1 Timote 1:4 - MUKANDA WA MYIDI MUKULU

⁴ Kabakebi kumanya mianu ne mena mulongulongu bia bankambua, bidi bijula amu milandu ya patupu. Bionsu abi kabiena bitungunuja mudimu wa Mvidi Mukulu wa kusungidila bantu. Muntu udi upeta lupandu amu ku ditaba.

Mukanda wa Nzambi Dihungila Dikulukulu ne Dihungila Dihia-dihia 2003

⁴ ne kanulamatshi ku nsumuinu ya tshianana, anyi ku mena a hankambua malongolola adi kâl ne ndekelu; malu â adi avuisha dikonkangana, kêna avuisha kudiunda kua mudimu wa Nzambi kudi ditabusha: udi nkusengelela muomumue katataka.

1 Timote 1:4 Marejeleo ya Msalaba

2 Korente 1:12

Tudi mua kuditemba, bualu kondu ken ka munda kadi kanjadikila ne: ndi bende panu, nangananga munkatshi muenu, ne muoyi wa didipuekesha, kanyi ndinga bann, balonde bidi Mvidi Mukulu wenza. Nanku tshivua tshindudika ki mmeji a bann nansha, kadi amu dinanga didi Mvidi Mukulu utunanga nadi.

Efeze 3:2

Bushuwa, nukadi bumvue bamba bua mudimu uvua Mvidi Mukulu mungimikile ku luse luende, bua meme kunuenzela.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

1 Timote 4:7

Kadi ubenge nsumuinu ya butshimbakane, idi ibengangana ne ditaba. Enza amu muebe muonsu bua ulamate Mvidi Mukulu.

1 Timote 6:11

Kadi wewe, muntu wa Mvidi Mukulu, epuka ku bionsu abi. Enza tshidi Mvidi Mukulu musue, umulamate, ulonde amu njila wa ditaba, wa dinanga, wa lutulu ne wa bupole.

1 Timote 6:20

Timote wanyi, lama biakane tshivuabu bakupeshe. Epela biakulakula bia bantu badi baluisha ditaba, badiamba ne: tudi ne dimanya, padibu kabayi bamanye.

2 Timote 2:14

Uvuluije bantu bonsu malu aa. Ubabele bikole kumpala kua Mvidi Mukulu ne: kanuedianganyi mpata ya pa miaku. Mpata ya nunku kayena ilengelela bantu, kadi idi amu ipambula badi bayiteleja.

2 Timote 2:22

Epuka ku majinga mabi a mu bunsonga. Keba kuenza malu mimpe. Ikala ne ditaba, dinanga, ditalala. Udisange ne bonsu badi ne muoyi muimpe, batendelela Mfumu.

2 Timote 2:23

Kadi ubenge mpata ya bupale ne butshimbakane. Umanye ne: ndekelu wayi udi amu matandu.

2 Timote 4:4

Kabakuteleja kabidi malu malelela to. Nebaabenge bua kuteleja ne ntema yonsu mianu.

Tite 1:1

Meme Polu, muena mudimu wa Mvidi Mukulu, ne mupostolu wa Yezu Kristu, ndi mfunda mukanda ewu. Bavua bangimikile mudimu wa kufikisha ku ditaba bantu bavua Mvidi Mukulu musungule, ne wa kubamanyisha mudibu mua kunemeka Mvidi Mukulu mu bulelela bilondeshile ditaba diabu.

Tite 1:14

Kabalamatshi kabidi ku nsumuinu ya bena Yuda, nansha ku mikenji ivuabu bele kudi bantu badi babenga bulelela.

Tite 3:9

Kadi lekela kuelangana mpata ya tshianana, kulondolola ndelanganyi mulongulongu ya bankambua, matandu ne mpata bia pa mikenji. Ebi kabiena biambuluisha nansha kakese.

Ebrewu 13:9

Kanumbuki mu njila mulelela, bua kuitaba malongesha mashilangane adi kaayi etu. Bidi bimpe bua dinanga didi Mvidi Mukulu utunanga nadi dikoleshe muoyi wetu, mikenji idi itangila biakudia kayena mua kuenza nanku. Badi bitabe mikenji ya mushindu ewu, katshia kabena mua kupeta kantu nansha kakese.

2 Petro 1:16

Patuvua banumanyishe ne: Mfumu wetu Yezu Kristu neafike ne bukole buende, katuvua banulondele nsumuinu ifuma ku budimu bua bantu. Kadi tuvua badimuene butumbi buende ne etu abidi.