2 Bakalenga 24:18 - MUKANDA WA MYIDI MUKULU

¹⁸ Sedekiya kudia bukalenga, muikale ne bidimu makumi abidi ne tshimue. Kushalaye mu bukalenga bidimu dikumi ne tshimue mu Yerushalayime. Mamuende wa Sedekiya uvua Amutale, muana wa Irmeya, wa mu tshimenga tshia Libna.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Sedekiya wakadi ne bidimu makumi abidi ne tshimue hakabangeye kukokesha; wakakokesha mu Yelushalema bidimu dikumi ne tshimue; dina dia mamu wandi diakadi Hamutala, muana mukashi wa Yelemiya wa mu Libena.

2 Bakalenga 24:18 Marejeleo ya Msalaba

2 Bakalenga 23:31

Yowakaze kudia bukalenga mu bena Yuda, muikale ne bidimu makumi abidi ne bisatu. Kushalaye mu bukalenga ngondu amu isatu mu Yerushalayime. Mamuende wa Yowakaze uvua Amutale, muana wa Irmeya, wa mu tshimenga tshia Libna.

Yirmeya 37:1

Nebukadnesare, mukalenga wa mu Babilone, uvua muteke Sedekiya, muana wa Yoshiya, bua kuikalaye mukalenga mu ditunga dia Yuda. Nanku Sedekiya ke uvua mupingane Koniya, muana wa Yoyakime.

2 Kulondolola 36:11

Sedekiya kubuela mu bukalenga muikale ne bidimu makumi abidi ne tshimue. Kushalaye mu bukalenga bidimu dikumi ne tshimue mu Yerushalayime.

Yirmeya 21:1

Mukalenga Sedekiya uvua mutume Pashekure, muana wa Malkiya, ne mutuangaji Sefanya, muana wa Masheya, bua kukonka Yirmeya ne:

Yirmeya 27:1

Sedekiya, muana wa Yoshiya, kudiaye bumfumu mu bukalenga bua bena Yuda. Matuku makese mamane kupita, Maweja-Nangila kumanyisha Yirmeya ne:

Yirmeya 28:1

Tshidimu atshi, mu ngondu muitanu wa tshidimu tshinayi tshivua Sedekiya mu bukalenga bua bena Yuda, muambi Ananiya, muana wa Azure, wa mu tshimenga tshia Ngibone, uvua mu nzubu wa Mvidi Mukulu. Kuambilaye Yirmeya, batuangaji, ne bantu bakuabu bonsu bavua muaba awu, bamuteleja, ne:

Yirmeya 49:34

Maweja-Nangila uvua muambile muambi Yirmeya mukenji udi utangila bena Elame. Mukenji ewu uvua mumuambilewu ku ntuadijilu kua bukalenga bua Sedekiya, mukalenga wa bena Yuda.