1 Timote 4:3 - MUKANDA WA MYIDI MUKULU

³ Bantu abu badi balongesha ne: kusela nkubi; biakudia bikuabu kanuena mua kubidia. Kadi Mvidi Mukulu mmufuke biakudia abi, bua bena ditaba, badi bamanye bulelela, babidie, bamane kutendelela bua kumuela tusakidila.

Mukanda wa Nzambi Dihungila Dikulukulu ne Dihungila Dihia-dihia 2003

³ Bobo badi bakanda bantu dibaka, badi babelela mukenshi ne, Jilai bia kudia bikuabo, biakafuka Nzambi bua bantu badi ne ditabusha ne badi bamanye bualu bulelela badie ne kusakidila.

1 Timote 4:3 Marejeleo ya Msalaba

Genese 9:3

Nanku, bu mumvua munupe bisekiseki bua nuenu kudia, ke mundi munupe kabidi nyama yonsu ikale biakudia bienu.

Muambi 5:18

Misangu mikuabu Mvidi Mukulu udi upesha muntu biuma, umupesha kabidi ne diba dia mua kusanka nabi. Nanku muntu ewu ela amu Mvidi Mukulu tuasakidila bua padiye usanka ne bidiye mupete ku mudimu wende. Bualu bionsu abi ndipa dia kudi Mvidi Mukulu.

Danyele 11:37

Mukalenga kakunemeka mvidie ivua bankambua bende batendelela, nansha mvidie udi bakaji banange bikole. Nanku nuditangile bu udi ku mutu kua mvidie yonsu. Kukunemeka mvidie nansha umue.

Matayi 14:19

Pashishe kutumaye diyi, bua bantu basombe panshi mu bisosa. Ke kuangataye mampa atanu, ne minyinyi ibidi ya mu mayi. Kutangilaye mulu, wela Mvidi Mukulu tuasakidila. Kukosaye mampa, kuapeshaye balongi, bua baabanyine bantu.

Matayi 15:11

Tshidi tshibuela mukana mua muntu ki ntshidi tshimupisha mikiya to. Kadi amu tshidi tshipatukamu, ke tshidi tshimupisha mikiya.

Matayi 15:36

Pashishe kuangataye mampa muanda mutekete awu, kabidi ne tushipa. Kuelaye Mvidi Mukulu tuasakidila, kukosololaye mampa ne tushipa, kupesha balongi bende. Bobu kuabanyina bantu.

Luke 24:30

Kusombaye nabu ku mesa, kuangata diampa, wela Mvidi Mukulu tuasakidila. Pashishe kudikosololaye, kubabanyinadi.

Yowanane 6:23

Kadi matu makuabu afumina ku tshimenga tshia Tiberiyade, avua mafike pepi ne muaba uvuabu badile mampa, pavua Mfumu mumane kuela Mvidi Mukulu tuasakidila.

Bienzedi 27:35

Polu mumane kuamba nanku, kuangataye diampa, kuela Mvidi Mukulu tuasakidila, bonsu bateleja. Pashishe kudikosaye, kudia.

Rome 14:17

Bualu Bukalenga bua Mvidi Mukulu kabuena ku biakudia nansha ku biakunua. Kadi budi ku malu mimpe, ku bupole, ne ku disanka didi Mueyelu wa Tshijila utupesha.

Rome 14:3

Muntu udi udia bintu bionsu, kena ne bua kupetula udi kayi udia bintu bikuabu. Nanku udi kayi udia bintu bikuabu, kena ne bua kulumbuluisha udi udia bionsu, bualu Mvidi Mukulu uvua mumuanyishe.

Rome 14:6

Udi mumone ne: dituku kampanda ndinene dipite dikuabu, udi wenza nanku bua kunemeka Mfumu. Udi udia bionsu, udi ubidia bua kunemeka Mfumu, bualu udi wela Mvidi Mukulu tuasakidila padiye udia. Udi kayi udia bionsu, udi wenza nanku bua kunemeka Mfumu. Yeye kabidi udi wela Mvidi Mukulu tuasakidila.

1 Korente 6:13

Nudi nuamba kabidi ne: “Biakudia bidiku bua tshibi. Tshiotshi tshidiku bua biakudia.” Eyowa, kadi Mvidi Mukulu neabutule bionsu bibidi. Nanku mubidi kawena muenzela malu a bundu. Udi muenzela Mfumu. Yeye udi Mfumu wa mubidi wetu kabidi.

1 Korente 7:28

Kadi paudi usela, kuena wenza bualu bubi. Padi nsongakaji uya ku dibaka, kena wenza bualu bubi. Kadi ndi musue kunuepula ku ntatu ya matuku onsu idi bantu badi mu dibaka nayi.

1 Korente 8:8

Kadi tshidi tshitusemeja pabuipi ne Mvidi Mukulu ki ntshiakudia nansha. Tuetu katuyi badie minyinyi ayi, katuena dijimija tshintu. Tuetu bayidie, katuena tupeta tshintu.

Kolose 2:16

Kanuteleji badi banujana, bua binudi nudia nansha nunua, nansha bua bibilu, bua ngondu mupiamupia, nansha bua dituku dia Dikisha.

Kolose 3:17

Bionsu binudi nuenza, nansha binudi nuamba, nubikumbaje mu dina dia Yezu Kristu. Nuele amu kuela Mvidi Mukulu tuasakidila kudiye.

1 Timote 2:4

udi musue bua bantu bonsu bapande, bamanye bulelela.

1 Timote 4:4

Bionsu bidi Mvidi Mukulu mufuke, bidi bimpe. Kakuena tshintu tshibi nansha tshimue. Nanku udi mua kudia bionsu, wela Mvidi Mukulu tuasakidila.

1 Timote 5:14

Ke pandi musue bua bansongakaji badi bafuishe balume, baye ku mabaka, balele bana, bakuate midimu ya mu nzubu, bua baluishi hetu kabamonyi pa kutujanyina.

Ebrewu 13:4

Banemeke dibaka kudi bantu bonsu. Bena dibaka balamatangane. Mvidi Mukulu nealumbuluishe benji ba malu a bundu ne bena buendenda.

Ebrewu 13:9

Kanumbuki mu njila mulelela, bua kuitaba malongesha mashilangane adi kaayi etu. Bidi bimpe bua dinanga didi Mvidi Mukulu utunanga nadi dikoleshe muoyi wetu, mikenji idi itangila biakudia kayena mua kuenza nanku. Badi bitabe mikenji ya mushindu ewu, katshia kabena mua kupeta kantu nansha kakese.

1 Samuele 9:13

Nanku nenumupete anu panudi nubuela mu tshimenga, kayi muanji kubanda muaba wa tshijila bua kudia biakudia bia mulambu. Muntu nansha umue kena mua kudianza kudi a, mumonyi wa malu kayi muanji kufika. Yeye ke udi ne bua kuela milambu lupemba. Pashishe bantu bavuabu babikila nebadie. Buelayi mu tshimenga lukasa, nenumusangane anu mpindiewu.