1 Timote 1:10 - MUKANDA WA MYIDI MUKULU

¹⁰ bena buendenda, bakulumpe badi banyanga bana, bantu badi basumbishangana bapika, bena dishima, bantu badi baditshipa mitshipu ya dishima, ne bonsu badi benza malu adi abengangana ne dilongesha dilelela.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ ne bena masandi, balume badi benzelangana malu a bundu, banyengi ba bantu, bena mashimi, bena mitshihu ya mashimi, anyi bikalaku tshinga tshintu tshidi tshifuilangana ne diyisha dimpe;

1 Timote 1:10 Marejeleo ya Msalaba

Genese 19:5

Bavua bela mbila bamukonka ne: — Bantu balume bavua bafika kuebe dilolu edi badi penyi? Bapatula bualu tudi basue bikale bakaji betu.

Genese 37:27

Katumushipi nansha, bualu mmuanetu. Tudi bantu bamue. Kadi tumusumbishe kudi bena Ismayele aba. Bana babu kuitaba.

Genese 40:15

Mbangumushishe ku bukole kuetu ku bena Ebrewu. Mbamfikishe kunu, bangela mu nzubu wa lukanu, tshiyi ne bualu bundi muenze.

Ekesode 20:7

“Kutedi dina dianyi meme, Maweja-Nangila Mvidi Mukulu webe, tshitelatela, bualu meme nengangate muntu yonsu udi kayi unemeka dina dianyi bu muena tshibawu.

Ekesode 21:16

“Muntu udi wiba muntu, numushipe, nansha basangane muntu awu ku nzubu kua muivi, nansha yeye mumane kumupana.

Osheya 10:4

Bena Izrayele badi bakula amu kuakula; badi baditshipa mitshipu ya mashimi, batua ndondu. Kadi dikosa diabu dia nsambu, didi bu bisosa bibi bia lulengu, bitoloka mu budimi budibu bamane kusekuna.

Lewitiki 18:22

“Kuena ne bua kubuelela mulume nebe mu nzubu, bu mudibu babuelela mukaji to. Nngenzelu mubi udibu bakandika kashidi.

Lewitiki 20:13

“Padi muntu mulume ulala ne mulume nende, bu mudibu balala ne mukaji, bonsu babidi mbenze bualu bupite bubi, budi kabuyi busankisha Mvidi Mukulu. Babashipe bonsu babidi. Bualu bobu nkayabu mbadikebele lufu.

Zekâya 5:4

Maweja-Nangila wa bukole buonsu udi wamba ne: Yeye nkayende neele mulawu ewu; neufike mu nzubu mua muivi yonsu, ne mua muntu yonsu udi uditshipa mitshipu ya dishima mu dina dianyi. Mulawu neushale mu nzubu ewu. Neubutule bionsu bidimu, nansha mikamba ne mabue mene.

Zekâya 8:17

Kanuedi meji a kuenzelangana bibi. Nulekele kutshipa mitshipu ya dishima, bualu meme Maweja-Nangila tshiena muanyishe malu a nanku.”

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Yowanane 8:44

Diabolu ke tatuenu. Nudi basue kuenza bidi tatuenu ujinga. Biangatshile ku tshibangidilu uvua mushipianganyi. Katshia ki mmuanji kushala mu bulelela, bualu bulelela kabuena munda muende. Padiye wamba malu a dishima, malu awu ke adi munda muende, bualu udi mudingianganyi, kabidi tatuende wa dishima.

Rome 1:26

Ke pavua Mvidi Mukulu mubafde ku bijingajinga bia bundu. Bakaji babu mene badi balekela bulongolodi bua Mvidi Mukulu, bua kubuelelangana mu nzubu.

Dielulula 24:7

Pikala muena Izrayele mukuate muanabu, mumulame bu mupika, nansha mumupane, mbimpe kushipa mukuatshianganyi awu. Ke munudi mua kujikija buenzayi munkatshi mua bena Izrayele nanku.

1 Timote 4:6

Paudi ulongesha bana hetu malu aa, newikale muena mudimu muimpe wa Yezu Kristu. Neuleje muudi ukeba tshiakudia tshiebe tshia muoyi, mu miaku ya ditaba, ne mu malongesha malelela avuabu bakulongeshe.

1 Timote 6:3

Padi muntu ulongesha malu adi kaayi umvuangana ne miaku milelela ya Mfumu wetu Yezu Kristu, nansha ne ditaba dietu,

2 Timote 1:13

Miaku milelela imvua mukuambile ikuleje muudi ne bua kuakula. Unanukile bimpe mu ditaba ne mu dinanga, bitudi nabi patudi tudisanga ne Yezu Kristu.

2 Timote 4:3

Bualu tshikondu netshifike, tshiabenga bantu kuteleja badi balongesha malu malelela. Nebakebe amu tshidibu bajinga bobu. Nebadisangishile balongeshi bavule badi babalongesha amu bidibu basue kuteleja.

Tite 1:13

mMuambilemu! Ke paudi ne bua kubabela bikole bua bapingane mu ditaba dilelela.

Tite 1:9

Alongeshe malu a Mvidi Mukulu malelela, amu muvuabu bamulongeshewu. Nanku neamanye mua kukolesha bantu bakuabu ku muoyi. Alongeshe amu malu malelela. Aleje bantu badi babenga dilongesha diende ntupakanyi yabu.

Ebrewu 13:4

Banemeke dibaka kudi bantu bonsu. Bena dibaka balamatangane. Mvidi Mukulu nealumbuluishe benji ba malu a bundu ne bena buendenda.

Yuda 1:7

Nuvuluke kabidi bimenga bia Sodome ne Ngomore, ne bikuabu bivua nabi mutumba. Bena bimenga abi bavua benza malu mabi, anu bu batumibue aba, bakeba kuenda buendenda ne bantu ba mushindu mukuabo. Badi babanyoka mpindiewu mu kapia ka kashidi, bua tshilejilu tshiabu tshidimuje bantu bonsu.

Didimanyisha 18:13

bintu bishilangane bia kulunga nabi biakudia; manananshi, musenga wa kamonya; maluvu, mafuta, bukula ne ntete ya kuenza bukula; ngombe ne mikoku, nyama ya tubalu ne matempu; bapika ne bantu bakuabu bena mudimu.

Didimanyisha 21:27

Kadi tshintu nansha tshimue tshidi ne mikiya, katshiakubuela mu tshimenga etshi. Muntu udi wenza malu mabi, ushima, kakubuelamu. Amu badi ne mena abu mu mukanda wa muoyi, mukanda wa Muana wa mukoku, ke badi mua kubuelamu.

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.

Didimanyisha 22:15

Kadi bantu badi batombokela Mvidi Mukulu, benza malu a majimbu, benza malu a bundu, bashipianganyi, batendeledi ba nwidie, ne bonsu badi bashimangana ku miaku nansha ku ngenzelu, kabakubuela mu tshimenga!