewu, ndi mupete mudimu wa bupostolu ki nkudi bantu, nansha ku diambuluisha dia muntu, kadi kudi Yezu Kristu, ne kudi Mvidi Mukulu Tatu, udi umubisha ku lufu.

Efeze 2:20

Nuenu kabidi nudi bidibu bibaka nabi nzubu. Tshitaku tshia nzubu awu, ke bapostolu ne bambi. Dibue dia mu ditumba ke Kristu mene.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

Ebrewu 9:24

Bualu Kristu kena mubuele muaba wa tshijila muasa kudi bantu, uvua amu tshimfuanyi tshia muaba mulelela. Kadi mmubuele mu diulu menemene, mudiye udileja kumpala kua Mvidi Mukulu bualu buetu.

1 Petro 3:22

mubande mu diulu, musombe ku diboku dia bukole dia Mvidi Mukulu Tatu. Ke muaba udi batumibue, mamfumu makuabu, ne makole a mu diulu bitabe bumfumu buende.

2 Petro 3:2

Ndi musue bua nuvuluke miaku ivua bambi ba tshijila banulongeshe kale, kabidi ne mikenji ya kudi Mfumu ne Musungidi, ivua bapostolu benu banumanyishe.

Didimanyisha 1:1

Mu mukanda ewu mbafunde muvua Yezu Kristu mudimanyishe. Mvidi Mukulu mmuanyishe bua adileje nanku kudi bantu bende, bua bamanye bidi ne bua kuenzeka amu mpindiewu. Kristu kutuma mutumibue wende, bua abimanyishe Yowanane, muena mudimu wa Kristu.

Didimanyisha 2:11

“Bidi Mueyelu wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, kabakumona lufu luibidi.”

Didimanyisha 2:17

“Bidi Mueyelu wa Tshijila wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nembapeshe mana masokome. Nempeshe kabidi yonsu wa kudibu lusoka lutoke lufunda dina dipiadipia, didi muntu kayi mumanye, amu udi udipeta.”

Didimanyisha 2:29

“Bidi Mueyelu wa Tshijila wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue!”

Didimanyisha 2:7

“Bidi Mueyelu wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nenganyishe bua badie tshimuma tshia mutshi wa muoyi, udi mu lupangu lua Mvidi Mukulu.”

Didimanyisha 21:14

Bavua bashikike tshimana tshia tshimenga pa mabue dikumi ne abidi. Bavua bafunde pa mabue apu mena a bapostolu dikumi ne babidi ba Muana wa mukoku.

Didimanyisha 3:13

“Bidi Mueyelu wa Tshijila wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue!”

Didimanyisha 3:16

Kadi bu muudi pankatshikatshi, kuyi ku luya kuyi ku mashika, nenkuluke mukana, nkutuile panshi!

Didimanyisha 3:22

“Bidi Mueyelu wa Tshijila wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue!”