1 Samuele 9:5 - MUKANDA WA MYIDI MUKULU

⁵ Kadi bafika mu buloba bua Sufa, Shawule kuambila muena mudimu ne: — Tupingane ku nzubu. Patupu tatu wanyi, kakupampakana kabidi bua nyama ya mpunde to. Neatuadije kunyingalala bualu buetu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Hakafikabo ku buloba bua Sufa, Shaula wakambila muena mudimu wandi wakadi nʼandi ne, Lua, tuhingane, tatu nealekele kunyingalasha mutshima bualu bua nyama ya mpunda, neabange kunyingalasha mutshima bualu buetu.

1 Samuele 9:5 Marejeleo ya Msalaba

1 Samuele 10:2

Mpindiewu netushiyangane nebe. Kadi pawafika ku Selsa, mu buloba bua bena Binyamine, neusambakene ne bantu balume babidi, pabuipi ne lukita lua Rakele. Nebakuambile ne: “Nyama ya mpunde iuvua ukeba, mbamane kuyimona. Tatuebe katshiena ukeba nyama to, ukadi ukukeba amu wewe. Udi ukeba mushindu wa kukumona wewe muanende wa balume.”

1 Samuele 1:1

Mu tshimenga tshia Rama, mu buloba bua mikuna bua Efrayime, muvua muntu mukuabu wa bena Efrayime, wa mu diku dia Sufa. Dina diende ngElkana. Uvua muana wa Yerowame, Yerowame mmuana wa Eliku, Eliku mmuana wa Toku, Toku mmuana wa Sufa.

Luke 12:11

“Panufilabu mu nzubu ya ditendelela ya bena Yuda, nansha kumpala kua balombodi ne bamfumu, bua banulumbuluishe, kanupampakanyi bua mushindu unudi mua kudilumbuluila, nansha bua binudi ne bua kuamba.

Luke 12:22

Pashishe Yezu kuambila balongi bende ne: — Ke pandi nnuambila ne: kanutatshi bua biakudia binudi nabi dijinga, nansha bua bivualu bidi mubidi wenu ukengela.

Matayi 6:28

— Nudi nuditatshisha bua bilamba bia kuvuala bua tshinyi? Tangilayi mudi bilongu bia mu mpata bidiunda. Kabiena bienza mudimu, kabiena bikuma bilamba.

Matayi 6:25

— Ke mundi nnuambila ne: kanuditatshishi bua biakudia ne bua biakunua binudi nujinga, nansha bua bilamba bia kuvuala binudi nukengela. Bualu muoyi mmupite biakudia, mubidi mmupite bilamba. Ki mmomu anyi?

Matayi 6:34

Kanuditatshishi bua malu a maloba to. Patshiabu, malu a dituku adi neadikumbanyine. Lutatu ludi lumueneka ku dituku dionsu, ndukumbane bua dituku adi.