Abakuke 2:7 - MUKANDA WA MYIDI MUKULU

⁷ Bena mabanza nebanujikidile, kanuyi bamanye. Banuvua banyenge bintu, nebanunyenge bienu. Nenupampakane, nuzakala ne bowa.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bakunangi kabena babika lukasa, anyi? Bakuzakashi kabena batabala, anyi? Newikale kudibo bu tshintu tshihaula.

Abakuke 2:7 Marejeleo ya Msalaba

Nsumuinu 29:1

Muntu udi uteka mutu mukole padibu bamubela, dimue neabutuke kakuyi tshidi tshikandika.

Muambi 10:8

Muntu udi mumbule dijimba udi mua kuponamu, udi ubumbula tshimana badi mua kumusuma kudi nyoka.

Yeshaya 11:13

Nenku bena Efrayime nebalekele mukawu, udibu batekela bena Yuda. Bena Yuda kabakuluisha kabidi bena Efrayime nansha.

Yeshaya 41:25

Ndi mujule muntu, ufumina luseke ludi diba dipatukila. Muntu awu udi ufika luseke lua ku mutu kua ditunga. Badi batela dina diende, luseke ludi diba dipatukila. Udi udiatakaja balombodi ba maloba, mudibu badiata bitotshi, mudi mufumbi wa ngesu, udiata diima, udibeta.

Yeshaya 46:11

Ndi mbikila nyunyi mudianganyi, ku luseke ludi diba dipatukila. Ke muntu wakumbaja bionsu bindi mujadike. Ndi mmubikila ku ditunga dia kule. Mundi ngamba amu, ke muenzekabi! Mumvua mujadike, ke muvuabi bikumbana.

Yeshaya 47:11

Nenku, makenga neakukuate, audi kuyi mua kuepuka. Kabutu nekapone pambidi pebe, kaudi kuyi mua kunyema. Mvula wa tshipupu neakutokele diakamue, uudi kuyi muelele meji.

Yirmeya 51:11

Maweja-Nangila udi musue kubutula ditunga dia Babilone. Udi ukolesha bakalenga ba bena Madayi ku muoyi, bua bakumbaje tshidiye musue. Udi udisombuela, bua nzubu wende wa tshijila uvuabu banyange. Nonayi mikete yenu, nuyele tente mu nsapu.

Yirmeya 51:57

“Nennuishe balombodi ba mu bukalenga buende, bena meji, bilobu, ne bamfumu bende, maluvu. Nebakuatshike. Nebalale bua kashidi, kabayi mua kujuka kabidi nansha.” Ke mudi mukalenga munene muambe! Dina diende mMaweja-Nangila wa bukole buonsu.

Yirmeya 8:17

Maweja-Nangila udi wamba ne: Ndi musue kunutumina nyoka ya lulengu. Kakuena mushindu wa nuenu kuibidilangana nayi, kuyitekesha. Neyinusume.

1 Tesalonike 5:3

Diba diamba bantu ne: “Tudi talalaa. Bionsu bidi mu bupole,” diakamue kabutu nekabakuate, mudi makenga akuata mukaji pa lulelu. Kabakupanduka to.