1 Yone 1:5 - MUKANDA WA MYIDI MUKULU

⁵ Yezu Kristu uvua mutumanyishe lumu lutudi Umuambila elu ne: Mvidi Mukulu udi butoke. Munda muende kamuena miidima to.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Edi ndî dituakunvua kudiye ne ditudi tunuambila ne, Nzambi udi munya ne munda muandi kamuena mîdima nasha kakese.

1 Yone 1:5 Marejeleo ya Msalaba

Misambu 139:12

Miidima yandamuke butoke ku mesu ebe, butuku nebukenke bu munya; miidima nansha butoke bidi bia momumue ku mesu ebe.

Misambu 27:1

Musambu wa mu mukanda wa misambu ya Davide. Maweja-Nangila udi bukole buanyi, kabidi mumpandishi wanyi, tshiena mua kuzakela muntu to. Maweja-Nangila udi undama, tshiena ntshina muntu.

Misambu 36:9

Udi utudisha ne bilenga bia mu nzubu muebe, tuukuta, utunuisha ku misulu ya dinanga diebe.

Misambu 84:11

Bualu kusomba dituku dimue mu lubanza lua nzubu webe wa kutendelela, nkupite kusomba matuku tshinunu munga muaba. Mvidi Mukulu wanyi, kuimana kumbelu kua nzubu webe, nkupite kusomba mu ntenta ya bantu babi.

Yeshaya 2:5

Nuenu, ndelanganyi ya Yakobe, vuayi, tuende bonsu pamue, mu butoke bua Maweja-Nangila.

Yeshaya 60:19

Bua wewe kuikala ne butoke, kuakukengela kabidi diba mu munya, nansha ngondu butuku. Bualu meme Maweja-Nangila Mvidi Mukulu webe, nentekeshe muebe matuku onsu, nenkukenkeshe ne butoke buanyi buonsu.

Danyele 2:22

Yeye udi utanduila bantu malu makole adi masokome. Udi mumanye malu adibu basokoke mu midima, bualu muaba udiye udi butoke.

Yowanane 1:19

Telejayi muvua Yowanane muandamune bamfumu ba bena Yuda ba mu Yerushalayime pavuabu batume batuangaji ne bena Levi kudiye bua kumukonka ne: — Wewe udi nganyi?

Yowanane 1:4

Munda mua Muaku muvua muoyi. Muoyi awu uvua mupeteshe bantu butoke.

Yowanane 1:9

Butoke ebu ke butoke bulelela budi bufika pa buloba bua kutokesha bantu bonsu.

Yowanane 8:12

Yezu kulongesha kabidi bantu, ubambila ne: — Meme ndi butoke bua badi pa buloba. Muntu udi undonda katshia kena wenda mu miidima, kadi neikale ne butoke bua muoyi.

Yowanane 9:5

Pantshidi pa buloba, ndi butoke bua pa buloba.

1 Korente 11:23

Telejayi bimvua mupete kudi Mfumu, kabidi bimvua munulongeshe. Mfumu Yezu, butuku buvuabu ne bua kumukuata, uvua muangate diampa.

1 Timote 6:16

Yeye nkayende kena ufua. Udi musombe mu butoke budi muntu kayi mua kusemena pabuipi. Muntu nansha umue ki mmuanji kumumona, kena kabidi mua kumumona. Lumu ne bukole bidi kudiye kashidi. Amene.

Yakobe 1:17

Mapa malenga onsu ne bintu bimpe bionsu bidi bituluka mu diulu, mbifuma kudi Mvidi Mukulu, Mufuki wa miendu ya mulu. Mvidi Mukulu kena ushintuluka; munda muende kamuena miidima; butoke buende kabuena bukepa.

1 Yone 3:11

Lumu lunuvua bumvue biangatshile ku ntuadijilu luvua nenku: tunangangane.

Didimanyisha 21:23

Tshimenga katshiena tshikengela butoke bua diba, nansha bua ngondu, bualu butumbi bua Mvidi Mukulu budi butshitokesha; kabidi Muana wa mukoku ke muendu watshi.

Didimanyisha 22:5

Butuku kabuakuikala kabidi to. Kabakukengela munya, nansha muendu. Bualu Maweja-Nangila Mvidi Mukulu neabakenkeshile butoke buende. Nebadie bumfumu kashidi.