1 Timote 3:10 - MUKANDA WA MYIDI MUKULU

¹⁰ Banji kubateta bangabanga. Padibu kabayi mua kubadiwula, badi mua kukuata mudimu wa bambuluishi ba balombodi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Badianjile kubateta bobo aba kabidi, hashishe benze mudimu wa balami, bikalabo kabai mua kubandibua.

1 Timote 3:10 Marejeleo ya Msalaba

1 Korente 1:8

Yeye neanuambuluishe, bua nushale bashindame ne ku ndekelu, bua muntu kamonyi mua kunuasa tshilumbu nansha tshimue, dituku diafika Mfumu wetu Yezu Kristu.

Kolose 1:22

Kadi mpindiewu Mvidi Mukulu mmutue nenu ndondu, ku lufu luvua Muanende mufue bu bantu bonsu. Ke muvuaye munuenze kumpala kuende bantu ba tshijila, bakane, kabayi kalema.

1 Timote 3:13

Padi bambuluishi aba benza mudimu wabu bimpe, bena Tshisumbu nebabangate ne mushinga. Nanku nebalongeshe ne muoyi mushindame malu a ditaba, didi ditusanga ne Yezu Kristu.

1 Timote 3:2

Kadi mulombodi wa Tshisumbu tshia bena ditaba kikadi ne bualu budibu mua kumudiwula nabu. Ikale muena mukaji umue. Ikale muntu udi udilama, muena meji, muntu udi mumanye mua kusomba ne bantu, kuakidila benyi, kulongesha bimpe.

1 Timote 3:6

Kena mua kuikala muntu mupiamupia mu Tshisumbu tshia bena ditaba, bualu udi mua kuditambisha. Diba adi nebamufundile tshibawu tshiakapeta diabolu.

1 Timote 5:22

Kutenteki muntu bianza lukasalukasa bua kumupesha muanzu mu Tshisumbu tshia bena ditaba. Kubuelakanyi mu mibi idi bantu bakuabu benza. Wewe kabidi kuenji bibi.

1 Yone 4:1

Balunda banyi, kanulondi bonsu badi badiamba ne: tudi ne Mueyelu. Kadi nubatete bua kujadika ne: Mueyelu udibu nawu ngwa Mvidi Mukulu anyi? Bualu bambi ba dishima bavule badi batampakane mu bantu.