1 Timote 4:12 - MUKANDA WA MYIDI MUKULU

¹² Muntu kakupetudi bua paudi nsongalume. Uleje bena ditaba malu mimpe a dinanga, a ditaba, ne a bunonoke, mu bionsu biudi wamba, ne bionsu biudi wenza.

Mukanda wa Nzambi Dihungila Dikulukulu ne Dihungila Dihia-dihia 2003

¹² Muntu kakulenguludi bua bunsongalume buebe; kadi wikale tshileshilu kudi bena ditabusha mu mei ne mu tshikadilu tshiebe ne mu dinanga ne mu ditabusha ne mu butoke bua mutshima.

1 Timote 4:12 Marejeleo ya Msalaba

Zekâya 2:4

Meme kumukonka ne: — Bantu aba mbalue kuenza tshinyi? Kungandamunaye ne: — Mbafike bua kutshibula nsengu ayi; bua kukuatshisha bowa ne kubutula bisamba bia bukole bivua biluisha ditunga dia Yuda, bitangalaja benadi, muntu nansha umue kayi mua kubafuila nkanana.

Matayi 18:10

— Kanupepeji nansha umue wa ku badi bu bana. Ndi nnujadikila ne; batumibue ba Mvidi Mukulu, badi balama bana aba, badi mu diulu, bamonangana diba dionsu ne Tatu wanyi udi mu diulu. [

1 Korente 11:1

Ngidikijayi, mundi ngidikija Kristu.

Filipe 4:8

Nanku bana hetu, nutambe kutabalela bionsu bidi bimpe, kabidi bidi bantu mua kupa lumu: ke bionsu bidi bia bulelela, bidi bantu mua kunemeka, bidi biakane, bidi kabiyi ne kalema, bidi bisankisha bantu, bidi bantu mua kutumbisha.

1 Tesalonike 1:6

Nuvua bidikije tshituvua benze, ne tshivua Mfumu wenza. Nansha banukengeshe bikole, nuvua bitabe muaku wa Mvidi Mukulu, ne disanka didi Mueyelu wa Tshijila ufila.

1 Tesalonike 2:10

Nuenu nudi mua kujadika bitudi tuamba. Mvidi Mukulu kabidi udi mua kubijadika: nsombelu wetu nenu, bena ditaba, uvua muakane, mululame, kayi kalema.

1 Timote 1:14

Nanku Mfumu wetu kunnanga ne dinanga dipite bunene. Kumpeshaye ditaba ne dinanga, bitudi tupeta patudi tudisanga ne Yezu Kristu.

2 Timote 2:15

Ukuate mudimu bimpe, bua bakuanyishe kudi Mvidi Mukulu, bu muena mudimu udi kayi ne bua kufua bundu bua mudimu wende, bualu udi umanyisha muaku wa Mvidi Mukulu mu bulelela.

2 Timote 2:22

Epuka ku majinga mabi a mu bunsonga. Keba kuenza malu mimpe. Ikala ne ditaba, dinanga, ditalala. Udisange ne bonsu badi ne muoyi muimpe, batendelela Mfumu.

2 Timote 2:7

Umvua bindi ngamba ebi. Mfumu neakuambuluishe bua ubijingulule bionsu.

Tite 2:15

Ebi ke biudi ne bua kulongesha. Ke muudi ne bua kukolesha bantu ku muoyi, kubabela. Enza nanku ne bumfumu buonsu buudi nabu. Muntu nansha umue kakupepeji.

Tite 2:7

Wewe mene wikale tshilejilu mu midimu mimpe yonsu. Wikale muambi wa nsongu, udi mushindike tshidiye ulongesha.

Yakobe 3:13

Munkatshi muenu mudi muntu wa meji ne wa lungenyi anyi? Abileje ku malu mimpe adiye wenza, ku butalale bua malu, ne ku meji adiye ufila.

Yakobe 3:17

Kadi meji a kulu kaena kalema. Adi akeba bupole, akidila bantu bimpe, aleja musangelu, afuila bantu luse, enza malu mimpe mavule. Kaena adiwula muntu, kaena ne mioyi ibidi.

1 Petro 5:3

Kanukengeshi ne bumfumu bunudi nabu bantu badibu banupeshe bua nubalame. Kadi nubaleje tshilejilu tshimpe.